其實，Hong Sir 有考過DSE通識。
當年重係 Keith Leung 做遵理通識一哥嘅年代，Hong Sir 同 Oscar Ma 為咗上位都去考過 DSE 通識，希望可以 5** 倒，否則佢地一個中大經濟系，一個城大仔，好難搶倒港大一級榮譽 Keith Leung 江山，而最後 OM 考 5**，Hong Sir 考 Level 4 。（題外話，另一個通識佬 Guy Leung 有讀AL通識，考B，以前真補習Secrets 佢自己有講過）
麻煩各位巴絲高枱貴手，唔好問我點解我知Hong Sir 考Level 4，但呢個係100%事實，所有YY黨員都知，部份YY助教都知，亦合常理。講真你係Hong Sir，果時你未紅，唔會有人認得出你，點都會去考下，睇下博唔博倒，博唔倒又無損失。咁點解佢要同YY講？好簡單，YY有叫佢考，否則YY要sell佢唔知可以用乜野角度，YY自己唔使考因為自己真係AL中文A文學A，又中大中文系碩士，根正苗紅。你Hong Sir讀中大經濟，主力教開歷史，又要我sell你教通識教得好， 你點都要包裝下，考個5**返來，點知自己考4，唯有向YY坦白。常理係咁。
呢單野 Cliff 好大機會都知，大家有份去佢個港大舊生聚會可以私底下問下佢（我地12樓同事知佢會去英國旅行）。
我亦好肯定任何人宜家去問 Hong Sir ，佢都唔敢公開回應，因為如果佢公開講過話自己無考過DSE，學生就會有權向考評局同海關查詢。所以佢唔可能回應呢個point，如果肯回應，佢應該會講「無啲咁嘅事，咪理會網上謡言，同學專心溫書」
，因為呢句可以解「我無考DSE」，又可以解「我有考DSE但唔係考4」，重可以解「金正恩好瘦？無啲咁嘅事」……，只要佢無講明係指邊個意思，法律上你係吹佢唔漲。
今次寫得已經好長，明天繼續，重有好多野想爆。
