[長氣多圖][不爛尾] 俄羅斯世界盃曲終之旅

呢個我有highlight到
不過有D遠又無時間所以無去到

上期因為機場水浸去唔成大阪神戶
考慮左半個月
日日都心思思想去邊度行下
唔想成日去日本
最後決定下個月走一轉台灣
請兩日假上一上阿里山
當係去富士山之前熱下身

DAY8 莫斯科凱旋門 俯首山 衛國戰爭中央博物館

時間已經黎到第八日
其實最尾幾日既行程唔算多
始終莫斯科無乜聖彼得堡果種大景點
五日莫斯科雖然都唔算可以去得齊所有景點
但都叫做可以HEA住行
唔急唔趕
原本係咁樣以為架

本身就PLAN左朝早去俯首山
下午睇馬戲
然後去FANFAST睇埋場季軍戰
咁就一日
但人就係貪心

俯首山
好似真係本來有座山
但後來被夷平
而家變成左勝利公園

一出地鐵站
穿過地下隧道

就可以見到凱旋門起左係路中心

凱旋門係並唔係法國獨有既
就我印像所知
除左俄羅斯
都仲有北韓係有凱旋門既
而之前去過羅馬
係鬥獸場格離
亦都有個君士坦丁凱旋門
不過莫斯科呢個就
比較現代表
無乜歷史味味



係唔知點解莫斯科D野都好似食左防腐劑
無乜味道

行入去勝利公園

有紀念碑

又有遊樂場


仲有人玩呢隻車仔



勝利公園中心就係衛國戰爭中央博物館




1945年
蘇聯係第二次世界大戰戰勝既日子


架私家車係唔知做乜鳩既






而今日唔知咩日子
呢班亦唔知咩人


只係知道佢地係烈日當空之下暴曬

仲要聽埋慈母D廢話咁樣
差D以為佢地屌緊老母

我就懶得理佢地
入左博物館



其實去到俯首山已經十點幾
之後買左飛睇一點既馬戲團
時間係有
但其實都算趕
而且
勝利博物館唔只有室內
仲有室外既大室展覽
如果真係要深入咁睇
可以係度花上半日
但我只係走馬看花咁睇過就算

一張飛就睇晒入面同出面

唔知點解呢度特別少人
明明係世界盃期間



中間大廳

有座蘇聯隊長





博物館之類都睇到厭
不過呢個戰亂既場景我覺得做得好迫真



可以係度感受到沉重既氣氛
不過天花板出賣左佢



地底果層


有埋炮火BGM

出番去見到佢地岩岩放人

制服俄妹個屎忽真係好正
搞到我成個痴漢咁跟住佢

勝利公園地圖

好難度係呢個公園竟然有英文指示牌


好唔捨得個靚屎忽
就去左勝利博物館既露天展覽

呢度好多細路

入面都係飛機大炮之類
因為真係好趕時間
但買左飛就唔想CUT左佢
所以就極速睇完就算


仲有戰壕試玩


個場好大







睇到飛機果PART以為完啦
點知只係去左一半




終於出到另外一邊既門口


無辦法好好咁睇真係有D浪費
事實成個露天展覽區分左成11PART

慢慢睇都唔知要行到幾時

續

馬戲飛要點買 洗唔洗預先訂

睇你去邊間睇
我就去國家大馬戲睇
睇下佢個時間表
https://www.greatcircus.ru/#!events
再揀位就買到
買定就隱陣D
不過散位應該都會有剩既

軍事場境好正

可惜無時間睇

DAY8 莫斯科國家大馬戲團

馬戲團一路評價都係麻麻
唔人道
虐待動物之類
但係作為一個遊客
俄羅斯馬戲係舉世聞名
點都係想去參觀既

莫斯科市內有兩個馬戲團
因為睇完馬戲會去FANFAST睇季軍戰
所以揀左係FANFAST格離既國家大馬戲團

係俯首山坐巴士過去

唔好以為架巴士咁靚仔
但其實係無冷氣架
前面個阿婆已經不斷係咁拎張紙黎PUT風
真心痴撚線
夏天坐巴士真係隨時中暑都似

馬戲平日只有夜場
不過星期六日會加開日場
今日1300睇馬戲
1700季軍戰
時間排得岩岩好

馬戲團外圍


D假花好唔襯

外型都無咩特別


因為係俯首山趕過黎
其實無食午餐

買左件三文治
170盧布又唔算話係搶錢

入場

戲飛就一早上網買定
但就算係世界盃期間
好似都唔會爆

個場話大唔大
但講真
正面既位係貴一級既
而事實係
所有表演都係向晒四面
實在無話中唔中心
所以唔洗特登買貴飛黎睇

一入去就見到排飛機凳

係每場既雜技中間
就由呢班人黎客串搞氣氛


睇佢地一身既造型大概都估到代表緊邊個國家
雖然係真係完全同果個國家無關係

成個SHOW主題都係圍繞住世界盃
以唔同國家既特色黎表演

真心
其實如果淨係得雜技既話我真係收貨
但其他觀眾好似唔係咁睇
去到半場起左圍網D人就開始興奮

見到D獅子老師入場個樣頹下頹下真係好唔開心

仲要叫去做D咁既動作

真係好想佢一野咬落去

最後都要騎住隻萬獸之王黎跳

呢一PART真係慘不忍睹
但其他人就拍爛手掌

都睇到佢地有分派

但就係要格離要佢地痴埋一齊
真係痴撚線

如果呢PART CUT左佢我會開心好多
但可惜
呢場表演應該係成個SHOW既重心黎
果幾個馴獸師應該仲係團長之類既人

可能係獅子老師苦口苦面所以好唔開心
但係呢班狗隻跳黎跳去就無乜反感

呢D熊仔又接受到



或者我真係有D雙重標準
點解覺得馬比人騎無問題但獅子就有問題
係咪真係純粹睇唔順眼



最後有關二哥上馬



其實睇呢D SHOW
最重要都係投入
好似D人咁樣ONON99玩下個波都可以好開心


可能係我真係太抽離

散場


全長大約三個鐘左右
我張飛呢個位就要兩千盧布
即係二百五蚊左右
唔算貴
起碼平過睇芭蕾舞好多

續

我同你相反，highlight咗太空博物館同咩國家發展公園但冇去到
應該話冇時間去，莫市比想像中大
利申﹕之前只去過西班牙轉機，今次係首次正式歐遊

DAY8 莫斯科 FIFA FANFAST

由國家大馬戲團行過去FANFAST
大約十幾分鐘路程
沿途唔少都係散場既人
應該有好多人同我地一樣睇完馬戲去睇波

莫斯科個FANFAST
同聖彼得堡個FANFAST應該係完全唔同級數
上次入唔到SP果個
今次就完全暢通無阻

因為個場都真係幾大下
係麻雀山上面霸左個好大既位
原本呢個位應該係莫斯科國立大學既廣場黎
而家就變成左世界盃專用地

基本上係莫斯科乜都要過安檢

所謂既FIFA FANFAST
其實就係世界盃嘉年華
比D無飛入場既觀眾可以聚集係同一個地方欣賞世界盃既比賽
所以入面乜人都有



都幾雜
而且無我想像中咁好玩
只係得一堆人

大台

未有比賽果時會有表演

不過完全係識佢老鼠

但係前面D人好HIGH

季軍戰

屬於聖彼得堡既最後一場比賽
之前四強果場都仲話會想入場睇
呢個季軍戰
係我連係屋企都唔會睇既比賽
而且仲係英超一隊對英超二隊既戲碼
真係狗都唔屌
唔洗錢黎到FF參與下感受下氣氛就好

場波只係盧卡古既鬧劇
可以笑足一整場波

兩隊我都唔鍾意
結果真係WFC

係度耐唔耐就會有D唔知咩人見我地亞洲樣走過黎一齊SELFIE
不過係度企足兩個鐘都真係幾累

散場入去OFFICAL SHOP睇下有咩好買啦

遇到個香港人
佢拎住支港英旗真係好搶鏡
其實我本來都係維城士多買左支
但佢寄唔切黎屋企拎唔到去俄羅斯

入面都幾多野買
唔似得比賽日果D舖頭仔


最重要係佢連決實日既產品都有埋

呢件無國家既一睇就知係一早印定
不過佢竟然有印左法國同克羅地亞既決賽頸巾
緊係唔放過啦
亦都真係好好彩
因為決賽當日根本就買唔到

亦都有斷左貨好耐既克羅地亞TEE

終於有件衫可以著入去決賽場館打氣

呢套官方世界盃娃娃差唔多成千蚊港紙

貴到CLS

最後入左呢件樣

除左四強條頸巾係SP買既

真散場
係麻雀山可以望到對面河既盧日尼基球場


亦即係聽日我即將要入場睇既世界盃決賽場館

坐番地鐵出去食飯
麻雀山站話晒都係屬於球場既地鐵站
當然有世界盃既裝飾

又見到D傷心野

新車仲有USB差電


頭先其實約左位巴打一齊係FF睇波
巴打之前幫我賣左歐霸決賽張波飛
今次輪到我請番佢食飯
多D人食野係真係開心D
仲可以叫多幾碟送

原本話想去莫斯科三大既普希金餐廳既

但夜晚去到門口見到咁既陣容入都唔敢入

最後去左呢間叫做Khachapuri既

同之前果間一樣都係格魯吉亞餐廳

第一次叫凍湯

又凍又酸
勁難飲

另外兩個正正常常



再叫多個魚湯同餃子


今次識玩
每樣三舊夠了

仲有舊豬肉

三個人分就唔係幾夠
但每餐飲湯都真係飲飽
唔洗叫幾多都夠

呢間餐廳最特別既地方
係有個阿伯係度彈琴

都幾好氣氛
俄佬呢方面做得幾好

飯後就要各散東西
巴打有佢自己繼續佢既旅程
而我地亦都要迎接我地世界盃既尾場

DAY8 完

應該仲有三篇可以完
事實真係唔係日本遊記就無咩心機寫咁
拖下拖下慢慢就寫左成兩個幾月
到而家球季開左
世界盃好似已經離開自己好遠咁

我都係呢一兩年先試過歐遊JA

可能我住得近太空館果頭
所以揀左睇果邊D野多

我好似幾次都係為左睇波先去

追到完為止

全部都係阿朗助攻

去台灣之夢寫完佢

莫市太大，地鐵又難搭（可能我蠢）
去兩個景點已花半日時間
如果畀我去多次3-4日都仲有排玩（假設你好想去晒啲景點）

地鐵係轉車站行得遠姐
巴士跟google map搭都搞掂

今晚就出盧日尼基
希望得