新手飼主必讀，關於旺角寵物店賺錢大法

其實耐唔時都有人問我關於旺角寵物店既事，我就決定與其逐個人回，都不如打一篇野話俾大家知旺角寵物店點賺錢，等一眾寵物愛護者可以有更多知識，唔會再被騙。以下既分享，主要係針對新手飼主。

首先，養動物第一件事梗係諗究竟領養好定係買好。我唔係道德撚，唔會話領養就係好人，買寵物就一定係壞人。但我想講既係，寵物既野真係講眼緣。

不過如果真係買，你首先要知，香港大部分寵物店都係有自設繁殖場既。呢d地方基本上係強迫動物交配，生下來既就一日餵得兩餐（因為要節省人手，好多時係餵完就出鋪頭，放工再返去餵），所以寵物店既動物好多時都養成左「餓狗搶屎」既習慣。因為餵唔飽，佢地有得食就狼吞虎嚥，令到佢地既腸胃唔好。加上繁殖場俾既食物大多數好劣質，所以買返黎既寵物通常都有腸胃問題，令飼主好擔心。

當動物習慣左劣質食品，去到寵物店時，售貨員就可以名正言順推介劣質食品，以高於市價好多既價錢賣俾你。寵物店好少回頭客，所以佢地其實只求賺你一次錢，等你中一鋪大伏就算（當然亦有唔少唔做功課既飼主好戇居做回頭客）。

舉個例子。售貨員係賣狗時，因為你係新手，家中又無任何準備，所以你為左買基本設備，咁就會落入左圈套。養動物有咩設備呢？籠、飲水器、零食、糧食、玩具、補充器等等。以下係淘寶同寵物店既價錢對照，大家可以睇下：

係淘寶一個$298既籠佢可以賣到$1980；

飲水器原價$100，賣你$398；

零食$30，賣你$100；

優質糧食食水唔深，所以只會賣你一d連上網都搵唔到既糧食。我舉個例子，美國十大狗糧Castor & Pollux organix講緊$250一包（呢隻已經係市面上偏貴既狗糧），但劣質狗糧佢會賣你$400；

玩具、補充品更加唔使講，普遍比淘寶貴50%。

由以上例子，寵物店除左賺你寵物錢，呢d其他副產品都足以食你一萬蚊，等於你可以買多一隻寵物。

所以，如果係新手飼主，我唔反對買寵物，因為買寵物某程度上係難以杜絕既，唯有當係拯救呢d要俾錢先拯救到既寵物。雖然如此，我地都係有責任去大幅降低寵物店既利潤。因為我地成日以為買寵物食水最深，但其實副產品先係唔可以睇小既重大利潤。作為新手飼主，我會建議你如果真係想養動物，無論領養定係購買，你一定要先用自己既途徑（例如淘寶、有信譽的寵物產品店）買晒所需要既設備，然後先好帶寵物返屋企。

簡單來講，如果單靠賣寵物，寵物店只係足夠交付租金，佢地既利潤更多時係由副產品度黎。所以與其叫人唔好買寵物，都不如叫人唔好買副產品。咁樣作為打擊寵物店既利潤更加有效。

最後，我都真心欣賞領養寵物者，因為呢個方法都真係更有效咁打擊寵物店，我向你地致敬。

咁買糧有邊間介紹？

推！
諗到啲狗仔割聲帶 生到咁上下就唔要
就覺得好慘

多謝巴打提供方法去杜寵物店先 但最重要個樣你無講
除左淘寶 你有咩地方好介紹可以買依啲必然既設備同糧食？

咁買糧有邊間介紹？

新蒲崗mikiki有間叫吉之家（不賣寵物的），有位輪椅叔叔開的，雖然偏貴，只賣優質食糧，但服務超好，而且會俾好多飼養心得，有興趣可以望望。

多謝巴打提供方法去杜寵物店先 但最重要個樣你無講
除左淘寶 你有咩地方好介紹可以買依啲必然既設備同糧食？

暫時未發現平過淘寶

大把人買寵物都係心血來潮
點會淘寶買

大把人買寵物都係心血來潮
點會淘寶買

咪就係咁先俾人呃囉⋯⋯⋯⋯⋯⋯

多謝巴打提供方法去杜寵物店先 但最重要個樣你無講
除左淘寶 你有咩地方好介紹可以買依啲必然既設備同糧食？

暫時未發現平過淘寶

淘寶多唔多假野？

多謝巴打提供方法去杜寵物店先 但最重要個樣你無講
除左淘寶 你有咩地方好介紹可以買依啲必然既設備同糧食？

暫時未發現平過淘寶

淘寶多唔多假野？

糧我唔會淘寶買。你可以選擇亞馬遜由美國訂返黎，但要一個月。我而家就去吉之家買，好既糧只有代理有賣。

淘寶買欄、籠、玩具、飲水器、餵食器都可以。一定平過街買。

補多句，玩具可能有雜牌，其他副產品未試過有假野。

再補多句，床個d一定唔好街買，最誇張貴兩三倍。

推一推

幫推

大把人買寵物都係心血來潮
點會淘寶買

咪就係咁先俾人呃囉⋯⋯⋯⋯⋯⋯

果班多數都係白痴
救唔到

再再補多句，如果淘寶買，最好用牌子搵。就咁打「狗籠」會好多雜牌。

本人養過貓、狗，有問題都可以發問。

所有食品網上訂
耐用品/損耗品淘寶就岩

雖然唔關事 但想問下貓使唔使唧肛門腺

暫時未發現平過淘寶

淘寶多唔多假野？

糧我唔會淘寶買。你可以選擇亞馬遜由美國訂返黎，但要一個月。我而家就去吉之家買，好既糧只有代理有賣。

淘寶買欄、籠、玩具、飲水器、餵食器都可以。一定平過街買。

咁預返啲時間就冇問題

不如講下公屋養乜撚野狗丫d人