[長氣多圖][不爛尾] 俄羅斯世界盃曲終之旅

太空博物館我都中咗伏買影相飛
早知用返電話影相算

去一隻螞蟻都坐得到
其實呢條線都幾好用

好彩我買左一張ja
細佬無買都照用電話影

文仔有波入就得
其實不嬲狙都唔係集中幾個人波架啦

DAY6 全俄展覽中心

太空博物館下一站
其實就應該係水族館
但中間有一大片既空地
我都岩岩打呢篇遊記先搵到原來有個名叫做全俄展覽中心
大概係以前曾經起過類似世博之類既活動
而家就只係剩番一個紀念公園咁啦

呢個公園真係好大下
同埋由聖彼得堡番到莫斯科之後
每日都係過住藍天白雲既日子
係完全兩個唔同既天氣黎

呢個公園
總共存在左幾種交通工具
首先係頭早坐過黎既地鐵
然後係呢個路牌後面既單軌鐵路

屬於地鐵13號線
不過我最後都無坐過
最後仲有呢種路面電車

呢個地方真係幾熱鬧下

全俄展覽中心除左地方大
仲有好多建築物
睇落去都幾宏偉下








行行下肚餓
就係呢個公園入面其中一間餐廳搞掂
鬼佬鍾情露天茶座
但出面三十幾度
緊係係室內食啦痴線
入面幾乎一個人都無

今餐好簡單
就只係好普通既卡邦尼意粉
同泰式炒麵


加杯汽水又一餐

今次張單就無咩特別啦

但其實我次次都係用applepay比錢
收完張單又要叫番小二番黎
成個過程又煩又on9

出面個噴水池

有個叫做國際友誼噴泉既名堂架
雖然無水噴無特別

周邊大大小小建築物
都唔知佢地有無開放




仲有得對住個水池曬太陽

應該曬一陣就會甩皮

公園既盡頭

係大形展覽
有飛機同火箭
好似成班變型金剛放晒係度咁



同頭先既博物館唔同
呢架應該係真既火箭黎



最後呢座野我睇完google map都唔知係咩黎就無理到佢啦

其實本身就無plan會睇到呢埋野
只係因為水族館係呢個公園既盡頭先順便睇埋
都唔錯叫做有d野睇下咁啦

續

請問巴打係邊到訂紅箭號車飛 ?

https://pass.rzd.ru/main-pass/public/en
你search 莫斯科去聖彼得堡 或者調番轉
001a或者002a果班就係紅箭號黎

想請教樓主去邊換盧布

ATM rate好唔好？

用銀聯最好

我係機場atm換
不過只係換左少少
大部份時間都用apple pay比錢
方便得黎回贈又多

俄羅斯apple pay流行嗎？

除左小商戶
大部份店舖都收信用卡
收信用卡基本都會收applepay

DAY6 莫斯科水族館

係聖彼得堡
日日都係睇皇宮
但黎到莫斯科
感覺就好似日日睇表演咁
或者好多人都覺得睇水族館動物園馬戲團呢D野好唔人道
但我始終覺得
一場黎到都係要睇一睇既
最後個馬戲團係真心令人反感
本身表演就係要令歡眾開心
但見到D獅子老虎個頹樣
真係好心UP
但呢個都係入場睇完既感受
如果從來無睇過既話
感受的確無咁深
所以我而家可以講得出
以後都唔再支持了

水族館
係全俄展覽中心既盡頭

門水有個噴水池

烈日當空
D靚妹玩得好開心

終於有冷氣
同出面兩個世界
不過成個水族館似商場多D


感覺成個水族館都係陪襯
一日兩場既海洋show先係呢個商場既主打
場show要兩千入場費
同睇馬戲同價

而水族館有優惠
只需要500

因為下午兩點半就開始場show
唔夠時間所以散場後先睇水族館
一入場就見到自己個座有包野

竟然係雨衣黎
可能我坐第二行都有機會濕身掛

前面D人已經著住打晒底
個位就叫做側側地
無計啦
正面果幾排真係貴好多

其實就係海洋劇場加雜技表演
算無咩冷場
不過人同魚既表演比例就唔太平均
有時候演員出場太多
明明主角應該係海洋生物先岩架嘛

女主角

同後面跳舞工作人員
感覺佢地成日要換衫全場走好累

一開始就海獅海豚

同埋好多呢D表演

其實個表演每幕都叫做有主題既
不過就唔算太吸引

但係白鯨同個月亮背景好夾

同埋佢遲遲鈍鈍咁同D淒美旋律又幾襯

雖然樣樣衰衰
但呢個係我唯一覺得個背景做得好既一場

海獅海牛定海象


唯一濕身既原來就係佢地係咁踢水


主角壓軸出場
足足等左個幾鐘

呢個係我最主要既入場原因
海洋公園無左殺人鯨
都應該有廿年
都算係一種童年回憶
估唔到係呢一次過可以睇三隻

雖然好細隻

但已經值回票價

不過每次係google search殺人鯨同莫斯科
總會見到話有兩隻就黎逼到顛
唔知係咪呢三隻其中之一呢

最後噴水作結

成個表演都成兩個鐘
無睇歌劇咁耐
其實都OK
起碼唔會好似去睇歌劇咁訓著

相反個水族館睇落去就好普通





隻鱷魚唔知係咪假

隻龜係佢身上面爬黎爬去佢都無反應



今次真係見到殺人鯨既屋企


當然唔只係得個櫥窗咁既大細
但都係好好好細




俄仔好鐘意玩水
最on9係fing水


鯊魚種類亦都好少


好短既海洋隧道


整體黎講真係唔合格
唔怪得落重本係個海洋show到

出番去原來有接駁巴士架

但個巴士得咁大

個個都爭住上
坐撚咩
我都係行番出去

續

我都睇左3埸波
真係好撚正
原價 超撚前

我睇兩場都無山頂呀

lm

好懷念果陣時光
睇住法國登頂
雖然只係1,2個月既事

係
番左香港成個幾月
又做番個社畜
好似已經過左好耐咁

之前都幾鍾意行動物園
有朋友講過咁樣困住佢地其實幾慘
諗真啲又係 住係一個咁細個籠入面


北海道有間動物園
可以餵獅子老虎食野
攪到我又想去睇下

馬戲果d先慘

唔係九州？
北海道淨係知有企鵝散步

硬係覺得無咩心機寫落去咁
爛就一定唔會爛既
但仲有四日都唔知要寫幾耐先寫完

同埋下星期飛大阪
咁唔好彩又打風打到成個機場收左皮
因為我係用英航里數去換國航機既
而家仲煩緊點樣去轉機場
本身只係快閃三日去食神戶牛同睇小白
都要搞咁多野


DAY6 奧斯坦金諾電視塔

如果要由水族館行過去電視塔
最簡單既方法就係穿過個公園

大概行廿分鐘左右

但係直插公園之後
係發覺完全無路行既
成個公園變晒做地盤
唔知佢起乜鳩野
所以又要經番原路
即係全俄展覽中心果條路出去
再轉電車

咁就見到成座電視塔係面前了

作為全球第四高既塔型建築
我覺得佢係幾靚仔
高高瘦瘦
同埋應該係食左防腐劑
外形明明幾潮下
但原來已經成五十歲

世界盃期間
電視塔仲紋左同足球有關既野係身


呢條就係單軌地鐵既架空路軌


電視塔開放時間十點至十一點

如果係網上預約
就要揀定某一小時入場
因為無話想幾時黎到
最後決定walkin買飛
但係當日見網上已經賣晒飛
所以特登早D過黎碰下運氣
點知原來根本就唔算多人參觀
真係早知等日落先過黎

成個電視塔既保安仲嚴過去睇世界盃

總共要經過兩重安檢

買飛之前先要check行李
最後去到塔底仲要玩多重全身xray
成世身真係第一次試果部機
黎到俄羅斯
真係未試過需要做咁多檢查
而且今次D工作人員係堅認真
可能同好耐之前發生過大火有關係掛

售票處

仲要對晒身份文件先買到飛
入場費原本1100盧布
用左fanid有9折
即係990盧布
對比起其他觀光塔又唔算話貴

關羽細佬

背面仲有你個俄羅斯名同入場時間
不過時間係唔需要理會既
總之買完飛就入得去
亦都無話一小時之後要離開




塔底仲有間係日本成日見到有人排隊既鬼佬雪糕


成支火箭咁係真係幾好睇既

過晒保安
一入到黎就有lift

雖然見到地下有野參觀
不過都直上左去先

電視塔全新540米
而我地身處既展望台就係337米

一入到去就見到地下塊玻璃

真係忍唔住要係上面跳幾下


記憶中
我真係好似未試過日頭上呢類觀光塔
講緊而家個時間都已經七點
可惜夏天既莫斯科日照時間長
如果想睇夜景應該要九點打後先過黎



日光日白個景真係無咩好睇

地方大
周圍都係公園

模型

個望遠鏡唔洗錢任玩

不過離地面太遠
都睇唔到D咩野

仲有黎參觀過既名人表
成龍竟然表上有名


夜晚既話大概會係咁

一定靚好多

展望台可以上多層

可以出去吹風
得番圍欄無左玻璃反光
但其實個景係無分別既


轉左幾個圈乜都玩夠就落番去
莫斯科既紀念幣機終於無壞

不過無散紙玩唔到

地下就有D簡單展覽
講下以前地面點同樓上聯絡之類

仲有國王的展品

其他觀光塔既影像
係咪實時我真係唔敢講

俄文同英文既字有D一樣有D就完全唔同
同意大利文唔同好多都真係要靠估
不過右下角個tokyo又算比較易明