俾少少tips最近睇上車盤嘅巴打

For 新手入門only，自認聰明可以<上一頁



1 俾個aa覺得你唔係運吉，有禮貌、有做足功課，熟個區，計掂數，不妨分享多D內心諗法，佢地會落力D

2 俾個aa知道你跟緊幾間地產睇樓，佢唔敢報貴野俾你，你都可以互相比較邊個肯幫你傾多D

3 唔好搵d扎根多年嘅老行尊aa，佢地自己揸住貨，唔會想幫你傾劈價，就算有平盤佢都會搵自己人上先

4 佢話個市旺返、業主硬返、個價升返，當耳邊風，自己上中美差估成交網睇成交量同升跌

5 鋪面同網上廣告經常造假，aa冇食誠實豆沙包，唯一保障自己方法係問多幾間地產

6 除左寫落合約三方簽名嘅terms之外，其他口頭陳述、承諾一律追究唔到，自己警剔

7 傾價傾到最後，佢主動提出減佣，先好信嗰口價真係底價

8 執平野要快狠準，計好數，做決定要快，做足功課，分析價錢可以準，對aa、業主，要狠

多謝沒巴

減佣論係真既

但如果要跌，應該未到底喎
没巴覺得會傾得成咩？

沒事爸

有D上車盤，三個月跌左20%以上，風險系數已經低返好多

新手必睇

今日班aa9出晒去企街乞人買

無人狙擊

呢家仲係19年頭價

第二點真係有用
我上年買個時同一個盤 底價可以差二十萬

而家趁呢個時間玩鳩AA

咁快就要睇上車盤?!
唔係跌到下年咩最少
諗住至少觀察到下年第一季

如果需要自住，買咩樓防守力比較好？

收入同職業講唔講冇所謂

婉轉可以試下：
我budget真係預左係咁多，如果業主唔肯再減可能要靠你地公司幫幫手

當然佢主動提出用減佣解決問題係最好啦

“咁我再諗諗先”

多謝沒事巴

多謝沒事巴

沒巴元朗樓未好多減價盤！
幾時先跌到17 年中嘅價？

大跌市邊到都死

一係買傳統豪宅區份，一係買重點發展前景但唔好做開荒牛

洪水橋？