[長氣多圖][不爛尾] 俄羅斯世界盃曲終之旅

無分區又無分劃
條路又唔知點行
仲要有前後門
就好似食放題咁塞晒D野落口

當年班女皇都係不斷買買買返黎然後搵個位放，做到好西化好有藝術修養咁姐

亂咁買

DAY5 紅箭號列車

應該係行general staff building行得耐左
搞到成八點鐘先走
又行錯路
成八點半先去到fan fast門口
悲劇出現了

見到咁多人都心知不妙

軍佬話fan fast入面太多人
暫時人流管制唔比入

又竟然真係有人屌鳩軍佬
而軍佬就好機械式咁重覆又重覆

其實入得fan fast都係為左睇場四強
咁場波未踢完都唔會走架啦
咁即係根本就唔洗入
今晚仲要趕過夜火車番莫斯科
實在無謂係度紏纏落去
拿拿聲去火車站附近睇下有無邊間餐廳有電視睇好過
去唔成聖彼得堡個fifa fan fast成為左係莫斯科少有既遺憾

臨走時影一影喋血教堂
作為聖彼得堡最後既回憶

黃昏時間金光閃閃又幾靚

行暈晒成個莫斯科火車站
剩係得快餐店
最後係外圍搵到呢個好up dup既餐廳

你當係香港既雙送隻之類



仲要筆完放左微波爐叮

呢餐絕對係我係俄羅斯食過最難食既一餐

但咁樣都差唔多要50蚊港紙
比著平時旅行要食D咁既野真係狗都唔屌
但呢餐飯部電視機先係重點

曾經都一刻諗過買埋呢一場四強
但一黎太貴
而且相隔一日就要即番莫斯科睇波又太趕
所以最後都係係聖彼得堡睇電視
陪隨住呢餐係香港都唔會食既狗飯

同第一日到莫斯科既情況一樣
克羅地亞又打到入加時
而我地亦係時間上我地架過夜火車
十一點左右既天空


一入到火車站就見到成村人歡呼

原來有克羅地亞入波
英國係俄羅斯真係賤過地底泥

第一晚由莫斯科黎聖彼得堡就坐左grand express
今晚番轉頭就係住呢架
擁有悠長歷史既紅箭號


1931年開行
到而家都成八十幾歲了

對面呢架係FIFA既雙層免費專車

其實我地都可以坐
不過諗起要同其他人一齊訓就不了

我地入住既七號車卡


六號房

第一印像係寬落過grand express

開晒兩個gip都唔成問題

不過除此之外
就真係一無是處

首先佢個moon係睇唔到電視既

即係上到車我都要用電視黎睇波

然後佢亦都無好似grand express有得拍卡
好簡陋咁純粹靠呢舊野頂住棟門

門制亦都很簡單

電制更加只得一個

仲有個無需要用既保險箱

無論係各方面
都係grand express完勝
反而呢架紅箭號仲要比九舊水港紙一個人
貴grand express成舊水

紅箭號
都係不外如是嘛
但你唔好理
佢入住率係100%
只可以嘆其他人唔識貨
明明grand express係好好多

然後呢袋野淨係得枕頭

諗極都諗唔到可以點訓
仲要上網睇埋先合原來要拉呢個制

張床先會放落黎


忽然間覺得自己好聰明
連車嬸都讚我地竟然識開床

但其實grand express一入房已經舖好床
連呢方面都比紅箭號優勝

車上面既簡單水果小食

同橙汁


其實開得床黎都已經過左十二點
第二朝七點又要食早餐
雖然有張床舒舒服服
但就唔算好夠訓

第二朝既早餐

同埋車嬸強烈推介要比錢又完全無特別既咖啡

grand express係用杯方面都仲有戰鬥民族特有既杯托
紅箭號真係除左寬落少少
其他所有野都係完敗
如果有機會再坐既話
我都一定係會揀番grand express

DAY5 完

個陣就係GRAND EXPRESS同紅箭號二揀一，最後紅箭平一截

睇黎GRAND EXPRESS真係正好多

係架
不過紅箭號出面好多
我果時紅箭號貴d添
不過叫做試晒兩架車

巴打終於到莫斯科

一個月先過到一半

睇埋哩篇後，終於明白樓主點解唔中意見 俄國
西面都算仲點你四圍去 好彩我喺Moscow 冇遇過

我懷疑佢地根本係唔識安排任何野
邊都係亂黎既

DAY6 太空博物館

離開左聖彼得堡
終於又番到之後會待五日既莫斯科

不過係莫斯科遇到既事都唔太理想
首先係呢個列寧格勒火車站外面既地鐵站

拖住個GIP圍住呢個建築物轉左成個圈
發覺成個站都係出口黎無入口
真係好痴線
所以唔好以為見到個站就以為自己到左終點
真正既地鐵站入口係要行隧道落地底
而我
就拖住個GIP上上落落左唔知幾多次

其次
莫斯科人生活真係好急速
閒閒地行步路都係三四倍速黎
因為過夜火車到達時間係朝早八點幾
可能撞正番工時間啦

個人流真係好痴線
再加上戰鬥民族唔會見你拖住行李就讓你
你只會好似粒波子咁係部機入面咁比人撞黎撞去

不過黎到莫斯科
有樣野同聖彼得堡好唔同
之前講過
聖彼得堡既APPLE PAY機全部都係流既
但黎到莫斯科
終於可以用到啦

張交通卡可以自己手動增值真係正
唔洗再同班俄嬸講增值張卡都要搞幾分鐘

跌跌撞撞終於到左我住間酒店既地鐵站
幾乎係十號線既尾站
地鐵站都係為左世界盃而岩岩起好

勁新淨
好光猛
仲要雲石地磚

不過地鐵站外面個環境係咁樣

呢個位置雖然遠離市中心
但有火車站
亦都係地鐵10號線同14號線既交界
交通黎講都算方便既
尤其係14號線環迴線同決賽球場係同一條線
睇完波番酒店都方便

將會入住四晚既酒店
Hotel Sherston

要住到咁遠既主要原因
都係因為上年十一月買到波飛之後發現全莫斯科都無晒房
只可以買到咁遠
仲要成七舊水晚
如果係平時
七舊水係莫斯科應該都可以住到一間好唔錯既酒店

九點幾未有得check in
不過可以放低件行李
同埋搞文件又係煩
雖然有FANID
但又話要之前係聖彼得堡既入住證明
我以為今次住呢間酒店都流流地應該唔需要
點知真係買到
起初真係嚇撚死驚入住唔到
講多幾多佢又肯幫我搞埋
佢地做野真係神神化化

搞掂晒所有野終於可以出發莫斯科第一站
太空博物館
而太空博物館周邊仲有水族館同電視塔
已經可以玩足一日

地鐵14號線
並唔係藏係地底
而係係路面或者架空

架列車仲靚仔好多
成部特急咁
唔似得地底果D咁舊
仲要係雙座位

新野有新野既好

戰鬥民族都鐘意拎埋寵物上地鐵

不過就無意大利咁顛

少有見得到既高樓


再轉番地底既6號線

地面地鐵同地底地鐵大家本身就無連接既
需要出閘再入閘
不過我睇番張交通卡佢應該可以轉乘一次唔收錢既

VDNKh站

即係太空博物館既出口

太空博物館
作為太空第二大國
我覺得值得一黎
而且博物館個外形仲幾有型

就好似射上太空既跑道咁

開放時間


話說拎住FANID入場買飛係有優惠既
但見到我部相機就話要買張飛係FOR影相既

150盧布入場+230盧布影相
而呢條手帶就係可以影相既證明

但最後到走果一刻全程都未見過有第二個人有帶呢條手帶
而其他人用電話影相亦都係無問題既
好似比人老屈左咁

入面當然係太空野




寵物太空艙?



撒亞人太空艙


我諗戰鬥民族應該都幾自豪佢地既太空科技




古時既太空寫字樓?



仲有呢部舊式電話

岩岩玩緊莎木都有得玩

百幾萬唔知係咪入場數字

但我按極下面粒制佢都係無反應既
共產黨做假既技術真係唔係普通野




太空植物


好恐怖




人造衞星






人類友好既證明


歷代太空衣



最估唔到既係竟然有美國野



真點太空艙



仲有好多印像派既太空畫作



入面仲有個影院

播下俄佬太空署同其他人類既交流之類
訓得好舒服

作為莫斯科既第一站
都叫有個好開始
唔洗再對住果D雜亂既博物館

續

個太空博物館睇黎好正咁

btw地鐵14號線係由貨運鐵道改造成通勤鐵道，所以同其他地鐵路線唔同

啱啱無聊過，原來14號線喺2016年先起好

因為我第一間搵既酒店就係太空博物館格離
所以對呢個地方好有印度
雖然最後間酒店賣晒無得住

幾好丫
一個城市有兩條環狀線

擴建ja?

將原有貨運線雙軌+電氣化，再加車站改善設備咁喇

原來5號環狀線所有站都可以用嚟轉車?

yes

新聞圖輯：莫斯科國際軍樂節　樂韻飄揚徹紅場
http://hk.on.cc/hk/bkn/cnt/aeanews/20180826/bkn-20180826030714848-0826_00912_001.html?refer=fn2&eventsection=int_news&eventid=4028834749e13b1a0149faa9e8972a8c

紅場放煙花

佢貌似仲有好多擴建工程咁

都幾大規模下，同埋全部高架化+改善同原有地鐵系統既接駁，唔少野架
我個陣去盧日尼基球場到此一遊都坐過