貓糧資料庫（3）

出售全新
Orijen 無穀物雞肉(全貓)專用配方1.8kg
二手 貓砂盤 (幼貓適用) $50
有意請telegram @Sthisspecial

隻貓轉咗食stella凍乾+一罐thrive/day
食咗3日 隻貓便秘呀
今日全日痾咗好多次屎 次次痾一細粒
岩岩仲要個屎眼有少少突 用手摸感覺到入邊有屎 但佢痾唔出 一掂屎眼就叫得好慘 我幫佢按摩肚仔加屎眼 按摩屎眼時 佢仲fea我 然後我喂佢食咗少少椰子油 加灌咗1ml椰子油入佢屎眼 隔一陣佢先痾到多3粒便 先肯上床訓覺

佢5kg 重 未夠一歲 我日日都確保佢飲到160~180ml水(會灌水+罐) 餘下就係佢自己飲水既份量 所以我估都有200ml水/day 日日有喂dr mercola 益生菌 幾日喂一次同牌子酵素

然後stella 凍乾佢話4kg 1 cup 但我唔知1cup 有幾多 到底1cup 即係幾多? 我而家比佢食凍乾都係長糧咁擺 感覺擺咗好多都食晒...會唔會係食得太多搞到便秘? 定呢個牌子問題? 會唔會轉個牌子好d?

好灰呀 諗住比佢食好d 轉凍乾代替乾糧(因為平日返工一定要放出黎比佢食) 貴都買比佢食 仲要因為大大粒怕佢唔食用手搣到乾糧size比佢食 搣到手指都痛 然後搞到佢便秘 心痛死我 希望有巴絲解答下我既問題

凍乾唔加水重要放題咁食唔得㗎 有幾個因素都有影響
凍乾含水量重低過乾糧
而且你灌水又唔係一日平均咁灌，喺佢食緊凍乾成日都無水分幫助消化
Stella 凍乾係幾高碳水，碳水會令大便體積變大
脫水生肉會加真骨，骨量太多會令大便硬

買個量杯啦，美國佬會用杯做單位，4.5kg全日食1.5cup，你另外有比罐，即係要除2，即係3/4cup，唔好放題，對佢無益，腸胃需要時間休息，唔可能24小時都消化食物

另外我隻貓食得太多益菌都會硬屎，唔知你隻貓會不會

想請問下
平時主子就每日食一罐半thrive再加水
一日大概飲200ml (計埋罐）total water input

另外再會加小小orijen乾糧俾佢
聽聞orijen好多魚成份 想主子食好啲

請問如果轉乾糧 oven baked雞無穀物/ canagan / thrive 雞無穀物，邊種會好啲

有無人想要呀???

我一定唔會揀canagan 太高碳水化合物
其他嗰兩款各有各好，但價錢上分別唔大，一定要揀就係thrive，碳水再低啲，其實你兩隻都買都得，3個月後換口味，唔好食死一個牌子

thanks 絲打 我今日咁喂 朝早喂thrive 罐一罐(溝咗2ml椰子油) 然後放咗1/3杯 凍乾係到就去返工 放工就比big dog's barf 1/3包加咗一大匙既南瓜 當然有照喂益生菌 暫時未有便便 觀察緊情況 我今日已經灌咗60ml水比佢 陣間灌多20ml 今晚訓覺前都唔喂野食住 希望唔好再便秘

[quote]

請問Dr mercola益生菌放落雪櫃有d粉紅色一點點係咪正常？

HKTV MALL嘅thrive罐頭又有九折

好多款都又賣哂

肥美絲 我隻貓仔驗左尿 真係生晶石，依家種緊菌唔知有冇菌。佢得五個月大。份報告話佢啲尿PH係6，濃度高，有血，有晶石。醫生建議食i/d 罐 食六七個月左右溶晒啲石先。除咗咁樣，仲有咩其他方法可以舒緩下佢

睇到依篇文 獸醫既角度原來係咁唔同

其實係
坊間好多人都主張貓唔好食咁多魚成份既糧
我之前帶貓貓睇中醫 本身主要係睇心肌肥大
但因為佢本身痾屎痾到最尾有時會有血 順便睇埋
醫生話佢濕熱 唔好食咁多雞 可以食多d魚
同埋魚含omega3對心血管有幫助
所以而家魚雞兩溝食
大便血的確冇左
所以有時唔係話有d咩成份一定唔好
主人唔係要揀最好既俾你隻貓
而係揀適合你隻貓既野

諗下比街外人話自己贊助商啲糧唔得，點都要出聲嘅
不過我幾認同所謂天然糧一啲都唔天然，好多都係勁高碳水
所以一定要自己睇成分表，學識點揀糧

同埋可以睇多啲外國holistic vet嘅意見，佢哋喺動物營養學方面好過好多香港獸醫，唔會幫贊助商賣垃圾糧
Karen Becker
elizabeth hodgkins
Jean Hofve
Lisa Pierson

有石都係要等佢溶無計，記得揀處方糧
食完一個月之後可以check check 重有無石，有就繼續食，無就轉全濕食，初初可以揀低灰質嘅罐

BTW點解唔係食c/d罐去溶石？一星期到一個月就見效喎？定係因為啲石係草酸鈣？

c/d係咪就係泌尿罐？個醫生話因為佢太細個，要一歲以上先可以食泌尿嘅罐。係咩石我唔記得咗，因為佢講英文 冇聽錯嘅話好似有sodium呢個字。
我想問下，我有朋友隻貓又係泌尿有問題，但佢話佢隻貓一路都只係照x ray 冇試過驗尿，我想問兩者有咩分別？佢驚我比人呃，因為驗尿貴好多。

想問下三個月大既幼貓 之前一路食母奶 邊一種糧比較好？
想要無榖無味精 食得健健康康 價錢唔係問題
我見唔同post都有人介紹 樓主有冇邊隻認為最好？

有冇人用過有時間掣的自動餵糧機？唔知擺凍乾得唔得呢？

驗尿報告無寫明？
Struvite stones 呢個係磷酸銨鎂，鹹性石
Calcium oxalate stones 係草酸鈣，酸性石
呢兩種係較常見，不過咩石都好飲水量好重要，要令尿比重低過1.030，每日3大督尿以上，襯晶石未積到好大粒之前排晒出嚟

Xray係可以睇到啲石有幾大粒同幾多，同透過外形去分辨石嘅種類
驗尿可以知道嘅更多，ph值，尿比重，尿蛋白，如石太細粒可以屙到出嚟照xray睇唔到，但可以透過驗尿分析到
最好兩種都要做 可能醫生覺得貓暫時屙尿無太大問題？而且重細所以覺得啲石未夠時間積到好大粒而唔照掛

BTW未驗到生石之前飲食係點？有無比零食保健食品之類？係咩牌子？

最好係自製生肉糧，可以直接去FB生肉谷睇檔學嘢了解左先

其次係商業生肉糧（急凍/脫水）牌子以最少添加合成營養素最好，即係會用骨代替鈣片礦物質，內臟化替維他命片等等。ziwipeak 雖然算係脫水生肉糧但唔會加水還原咁食，剩食佢就算本身係幾靚嘅糧都出事

之後係自製鮮食，初學者可睇蘇菁菁本「貓咪這樣吃最健康」，鮮食因為熱力加工過，營養會流失左，點都要加啲合成營養素，但會好過罐頭

跟住係主食罐，無一個牌子最好，要揾定幾種輪住食
揀罐主要睇係咪用靚肉，碳水比例，有無膠質，有幾多魚肉，有無人工維他命K3
Thrive同canagan喺肉絲罐算唔錯，但脂肪低，幼貓剩食佢要額外加魚油
肉醬款多好多選擇，AATU，Natures menu, K9, little big paw, instinct, tiki cat, animonda Canry, 汪喵
其他牌子只要唔係長期單一食都無咩大問題，點都好過乾糧

乾糧較好牌子都係嗰幾款，有追post應該成日見
但係都係嗰句乾糧唔好當做主糧 每日點都配搭下罐頭食

我見到啦，寫住Struvite crystal 呀，呢隻代表咩？生石之前係wellness core 乾同幾種唔同嘅罐咁，都係thrive,canagan,汪喵。隔日就食一罐。但我嗰陣見佢係會自己主動飲水，每日都有三球乒乓球咁嘅尿。

依家日日i/d 罐就冇再見過佢主動飲水嚕。依家啲尿勁大球，每次都三球乒乓咁，一日三次，一瞓醒就屙。

之前為左訓練佢刷牙，每日刷牙我都比三粒手指尾頭咁大嘅三文魚乾佢食當獎勵，唔知關唔關事呢？

不過佢咁細就生晶石……我諗……係咪體質問題

講漏咗 保健食品都係dr. 唔識串嘅益生菌同埋三文魚乾就salmon4pets 嘅

Struvite stone 係磷酸銨鎂，鹼性石，通常pH7以上有，但而家貓貓尿pH有6唔算鹼，有啲奇怪
因為預防鹼性石都係避免食高碳水食物令尿變鹼同要多飲水，多食高蛋白質食物可以減少鎂排泄去膀胱（鎂係鹼性石成分之一）

如果做足都出事，Dr Karen becker有提過有啲寵物有遺傳傾向產生纖維素蛋白排去膀胱，呢啲晶體會吉到膀胱壁好易搞到發炎 如果真係遺傳問題唯有改全濕食令晶體無時間積喺膀胱，平時多食魚油減輕發炎情況，co-enzyme q10 防炎等等

如果係關細菌感染（通常少見，等報告）可以比小紅莓，dr Jean Hofve 有提到貓每日可食250mg小紅莓膠囊，但要keep住驗尿pH，驚食到太酸尿

壓力係最常見原因，可以同貓玩多啲，運動減壓

做晒都唔掂就可以考慮下生肉糧，始終商業乾濕糧係人工營養素，貓消化上可能比消化天然營養差，殘留嘅礦物質營養添加劑可能會積累

講漏咗 保健食品都係dr. 唔識串嘅益生菌同埋三文魚乾就salmon4pets 嘅

三文魚可以停左佢，魚嘅重金屬問題對易生石嘅貓無益處

係呀 我都覺得奇怪 佢兩個月我就接佢返嚟，so called 都叫比足啲好啲嘅糧佢食，但係竟然五個月未到就有石，當時真係好沮喪。聽到醫生話其實有可能係體質問題我就覺得佢更慘。
報告出咗了，冇菌的。魚油同co-enzyme q10係咪i herb 有？買now？