[長氣多圖][不爛尾] 俄羅斯世界盃曲終之旅

聖彼得堡個喋血教堂包撚住個龜頭真係好掃興，仲要世界盃明知有好多遊客去

仲睇緊，樓主繼續

正
係俄羅斯好似都無咩點睇過夜景
聖彼得堡條橋又要成點幾鐘先睇到

發覺佢地好似好多野都仲起緊咁既款

係咪有正宗羅送湯？

DAY7 聖巴索大教堂

除左克里姆林宮
莫斯科既另一個標誌
洋蔥形圓頂
聖巴索大教堂

位置其實就係克里姆林宮出口
不過之前太多人所以食完飯先番黎
午後時間雖然都仲要排隊
但算係少左人

近照


雖然巴西已經出左局
但發現條街仲係充斥住大量著巴西波衫既巴西佬?

入場貴原價1000
持有FANID只需要700入場費

話晒都係莫斯科地標
唔係度留番D腳毛都唔係話自己黎過

同其他係聖彼得堡既教堂唔同
聖西索大教堂既內部都算幾複雜
因為有唔同既圓頂
又有其他好似博物館咁既展出
亦都有分層既設計
算係比較特別既教堂
但相對黎講亦都係比較狹窄

係某個圓頂入面
竟然又有一班合唱團

但呢班人同之前係葉卡捷琳娜公園真係無得比
唱唱下係度咳都有既
雖然已經唔知係佢地今日既第幾場
應該要體諒下
但講真真係有D失望

聖巴索大教堂並唔係一個用黎崇拜講道既教堂
而係一個實實在在既教堂形歷史博物館









外面就係克里姆林宮





教堂入面人流算多
係度逗留既時間亦都唔長
不過都係一個唔錯既經歷



紅場上面雖然仲有好多其他既博物館
好似歷史博物館同戰爭博物館之類
但係聖彼得堡睇過冬宮之類以後已經興趣不大
都係時間離開紅場
轉去今日既最後一站
FIFA世界盃博物館

續

唔識點樣係正宗
不過都飲左幾餐

好唔好飲

Ok架
好足料
又大碗
飲完都半飽

加埋d酸忌廉更正

我成日都以為果d係好似牛油咁茶落舊包到

同麵包都幾夾

凍凍到咩味都無咁
之後on99上網search原來加落湯到

本來想去莫斯科個電視塔睇夜景,但7月成10點先天黑所以不了
還掂上年先喺日本睇過

我就係七點去到個天仲係日頭
無理由係度等左幾粒鐘
早知食完飯先去

DAY7 FIFA世界盃博物館 Daily Bread

望埋呢塊牌就離開紅場

世界盃只係剩番最後兩場波
好彩我最唔想見到果兩隊都只可以踢到季軍戰

坐巴士去世界盃博物館
話說莫斯科既巴士
同聖彼得堡有D唔同

要啪卡入閘
張卡無錢亦都可以搵司機買單程卡
完全就係地鐵入閘模式

世界盃博物館
原址係現代汽車motorstudio
不過係世界盃期間用左黎改建做世界盃博物館

外面塊玻璃就印晒全部賽事出黎
仲有隻吉祥物任影

入場費全免
但都要過安檢

係呢度有任務可以做
只要過三關就可以得到神秘禮品

聽講日日都唔同
有一日好似有個足球送

第一關係揀你支持果件球衣合照

但係我支持果隊係外圍賽已經出左局啦

第二關
同雷米金盃合照

其實博物館亦都有大力神盃真身出展
不過當時我身處聖彼得堡無緣見到
令我諗起澳門既黃先生

第三關
耶辛
比利
馬勒當拿三揀一

共產黨死都要搵個自己人黎撐場

三關過晒
將佢貼上facebook或者ig
最後得到膠水樽一個

個博物館其實好細
十分鐘都可以行完
不過都幾值得睇

有今屆賽事用既落場版足球

淘汰賽用既又同分組既有唔同

仲有兩個空位係季軍戰同決賽

條樓梯可以仲用黎休息

係度HEA下其實都唔錯
但俄羅斯既博物館通常都熱到仆街
呢度都唔例外

兩邊放左歷史足球同海報



仲有歷屆波衫
當代兩大球王

仲有我一生既偶像


紀念品區

隻吉祥物真係越睇越順眼
最後係FANFEST終於都係買左隻番香港

去完世界盃博物館就食晚飯
行行下見到有消防車

睇真D原來連玻璃都爆埋

但又無煙出wor

仲有見到呢座野

好似好勁
但google map又無介紹

本身呢
我係想去莫斯科三大既其中一間white rabbit見識下既
但諗諗下無訂臺都係算鳩數
最後係附近搵左間餐廳
叫做Daily Bread
應該叫做cafe仲貼切
入面有麵包同特飲賣
環境都唔錯


因為想飲羅宋湯
所以無叫到SET DINNER
貴少少但其實都唔係貴好多
每人唔洗一舊水
仲幾高質






飯後想買聽日早餐
但入到超市見到個三文治差唔多成三十蚊件

咬番包算

難得一晚仲係天光番歸

莫斯科地鐵站係幾靚


而且仲成日見到佢地係咁放閃


DAY7 完

你話唔知係乜個座野好似係政府辦公室

周圍乜保安都無
我仲以為係高級住宅之類

轉新wallpaper 樓主有去到哩個景點嗎

聖彼得堡？

留名

係莫斯科南部既Tsaritsyno Park 我冇去聖彼德堡