[長氣多圖][不爛尾] 俄羅斯世界盃曲終之旅

玩完嘆番杯雪糕

一舊水一球又幾抵屌


search過電視塔附近有間餐廳好似唔錯
就過左去食晚餐
叫做Khinkali Gali

係一間格魯古亞餐廳
其實我都唔知有咩分別
咁就叫做幾樣野啦



但有件好on9既事就發生左
就係格魯古亞餃
話說我以為應該就係普通餃子
咁兩款每樣四粒都唔係好過份姐
點知個老闆又唔提下
小二又用奇異既目光望住我地
一上到黎見到個大細真係嚇親

足足成個拳頭咁大
結果我同我細佬就一人四隻

真係又柒
又飽到上心口
最大問題件餃係唔太好食呀

棒住個肚番到酒店check in
大係幾大間既
但成間野都怪怪地咁


黎緊就要係度訓四晚

房入面又係無冷氣
晚晚都要開大個窗訓覺
然後出門口就要鎖番實驚有賊

張床都仲算OK
但個廁所真係好唔掂

個浴缸好似會跌出黎咁
硬係覺得周身唔聚財
搞到我成日都唔係好想沖涼
有一晚仲要開唔到燈
搵左個俄嬸過黎
佢搞一搞個燈膽話無事仲要串鳩你講無問題wor
都唔知係咪特登既

DAY6 完

英航miles換國航既機？

http://www.north-safari.com/super-premire
果時睇綜藝見到

打錯左
國泰

個俄嬸你地睇中佢

中國人再次震動俄羅斯 在克里姆林宮小便
https://lih.kg/810866
- 分享自 LIHKG 討論區

弱智真係無藥醫
要屙去番天安門屙啦

好似好難去咁

DAY7 克里姆林宮軍火庫 克里姆林宮教堂廣場建築群

由聖彼得堡轉左莫斯科酒店
再無免費早餐
朝頭早只有咬包

坐地鐵出去克里姆林宮
一出地鐵站就見到呢個俄羅斯國家圖書館

好似話係全球三大圖書館
同日本一樣
係俄羅斯一樣乜都係三大
或者四大

黎到克里姆林宮
周圍都係導遊
佢地通常都會拎住支旗
呢個拎住世界盃隻吉祥物好鬼得意


克里姆林宮
應該係全俄羅斯最出名既地方
集行政同觀光於一身既地方
亦曾經係職業特工隊仲比人炸爆左

但係呢個地方入場真係比較煩
因為我早前已經上網訂左飛
所以先要搵個ticket office拎飛


網上預約就只有軍火庫同教堂廣場

而伊凡大帝鐘樓就無得網上預約
最後我都無得入去呢個鐘樓
算係其中一個遺憾

城牆上面就係入口


成班人一齊排安檢
呢度無分個人或者團體
總之就混合一齊排
只有一個字
亂

俄佬係呢方面做得好差
由第一日係機場落機已經見識到
黎到克里姆林宮軍都係無分別
完全唔可能會見得到有一條條既隊伍出現

搞完一大輪
終於迫到入去
安檢出口位於城牆之上



落去就見到歌劇院


地圖

上面7-16全部都係屬於教堂廣場
1係ticket office
而2同3就係入口個城牆
最後6就係軍火庫

因為買左十點鐘軍火庫張飛
比較趕時間
所以就無理到個教堂廣場直沖去軍火庫

軍火庫位於另一個入口
好似係
早知係呢邊入好似仲唔洗排隊

我地個sector係十點至十一點半
但最後過左鐘其實都無人會趕你走
我真係唔知佢分晒時段有咩用
等我仲趕頭趕命沖過黎

俄羅斯景點其實就無咩邊度唔比影相既
唯獨係克里姆林宮
幾乎每個景點內部都係唔比影既

咁我就真係唔抵得
點都要影番幾張交差






其實呢D野係聖彼得堡都睇到悶
都係睇幾眼就算
但係軍火庫有一樣好值得睇既野
係位於最深處果一堆馬車
每一架都有屬於唔同既主人
大口徑車碌
同埋幾百年殘破既身軀
全部都好正
亦可以睇到出古代既俄羅斯係幾咁奢華
可惜呢part有幾個俄嬸鎮守毫無死角影唔到相

軍火庫格離係總統府

好似係
所以我先覺得好神奇
一個國家既權力中心竟然係開放比遊客參觀
共產黨雖然無樣好
但呢個國家係某方面又幾開放

之後去番教堂廣場
對比起其他市中心既大教堂
克里姆林宮果幾個相比真係細好多
然後我就明白到
教堂越細就越唔比影相呢個道理

聖母領報大教堂


我真係唔知唔比影
乜禁止既指示都無
係影左幾下就有人出黎講野啦


不過入面又多人又細又迫
真係無咩好睇
我印象每個教堂應該都睇唔夠十分鐘就走得

天使長大教堂




聖母升天大教堂


應該算係最靚果個






出番去後面好似成班喪屍係後面跟住咁


比起教堂
我更想上去伊凡大帝鐘樓

可惜貪快係出面無買飛
無得入





咁就行完
其實就唔算話好大
成個package亦都唔係話好吸引
就叫做黎過咁啦


出口企左幾個兵仔好度
乜表情都無又無得郁
又熱又曬
好慘

續

過幾日去, 留個名先

我老母都下星期過去
但係佢跟團

黎緊今個月尾去

睇旅行書又話入克里姆林宮唔比帶袋要放低，
但睇巴打啲相個個遊客都揹住果袋

唔洗架
其實所謂要放低個袋
即係佢門口有個cloakroom
有人幫你看管d行李
並唔係唔比你帶
而克里姆林宮就無呢樣野
要入到去軍火庫先需要放低

有無覺得行黎行去都係果啲野 會悶？

實會啦
所以已經唔想入博物館
但有時出名既唔入去睇下又好似差左少少咁
有時都幾矛盾

因為關西機場水浸
原本快閃三日去睇小白場波就睇唔成
BOOK左既神戶牛又食唔到
但都唔知係好定壞
因為原定就今朝番香港
不過而家打十號波就一定番唔到
所有野都好似整定咁

DAY7 紅場 GUM商場

一出克里姆林宮
已經身處係紅場

以前一直都以為個名叫做紅牆
大概係紅色既牆既意思
但原來真正叫係做紅場
意思係一個廣場
雖然克里姆林宮個外牆又真係紅色既

記得有人講過話世界盃開幕果時成個紅場都封左無得入
好似耐唔耐都會封左有自己野做

但今日紅場因為世界盃都擺左唔少攤位

紅場有好多博物館同教堂
側邊亦有個幾出名既商場
叫做GUM
俄文我就唔識啦
不過我叫開佢做咁

原本係想醫肚入去咁商場睇睇
點知得果一兩間好低分既餐廳
所以都係出番去食

但個商場係幾靚



又因為世界盃搞關係
佈置得唔錯
幾有氣氛

仲有歷屆世界盃D資料

呢一年絕對係影響得我最深
94年係我人生睇既第一個世界杯
白必圖同巴治奧
當年我仲未識捧邊隊
淨係識on99咁問老豆
點解世界足球先生會輸既

之後既98世界盃

當年隨口UP真係UP中左3比0
雖然我唔鐘意CCTVB
但佢地搞世界盃
係真係有氣氛好多既
始終話晒都獨大同慣性收視

下屆世界盃既球場



卡塔爾真係完全提唔起興趣

除左商場
出面條街裝都飾得幾好
如果夜晚應該幾靚



最後入左間意大利野食

好似飲血咁


第一次有小二R小費
不過旅遊區又唔太貴
都可以接受啦

GUM無波衫買
行遠左去搵NIKE

間野幾大
英國葡萄牙波衫乜都有
但就係無克羅地亞
連一個小角落都無

同聖彼得堡唔同
莫斯科係周圍都有同世界盃有關既野





格離有個免稅商場
可惜入面一樣都係搵唔到克羅地亞波衫
香港有好多唔同既樓上舖賣波飛
但黎到俄羅斯
發覺想買件波衫真係好難

前面有莫斯科大劇院


雖然已經唔想再睇芭蕾舞
但始終都係一個我係莫斯科好想入去見識既地方
成個外觀都好宏偉
靚過聖彼得堡果個好多
不過只有星期一三五開放一場tour限定20人參觀
時間唔夾去唔到

外面仲有個廣場仔


終於影到D俄妹


卡塔爾2022世界盃




又番到紅場

四季酒店

世界盃倒數鐘

不過個鐘一早已經停左

地底有個商場

相比起GUM
呢個都叫做平民商場
有UNIQLO

仲有極度乾燥

入面一樣有間nike
但一樣都係乜柒都無

歷史博物館

要過安檢得入得到紅場

安檢後面係耶穌復活門

復活門前面個圓圈

唔知乜東東
淨係見有人企上去然後拋銀仔
跟住就有D乞衣阿伯黎執錢

佢地支棒好似有磁石咁可以吸起個銀仔
但係兩條友就係度嘈緊分賑
好撚痴線

黑山教堂

同聖彼得堡相比就細好多

紅場仲有個列寧墓

成日聽話佢比人鞭屍
所以都想入去睇下
但係一個星期休息成兩三日
無得睇

續

去紅場而家要安檢
btw入列寧墓好撚煩，開得幾粒鐘又要排到仆街
同埋沿途可以望下其他蘇聯領導人既墓

應該係世界盃先要
不過都係簡單check

哦哦......不過入列寧墓會詳細地check
我女友入到去勁淆底

淆d咩

佢好怕D陰森既地方，而列寧墓入面又大冷氣又暗，佢勁驚捉實我，手心出埋汗

正呀喂

除左商場
出面條街裝都飾得幾好
如果夜晚應該幾靚