[長氣多圖][不爛尾] 俄羅斯世界盃曲終之旅

屌，無野
原來一隻螞蟻都未寫

DAY9 一隻螞蟻

終於到左世界盃決賽日
由11月買飛
到而家7月
成個旅程PLAN足大半年
就係為左呢一日

一年前
我欣賞過球會級既歐聯決賽
一年之後
我即將踏進國家級既最高舞台

不過場波下午五點先開始
仲有半日時間
話多唔多話少唔少
就去埋好多人講既一隻螞蟻跳蚤市場

酒店
一隻螞蟻
同盧日尼基球場
都同屬於同一隻地鐵環狀線之上
所以就將呢幾個地方連成一齊同一日參觀

話說莫斯科郊區都有D皇宮花園既地方
但抽唔時間出去
當係聖彼得堡去左D代表就算

坐14號線去到Izmaylovo站
十點左右
附近又無咩餐廳
就食左係俄羅斯既第一餐快餐
burger king

係檯台就一定係雞同鴨講
但burger king有得用自助機買餐

仲話有中文選擇

但一揀就會hang機

汽水係任斟既

其他就真係全世界都應該無咩分別


食完就向跳蚤市場出發


好難得係度見到高樓大廈
有D迷失左自己身處既地方

其實一隻螞蟻就等同鴨寮街
如果唔係為左買紀念鈔
呢個地方都無咩特別


明明只係一個市集
但仲有埋地圖
完全當正自己係觀光景點

所以成個市場根本係FOR劏客而存在既

入面就係專埋俄羅斯娃娃既


但我成日覺得呢D野好恐怖
買左都唔知會帶左D乜番屋企
但細佬就好堅持話要買好多隻當手信送比人

係呢度
唔講價就生存唔到
所以我自己就覺得真心麻撚煩
完全唔覺係一種市井特色


小食好香
但貴到你唔想食

而我係為左紀念鈔而黎既
之前係市面都見得到
但價錢就完全係唔岩價
諗住黎到世界盃尾聲
應該可以用正常價錢買入掛

點知黎到就見到原來紀念鈔有咁多款


好似好多
但其實來來去去都係得一款
就係呢一張

其他幾乎都只係換過包裝

咁樣就可以賣六百

呢個阿伯見到唔識英文

好似算老實
就幫左佢買
順便幫埋其他巴打買多左幾份
但原來呢D紀念鈔
係佢地自己包裝既
買左個套番黎就自己放紙幣同硬幣入套
原來都幾流

如果買多幾份番香港應該有得炒

任務完成
再深入D行下
變左賣銅器





其實唔經唔覺都係度玩左個幾兩個鐘
原本一隻螞蟻後面仲有D特色教堂都去唔到
LUNCH亦都只係係BURGER KING買個包就算

結果一日食左兩餐包

番酒店放低戰利品
諗住換件衫換埋個袋
係大堂就見到呢張MEMO

但我黎左幾日
一個日本人都未見過

最後我就係著住咁樣出發盧日尼基球場啦


續


終於可以為呢個遊記倒數
下一篇決實
然後就番香港
如無意外都可以趕係下星期出發台灣完成

火車票print左出來之後 係唔係唔洗換實體票都得？

上次想去換佢唔比
係咁話無

著基沙文果個咁港女feel

應該真係港女黎
果日一隻螞蟻都幾多香港人架
同埋好多偽人去睇決賽

DAY9 盧日尼基球場

全日只做兩件事
第一件係去買紀念鈔
第二年係去睇世界盃決賽

四年一度既世界盃
被喻為足球界既最高殊榮
而世界盃決賽
更加係所有球員夢寐以求既舞台
我有幸能夠見證到2018年世界皇者既產生
以後回憶起黎
我都可以好撚柒串咁話同人講我有參與過呢一項世界最高級既賽事
球會級同國家級既決賽級賽事
我都經歷過了
我既人生
應該都算對得住我自己了

坐14號環狀線到盧日尼基站
一出站就已經見到一大堆球迷


估唔到俄羅斯都有騎警


係值得HIGH既






球場

我地CAT2個位係坐到唔記得255定256
根本就係龍門後面CAT3位

過晒安檢
原本好似對我部相機有D意見
但發覺大家都溝通唔到就放我走
一入到黎就買左杯汽水

今次終於有比賽日既杯

又係紀念品時間

不過乜都清晒
TSHIRT都收晒皮
係淨番D無印國家名既頸巾


今次入到去都想畫一晝塊面既
不過就無上次咁複雜
諗住比呢張小畫家佢睇

叫佢畫左文右仔
點知龍就得兩條

仲比D大陸仔阻撚住

雖然我自己都係狙
但世界盃畫狙既LOGO係咩玩法
條支那仔帶幾個FD子插隊比D鬼佬係咁屌
真係柒到無朋友
影衰晒D我祖既球迷

排左大半個鐘都未輪到自己
眼見閉幕禮又就黎開始
山長水遠由香港飛十個鐘機過黎俄羅斯睇決賽
真係無理由為左文仔兩隻字睇唔到閉幕禮架
果段放棄

盧日尼基球場

係俄羅斯最大既球場
可以容納8萬人
莫斯科中央陸軍今屆歐聯既主球場
上星期就係呢度收左蝗狗皮
係世界盃期間
盧日尼基球期總共舉行7場比賽
包括揭幕戰同決賽
不過外形黎講
聖彼得堡球場係靚好多

我地既16號閘

其實睇張飛就知道要坐咩位
但實際去到自己個位先FEEL到呢種悲哀

係真正既山頂位呀

仲有一行就係真真正正既山頂
後面D人直頭企係度睇


我地個景

你唔好以為都算係咁啦睇到野無問題啦
係每次攻門就會變成咁撚樣

係屎都睇唔到呀

閉幕禮




聽講好似話有韋史密夫

球場邊有巨型海報

但真心係完全無球會主客場果種氣氛
之前睇歐聯決賽果時都FEEL到
氣氛黎講絕對係比主客場比賽輸蝕
而且仲要係無得比果隻

由上隊冠軍隊長拿姆拎住大力神盃入場

終於
為期一個月既世界盃
迎接最後一場比賽
法國對克羅地亞


我自己呢
就真係享受唔到場波
唔單止係因為視覺上睇唔到
更重要我唔係呢兩隊既FANS
四強果時
因為唔鐘意英超1隊
所以可以盡情幫法國打氣
但黎到決賽
事實我兩邊都唔討厭
又無特別鐘意邊隊波
最多都只係因為文仔所以偏向左克羅地亞
又無買波
就算夾係八萬人中間
都真係帶動唔到種情緒

成場波有六球入球
大部份都係我呢邊個龍入
我係要睇番電視機先見到點入
真係ON99

唯一見到既就係基沙文球十二碼



全場78011見證法國登基


4比2


完場一刻


大家都舉機影相


俄羅斯世界盃正式結束

決賽MVP
基沙文


即場搭台

成班登基傻仔


文仔


同打破左美斯C朗壟斷左十年既新任球王
摩迪
見到真係幾心UP

法國同克羅地亞既總統都有出席


然後係球場中心落起雨上黎

得班領導有遮

堅係離晒地


女總統就成個痴女咁係咁攬

雨中頒獎




滑草變左滑水


放煙花


但好笑既好係球場入面根本係完全睇唔到
要睇電視直播


五千幾蚊場波
係呢度完滿結束
散場好多人


不過洗咁多錢黎到
又唔想話走就走
雖然我唔係法國球迷
但都想留係到感受一下餘韻


終於可以企係球場中間位影番張相

盧日尼基球場
並唔係乜野大球場用既球場
睇怕以後都無咩機會會番黎

真係好多巴西佬

仲有少量法國佬


球場既另一角度

其實除左影相
我仲有另一個任務

就係執垃圾

最後執左咁多個杯番屋企

講波佬同記者都已經走晒

係呢度見唔到積SIR佢地
反而番香港係飛機入面見到

係
都幾唔捨得世界盃就咁完結

周圍行黎行去影盧日尼基既全貌

輪椅位


最後見到有兩個俄妹工作人員好正

成個旅程唯一既合照


真點散場



夜晚發光既球場真係特別吸引
外面係散場既義工
辛苦晒

可能真係好遲先走
無聖彼得堡要行咁耐先到地鐵站
係地鐵站望番去個球場又係另一種味道

番到去酒店附近
GOOGLE MAP到間24小時既餐廳

感覺好似香港既茶餐廳咁
入面都係的士佬

無人識英文
唯有拎GOOGLE MAP D圖指住黎叫
GOOGLE MAP有咩相我就食咩

雖然CHEAP CHEAP地
但反而幾好食




真正街頭平民餐

DAY9 完

現場睇始終氣氛唔同睇電視機
不過個位真係遠左好多

btw兩件俄妹真係好正

係
真人靚過上鏡

邊到有紅燈區

無研究

DAY10 普希金餐廳 Eliseevskiy 基督救世主大教堂

睇完波
第二日就要番香港
真係要學誠哥講句
聽日準時番工
不過夜晚七點半機
叫做仲有一日可以係莫斯科行

酒店CHECK OUT
試埋最後一種交通工具
莫斯科火車
估計呢種火車係用黎連接郊外用既或者更遠城市用既

不過塊牌真係完全睇唔明啦
我都係全靠GOOGLE MAP先識買6229呢班車

但係賣飛條友竟然叫我坐番地鐵
我一場黎到堅係要坐啦
得到兩張火車飛

個FEEL其實都似九鐵

入面無影相
大概就係以前香港番大陸D火車咁
無冷氣又熱到仆街
目測睇唔到有遊客
我地仲要拎住兩個GIP
完全係異類FEEL
叫做體驗過咁啦

係白俄站落車

放低行李

入番市內繼續行程

係IG見到
決賽一完就搞減價


最後一日係星期一
本來可以參觀得到莫斯科大劇院
但因為前晚去唔到普希金餐廳
一直都心思思
以後都未必再有機會黎到莫斯科
所以都係想試下佢傳說中既三大

普希金餐廳
廿四小時開夜
比起另外兩間白兔同杜蘭朵
門檻係低左少少既

今日日頭黎到
門口無左上次果班侍衛
時間係早餐同午餐之間
唔多人
WALKIN唔洗等


無得上二樓圖書館
就坐係呢度入面

不過唔洗著正裝入到黎打張卡已經算係咁

無傳說呢個商務午餐

實實在在就係一本MENU

其實以一間最高等級既餐廳黎講
個價真係好平民

只係百幾二百蚊一碟菜

細佬我就唔識食既
只不過係旅程既尾聲
入黎扮下上等人
所以叫既野都真係好平民
其中唔少得既一定係羅宋湯

黎左咁多日
好似都係第一餐午餐飲湯
佢每道菜都會有問你要咩包
揀完仲會同你講揀得好

鴨胸同牛柳



唔知點解飯後好想我地要COFFEE
但我地叫左雪糕

好食都唔係話特別好食
黎呢度應該都係食個氣氛
同打卡

收據有字寫
但完全睇唔明

埋單六千盧布
大約七百五港紙
作為俄羅斯既最後一餐
都過得去啦

撞正LUNCH TIME走
門口成堆支那

不過餐廳門口其實並唔算話好特別

之後經其他巴打介紹
就去左一間超市買手信
呢間超市叫做Eliseevskiy

入面係超豪華



但佢真係一間超市黎
買左好多朱古力
唔洗去到機場再搵

其實最後一日
食完普希金餐廳就無咩安排架啦
係googlemap點指兵兵
就去埋俄羅斯既最後一個景點
基督救世主大教堂

呢D名好似度度都一樣咁
唔係復活救世就喋血


條管唔知用黎做乜呢

東正教教堂
入面一樣係金光閃閃
而且唔洗入場費









同聖彼得堡喀山教堂差唔多款
唔同既係
佢仲有地下層








少人好多
但呢個成隻GANTZ入面百鬼夜行咁


由後門走

莫斯科同聖彼得堡真係好唔同
由頭到尾都係晴天


過橋


離遠可以見到克里姆林宮

呢座野係GOOGLE MAP都有名架

叫彼得柱

繼續可以見到莫斯科一直都建築咁

其實香港都一樣
只係香港係倒錢落海

橋既盡頭係間荒廢左既酒店




俄羅斯另一種特色
就係佢地裝修會整張畫好左既建設圖舖上去


係河中心噴水


其實戰鬥民族既旅程就結束架啦


坐車番白俄站
就轉機場快線入機場
最後以白俄羅斯火車站作結

機鐵站商場
開始減價貨

世界盃之後呢堆野就會開始變蟹
不過完左世界杯我都唔係好有興趣再買

咁呢
去到機場
見到俄航個LOGO就排隊架啦

話說唔知點解一個香港人都見唔到wor
我都好奇怪
後來貼左呢張相上TG GROUP話好多人排隊CHECK IN
竟然有巴打同我講番呢度唔係FOR香港人
番香港係另一邊
好彩本身都預多左時間
但番香港條隊仲亂過入境果時
頂唔順去左排商務隊
點知佢又比我地過WOR
咁就唔洗遲

排出境又見番到步果時曾經撞到過既香港人
其實大家都係呢個時間黎得
都係為左睇四強同決賽
決賽完番香港其實都好正路

見到呢個牌

就要離開俄羅斯啦
話說我對呢個國家就真係無咩好感
人唔係話好
景亦都唔夠自然
係度待左十日
番香港都算係一個解脫

黎俄羅斯之前
我有PLAN過學俄文
去下金環之類既野
不過而家話以後仲可能會去俄羅斯既話
我淨係諗到去貝加爾湖

機頭都睇唔到

上到機仲要等起飛
後面排晒隊係跑度


係飛機見到霍震霆
又見到積SIR
我估可能係NOWTV成隊CREW番香港
今次揀左機尾坐
後面係比機組人員既位
基本上大部份冒出都係空既
可以盡量埃後而後面又無人頂腳
好舒服
呢個係坐左三次長途機得出既經驗
可以既話
緊係想坐番商務啦
不過暫時都仲未有機會坐到去歐洲
希望下次歐國盃可以啦

飛飛下唔知去左邊
下面幾靚


真正最後兩餐飛機餐




全程
完



雖然話經驗過今次世界盃
但講真
成個旅程經驗真係唔太深刻
尤其係莫斯科
寫左遊記兩個幾月到而家
終於寫完
回想起黎既記憶已經有D蒙糊
四大聯賽開始左個幾月
我淨係對C朗係祖記踢波有印象
摩迪同普巴係決賽踢成點我根本睇唔到

上次去意大利
雖然人仲差
但起碼對祖雲達斯有愛
有一班志同道合既隊友一齊HIGH
近距離接觸球員同更衣室

但係俄羅斯
只可以坐係山頂連波皮都望唔到
個差別就係呢度
唔好下下都話淨係入場感受氣氛都值回票價
事實係周邊有好多因素影響
我就真係完全投入唔到
每一日走係街上除左比賽日我都唔覺得世界盃係舉行緊

嗯
我體會過了
大概就係咁樣既感覺
然後人大了
追求既野都係講心靈上既感動
俄羅斯係呢方面就比唔到

聽日出發台灣
終於寫得完呢稱遊記
叫做放低心頭大頭
番到香港會繼續開遊記
多謝咁多巴絲得閒收睇
有緣再見

貝加爾湖之外 海嵾威都值得去 又夠近 順路可以去埋中國東北/北韓

好記得有一年去左倫敦睇波
有場係足總盃4強 軌對鏝

我同2個frd去到買黃牛飛
要分開坐
咁我要坐軌區
心諗仆街了 因為我著緊阿狗波衫
之後著返件風褸 不過都係紅色
果陣係成推藍衫入面坐左個紅衫
幾驚比人打
啲鬼佬一係屌球證一係屌球員

坐火車去