[長氣多圖][不爛尾] 俄羅斯世界盃曲終之旅

係要睇官網架啦
報紙好少講
波台d人淨係識上網睇波更加唔會理

歐聯決賽就連埋歐霸三月尾一齊抽
歐霸應該幾易抽
一抽就中左

世界盃就上年十月抽既
抽唔到之後仲有第二之抽籤同先到先得
應該屆屆都唔同時間

亞洲盃而家都賣緊飛
不過無香港不了

DAY2 馬林斯基劇院 Sadko

鐵路館其實已經係最後一個景點
跟住就番酒店CHECK IN了
不過因為BOOK左七點去睇芭蕾舞
其實有D趕
尤其係俄羅斯地鐵站真係唔算太方便既情況之下

我係聖彼得堡住既酒店
其實世界盃期間都無咩可以選擇
唔係無房就比人炒到仆街
呢間叫做唯一正常樣
所以就BOOK左三晚

門口真係好鳩流流

而且無咩指示搞到我去錯仲要比人鬧

無電梯

門口都淨係寫住hotel
真係鬼識黎搵咩
仲要黑口黑面
所以先話我對俄羅斯人既印像麻麻
仲有俄羅斯人好似個個都肺癆咁
係唔知做乜撚野係會咳到痴線

影印PASSPORT又要搞一輪
連FANID都要影

搞好耐先入到房

其實幾企理大間
但係最大問題係無冷氣呢
搬完行李身水身汗
仲要坐通宵火車無得沖涼
一陣又要去好似幾高級既大劇院
都係要好好梳洗下唔好失禮自己

大劇院附近無地鐵站
唯有坐巴士去
好彩係俄羅斯搭巴士睇google map都叫做穩陣同準時
由酒店坐6號巴士就可以直達劇院


不過google map就真係只限位置同交通準
如果你用黎參考景點同餐廳分數就食屎了
幾乎每個出名D既景點都可以有4.7分以上
餐廳又係
求其search間麥當奴都可以有4.3分

仲有千幾人評價
你話唔係淘寶買like都無人信啦

巴士上車可以拍卡
亦都可以比現金
40盧布
貴過地鐵少少
不過無論係邊一樣
巴士上面果個票務員都會黎打搞你
如果拍左卡既
就再向佢部手提機拍多次確認就得
唔用卡既亦都可以比現金
會得到19車飛


時間岩岩好
開場前三個字到達
外型比起米蘭果間斯卡拉大劇情叫做有D氣勢


起碼有話比你知我就係劇院既感覺

都幾多人正裝出席
我地兩個窮酸子弟就只係簡簡單單著件恤衫就算
好彩叫做世界盃期間都仲有唔少人著到好HEA

售票處有大廳模型

個個樣都排晒number
好正

因為得網上print出黎既A4紙戲飛
想話去換番張正常飛
佢又話呢張就係飛無得換啦
頂

仲有演員介紹同劇照




當然係睇唔明啦

傳說中既戲飛

呢個就係我要坐果層
問左好多人先去得到
成張飛得一堆俄文根本就無可能搵到自己坐邊

同斯卡拉劇院一樣
係出面根本就想像唔到入面到底有幾深

我真係幾鐘意呢個畫面

我個位雖然已經係山頂下一層
但就叫做中間位
睇得清清潔潔
前面仲可以放到部電話


係意大利唔捨得比百幾歐去睇場歌劇
今次黎到俄羅斯可以平少少入場
但其實都要成5500盧布
除番港紙都要成七舊水
係俄羅斯絕對係高尚消費黎

天花頂


我果層

散場果時影既


其實係英國已經睇左一次歌劇
唔知係累定真係個位太難睇啦
最後真係睇到訓著

我以為
黎到俄羅斯
睇芭蕾舞
仲要比咁貴
應該可以安安份份做番個文青享受下掛

點知都係訓著
全長三個幾鐘
中場仲要有兩個休息
我真係越睇越頂唔順

回過神黎
已經散左場




可能我真係無呢方面既文化
以後
如果仲有機會既話
都係比錢入場參觀
影張相打個卡就算
因為個場真係好靚好靚

咁就消滅左三個幾鐘既人生同千幾蚊
可以去食餐好好架啦

十點幾
search過劇院對面有幾間高級餐廳
去左呢間Sadko
夜晚晚無咩人唔洗book walkin就得
不過循例小二都要扮下野困惑一下先

第一次食俄國菜
就唔知點叫
唯一知道既係
一定要叫湯
同埋餃子
再叫左一兩碟hot dish
應該就差唔多

因為睇到個人溫溫鄧鄧
原諒我影到D食物好差

已經唔記得叫左咩湯
不過上面果層包就幾好食
同埋俄佬D湯真係好大碗
淨係飲湯都可以飲飽
同埋後尾先知佢跟果D白色既奶係落落碗湯到
等我仲以為用黎點包

餃子

好似係雞黎

豬肉

同埋杯lemonade

係俄羅斯好似餐餐都係飲呢D同埋利賓納

碗湯好飲
其他食物就唔算話好好食
但都叫做淨係第一餐俄國菜
可以入得口
其實都係西餐黎姐
不過上菜真係好耐
前前後後食左個幾鐘

話說叫左埋單之後
佢就擺左件咁既野係檯

諗黎諗都諗唔到係咩黎
禮物?
搞左好耐先見到中間可以扭開

原來係單黎
又幾得意

俄羅斯用applepay真係好方便
係餐廳食野佢都可以拎部無線機過黎啪一啪就搞掂

食完已經過左十二點
岩岩趕得切尾班巴士番酒店

DAY2 完

麥當奴4.3分
估唔到俄羅斯睇芭蕾舞咁貴，七舊水睇普通波可以買靚位， 係咪場舞有芭蕾巨星跳

係
自此之後我就唔再信佢d分
假架

應該係世界盃加價搶錢姐
平時應該平d既

我係英國同日本老睇過歌劇
係孤星淚

我上次買唔到孤星淚
去左睇歌聲魅影
好彩算平ja

英國既上網買
日本排隊買
好彩都知講乜 先知做緊乜

日本都有?
係邊度睇?
可能睇日本仔會投入D

成年前lu

唔平wor
都成七舊水

咁遠睇啲人未好細粒

因為坐第一層 所以貴啲

算好架啦
叫做正面
同埋我果層既第一行
坐包箱仲要後排果d都唔知點睇
坐下面又貴又會比人遮住

我記得係倫敦睇果時個位仲會有個要入錢先拎到出黎既望遠鏡

有要求

為左睇囡喳

日本妹做？

係呀 架仔架妹 唱日本
有埋live band
但唔差

現場仲有左量JK

Jk呀

共產地頭d人都鍾意假㗎
全部係人類毒瘤

共產真係垃撚圾
最叻就係借d椅

上年我完全不能接受邦路斯走呢單新聞
直至現場見到邦路斯入波剷草
對呢條反骨仔已經無晒好感可言
直到今個暑假
竟然要交換另一個新星卡達拿番黎
呢件事根本不能接受
成件事就係戴完綠帽分手然後食回頭草
仲要為左咁放走斜恩
即使之前買到C朗之後再雄心壯志
我都無辦法接受到呢單交易
原本我想book定機票出年去馬德里睇歐聯決賽架啦
而家我真係唔想去支持呢隊波
即使歐聯冠軍係廿年既夢



DAY3 葉卡捷琳娜宮

呢間酒店本身就有包早餐
雖然普普通通
不過reception個女人都好強烈希望我地食呢碗好似粥既野

食落去就無咩口感唔知食緊咩
佢仲手指指話要加牛油食
加完都無咩分別

仲有三文治同雞蛋

仲有杯乳酪

應該算係戰鬥民族既傳統早餐掛

話說聖彼得堡的確係豐富過莫斯科唔少
周邊都係皇宮
連埋交通時間
全部都起碼行半日以上

當中最出名既算係沙皇村同夏宮
今日去沙皇村
聽日去夏宮
個安排就係咁

其實沙皇村格離仲有個巴甫洛夫斯克公園
坐巴士就去得到
仲可以試搭火車番聖彼得堡
不過個人有D累
所以就放棄左後者
hea下hea下咁出發沙皇村

雖然話係郊區
但其實唔難去
坐地鐵2號線
去Moskovskaya
可以轉巴士k287或者k342都可以到沙皇村
其實2號線既尾站Kupchino一樣可以坐到呢兩架巴士
亦都有唔少人咁做

架巴士是咁的

與其話係巴士
其實係一架小巴黎


細細架
之卡點解話佢係小巴
因為佢同巴士唔同
呢架野係上車比錢司機

佢真係有一排銀仔係度方便收續
落車叫有落
完全就係香港小巴既格局黎

話說雖然唔識講俄文
但上車果時問過佢係咪去沙皇村
所以去到佢都識得放低你既
更何況呢個係旅遊區
車上去都有唔少遊客
就唔洗驚唔識叫有落既

最多咪真係大叫司機有落睇下佢有無反應