貓糧資料庫（3）

丸子寶

1001 回覆
15 Like 1 Dislike
肥美可口 2018-08-08 10:29:23
如果生蟲係隔咁而應該唔關事了
你可能換糧實際啲，同埋如果係食左咁耐canidae 唔多唔少都影響到消化系統，始終益菌係補充缺乏左嘅菌，買隻好嘅牌子跟足指引應該無事，而且轉糧補充益菌有幫助

另外間中比下洋車前子粉，吸水包裹大便，除左排毛之外亦令大便無咁稀
藍色人生 2018-08-08 12:44:36
有咩糧好介紹
以前食過Orijen屙到佢仆街
定chicken soup 其實都可接受？佢係衰臭屎同成日無貨
Abouttime 2018-08-08 20:20:34
肥美絲
想問我隻貓轉咗個零星期Thrive濕罐
每次都會用返個罐加多75g水落濕糧到
但佢呵尿都好臭好大陣味
以前餵乾個陣無味，同埋以家隔幾日先有屎出
需唔需要加纖維粉/其他野食俾佢食?
肥美可口 2018-08-09 09:58:16
Orijen 我個人都覺得麻麻，太多魚肉
CS有穀物
你可以慢慢轉去core，fromm三文魚鴨肉，merrick 幼貓或無穀鴨肉，nature’s logic 火雞，solid gold indigo moon ，taste of wild 鹿肉三文魚
好少少當然係thrive, devoted

不過如果成日屙我就建議生食，完美解決問題 就算唔得都主食罐
肥美可口 2018-08-09 10:04:03
1:1水太多啦 最多加一半
同埋如果全濕食更加唔使加好多水

貓尿點都有味，愈多尿愈多味，所以我先用松木砂 食乾糧因爲尿少
消化好會無咁多屎屙係真嘅，可以留意下啲屎係咪好硬一粒咁，定期食排毛粉（汪喵）或洋車前子粉（iHerb ）
不為誰唱的歌 2018-08-09 15:42:40
即刻買個磅同早午轉埋濕糧
另外佢宜家生緊癬，可以食咩增強抵抗力？
黑酵母，魚油同維他命B邊樣好？唔該哂
摩迪子 2018-08-09 22:42:17
準備呢個禮拜尾去接隻三個月大嘅貓
仲有啲食量上嘅問題搞唔清楚 所以上嚟問一問
我上網睇有部分人話一歲前嘅貓應該長放乾糧比佢食 因為佢仲發育緊 唔應該限佢食量 係啱唔啱？
因為我本身係打算比隻貓只食濕糧（因為見到資料庫話乾糧唔好） 所以睇到啲人咁講就好疑惑
ウーノの旦那様 2018-08-10 15:47:19
THRIVE D 罐頭可唔可以日日食
肥美可口 2018-08-10 19:10:51
皮膚問題一定係生肉糧 退而求其次鮮食都可以
好多長年有皮膚病嘅寵物都係靠轉糧好翻唔使食藥
因為食物無加工營養愈易吸收，自然抵抗力好
愈多加工（即乾糧）愈易引起皮膚問題

黑酵母成日聽日食，但無乜分享關於個功效，尤其喺皮膚嗰邊 同好貴，通常都係寵物生cancer無藥可醫先買嚟食搏下

魚油同B雜本身食物都有，但魚油易氧化所以平時補充都有益，反而B雜唔使特別補，食多左都會排走

如果無法轉生肉就多食益生菌同消化酵素，因為消化唔好食幾多好嘢都唔吸收（消化系統就係體內最大嘅免疫系統 ）
肥美可口 2018-08-10 19:19:08
幼貓係要小食多餐，啲人懶先放長糧（你諗下乾糧擺成日，食過有口水啲細菌瘋狂繁殖 ）早啲起身比罐，出門前放低午餐，翻嚟再比罐
如果佢重食得可以訓前比多餐

我屋企兩姊妹都係3個月接翻嚟，餵3餐
5個月絕育後慢慢轉成2餐
肥美可口 2018-08-10 19:32:46
主食罐可以呀 不過食開肉絲啲貓會唔食肉醬
最好都係每樣都餵啲 始終無一個牌子係最好
ウーノの旦那様 2018-08-10 19:42:08
摩迪子 2018-08-10 20:05:27
thx
仲想同一樣 隻貓三個月大 一餐要食幾多個罐？或者一餐要比幾多g好啲
摩迪子 2018-08-10 21:59:01
準備呢個禮拜尾去接隻三個月大嘅貓
仲有啲食量上嘅問題搞唔清楚 所以上嚟問一問
我上網睇有部分人話一歲前嘅貓應該長放乾糧比佢食 因為佢仲發育緊 唔應該限佢食量 係啱唔啱？
因為我本身係打算比隻貓只食濕糧（因為見到資料庫話乾糧唔好） 所以睇到啲人咁講就好疑惑
幼貓係要小食多餐，啲人懶先放長糧（你諗下乾糧擺成日，食過有口水啲細菌瘋狂繁殖 ）早啲起身比罐，出門前放低午餐，翻嚟再比罐
如果佢重食得可以訓前比多餐

我屋企兩姊妹都係3個月接翻嚟，餵3餐
5個月絕育後慢慢轉成2餐
thx
仲想問一樣 隻貓三個月大 一餐要食幾多個罐？或者一餐要比幾多g好啲
偷摸親 2018-08-10 23:26:29
想問下貓仔5個月大左右食唔食得生肉糧/凍乾？
之前上網睇話1歲之後先可以食，ziwipeak 果隻算唔算生肉糧？想盡量搵唔洗解凍既
想轉糧俾佢 因為佢而家成日都痾有時有埋啲血 睇左醫生就話腸胃敏感 話啲濕糧唔好成口味 （我係一排食肉醬一排食雞絲，另一餐就純乾糧）
但食完藥都無點變好過 仲變得嚴重咗 （之前都唔係成日痾 食完啲藥之後痾得仲密咗）同埋胃口細左 之前會清晒啲糧而家要分幾次食，但醫生話係痾晒入面啲菌

而家食緊 : wellness core adult cat turkey&duck + canagan chicken with duck
（之前餵thrive 都係痾，反而剩係乾就好啲）

麻煩晒各位
哦噢呀 2018-08-11 00:01:27
我隻仔日日痾閃閃黑色細粒硬屎， 手指尾咁大條有無問題
肥美可口 2018-08-11 09:27:41
我隻仔日日痾閃閃黑色細粒硬屎， 手指尾咁大條有無問題

無乜纖維同碳水係屙呢種屎，我啲貓嗰期食罐都係咁 定期比排毛粉就得，會連埋毛屙同大條啲，唔使日日食
不為誰唱的歌 2018-08-11 11:43:04
屋企唔想佢咁細個食生肉，驚生蟲又盛
比鮮食係咪即係雞柳？
長遠都想轉凍乾比主子，但堅係貴 定係全濕食都ok？
宜家唔比咁多乾糧真係肯食濕
黑酵母見好多人推介，以為正野tim
益生菌同消化酵素洗唔洗同時比？有冇推薦牌子
呆哥 2018-08-11 14:24:31
想問下有冇人會用自動餵糧機？朝早可以唔洗人手餵
肥美可口 2018-08-11 23:55:33
屋企唔想佢咁細個食生肉，驚生蟲又盛
比鮮食係咪即係雞柳？
長遠都想轉凍乾比主子，但堅係貴 定係全濕食都ok？
宜家唔比咁多乾糧真係肯食濕
黑酵母見好多人推介，以為正野tim
益生菌同消化酵素洗唔洗同時比？有冇推薦牌子

鮮食係蘇菁菁嗰啲，要加supplements，有興趣可以買書嚟睇
全濕指罐頭？都可以嘅，但效果差啲，凍乾好啲，都係生肉嚟

分開比好啲，一餐一種咁，主要食益菌
酵素唔係食乾糧可以唔使比咁密，如果餵生肉直頭唔使比
不為誰唱的歌 2018-08-12 14:06:02
咁買左益生菌先
如果餵凍乾需唔需要杜蟲？因為宜家冇杜開
btw濕糧洗唔洗好似乾糧咁隔幾個月先轉第個牌子，定餐餐唔同都得？唔該哂肥美絲
肥美可口 2018-08-13 09:36:12
戒左奶就可以食生肉，愈早食腸胃愈易適應
你可以試左凍乾先，加水之後變肉醬

Ziwipeak 都算係，但風乾做法比凍乾會流失左營養同無得加水，真係當乾糧咁食

BTW無食過益菌？
肥美可口 2018-08-13 09:44:39
平時唔使杜，有蟲先杜
乾糧成分雜貓要長啲時間適應所以幾個月轉一下
濕糧成分簡單，餐餐唔同都得
而且長食一種會食厭，聽太多case係食食下唔食但又買左好多貨 所以最好係一開始揀定幾種成分好而隻貓又肯食嘅輪流比，成分無咁好但平嘅可以間中比，咁選擇會多好多
Abouttime 2018-08-13 12:34:51
個陣味係刺鼻，上網睇話飲水太少呵尿濃會有
佢食乾糧(Oven Baked)無味尿量同呵屎正常，平時心思思都想轉濕糧俾佢
等佢腎無咁大負荷，轉濕糧(Thrive)後想呃佢飲多啲水
同埋清哂罐裏面既肉絲就放水，以家放一半

佢食得訓得嗲得，精神正常，係少大便同尿好刺鼻
需唔需要帶佢睇醫生做檢查?
如食排毛粉係未每餐食? 份量大概幾多?

肥美絲係未建議可以唔同牌子濕罐交替食?
除Thrive主食罐，你推介咩牌子?
貓貓食咗罐之後，平時最愛食CIAO肉醬以家唔食
有時想買啲零食以家唔知買咩好，一係買雞柳/魚乾
肥美可口 2018-08-14 12:07:13

個陣味係刺鼻，上網睇話飲水太少呵尿濃會有
佢食乾糧(Oven Baked)無味尿量同呵屎正常，平時心思思都想轉濕糧俾佢
等佢腎無咁大負荷，轉濕糧(Thrive)後想呃佢飲多啲水
同埋清哂罐裏面既肉絲就放水，以家放一半

佢食得訓得嗲得，精神正常，係少大便同尿好刺鼻
需唔需要帶佢睇醫生做檢查?
如食排毛粉係未每餐食? 份量大概幾多?

肥美絲係未建議可以唔同牌子濕罐交替食?
除Thrive主食罐，你推介咩牌子?
貓貓食咗罐之後，平時最愛食CIAO肉醬以家唔食
有時想買啲零食以家唔知買咩好，一係買雞柳/魚乾

我理解係多左尿啲砂開始吸唔切所以你會聞到，但如果一直食thrive有味可以試左轉罐頭先，常轉口味先唔會挑食
罐頭以前都係買開instinct, K9, 汪喵，canagan, thrive, AATU, 間中買fussie cat金罐，animonda 絕育貓或carny, natures menu，holistic select
其實重有好多牌子只要無卡拉膠同人造維他命k都可以試，只要唔係長期單一食用問題不大

CIAO唔食係好事 送比人啦，吞拿魚多食對個腎無益，小食只需要買脫水/凍乾肉粒就得，平嘅可揀汪喵，貴嘅life essential ，或者啲凍乾牌子都有出，有時間嘅買部風乾機自己風乾啲肉又得

排毛粉睇情況，換毛季可以食密啲，但唔使每餐食，隔日已好夠，貓唔需要太多纖維
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞