貓糧資料庫（3）

可以點訓練

以前未轉生肉我會煎牛柳粒，初初會再剪到細細舊，之後慢慢剪得無咁細，如果係偏面貓就要整成片狀，一舊舊佢地唔識食

小弟隻貓食開乾糧, 追完呢個post先知食開隻糧唔太好
我讀完個doc(好撚有心 )同追完post
似乎Thrive呢隻牌子唔錯, 想係hktvmall買袋無穀雞肉火雞黎試下
但似乎呢度嘅巴絲隻貓食罐頭比較多
未知有無巴絲隻有用過呢隻糧, 有無咩食評/要注意地方?


另外我睇個表, Thrive呢隻乾糧個灰質似乎略為高左少少
唔知有無咩問題?

唔好意思, 想問多樣
未知同Thrive呢隻糧比, Wellness Core原味成貓糧又如何呢

補多樣, 小弟隻貓成12歲

屋企人買完kakato牛雞味俾隻貓食之後佢就唔食canagan啲罐頭 驚副食罐唔夠營養 可以點做

邊類貓叫扁面貓？點解扁面貓唔識食粒狀

要睇你貓貓之前食咩糧，thrive係碳水好低嘅糧，即係消化上會比較快，大便留喺腸時間短，如果隻貓長期食高碳糧會習慣左大便留喺腸耐啲，咁就易痾，同時相對蛋白質高，營養好夠，餵食分量不可以太多，唔係一樣痾

兩隻糧比當然thrive好，但係偏貴嘅，core就性價比高，平均每lb40蚊但質素唔差

你貓貓成12歲，平常有無做過身體檢查？血同尿驗過有無問題？因為長期食乾糧我怕佢個腎壞得7788 先檢查好再睇下係咪應該繼續比乾糧，因為最靚嘅乾糧都唔及普通罐頭好呀

異國短毛貓
留意過餵生肉嗰啲都話要一片片隻貓先識食，或者一條條，有啲人唔識就用手餵，久而久之隻異短更加唔會自己食

貓係會用舌頭舔起啲肉擺入口，如果舔唔起先會放低啲個咀用前牙咬起，但異短個咀扁，如果用前牙咬會成塊面痴碗 而且啲貓唔鐘意貓鬚掂到嘢（有時你見啲貓食剩碗邊啲糧，好多時係因為碗深，要食埋側邊就會掂到鬚，佢哋唔鐘意）

用埋碟食隻貓就會食得更加容易啲

你一係買啲牛味嘅主食罐試下
你係咪長期只比canagan?
長期食家禽肉突然有新口味會開心啲，唔食舊罐都合理

本身食primal 屋企人買罐俾佢之後就唔食
Canagan啲吞拿魚佢都唔食
買過K9 兩隻味既肉醬都唔食
以前俾咩佢都食 而家一歲大到就咁

呢幾年食開Now

無病無痛所以無檢查過, 但大小二便一向都正常, 好鍾意飲水
佢唔鍾意食罐頭

肥絲我跟左你建議cut 左中間餐乾糧
依家可能中間無嘢食
隻死嘢光速清罐
仲有買左汪喵返嚟試
本身怕佢唔食肉醬
點知一開佢係咁撲埋去聞同想搶食
女主人話佢屎唔臭都食
想試埋k9
但hktv 買細罐又貴 大罐keep 雪櫃又驚細菌又麻煩

食乾糧係會飲多左水，但一定唔會夠，睇每日痾幾多尿就會明，正常濕食嘅貓4-5督以上重要大大督
另一個問題係腎只需要廿幾到30%左右功能就可以維持身體正常，好多時發現問題都係因為腎功能得翻幾十%，驗血同尿都係有限錢，及早發現一定比有事先處理好

Now好高碳水⋯⋯你轉core會穩陣啲，但都要慢慢轉，同準備定益生菌
另外無貓唔食罐，睇主人點處理，你見我個表罐頭都幾百款，全部都試過先話隻貓唔食啦 除左罐，重有鮮食，凍乾，生肉糧，濕食都有好多款㗎

想佢健康長命就諗辦法令佢吸收多啲水分

食開orijen（雞/魚）同applaw（ocean fish/南瓜雞）
乾濕齊上

請問ok 嗎？

唔該絲打

益生菌係指咩產品?

益生菌係指咩產品?

寵物店或者iHerb 有，用嚟增加腸道益菌，平衡壞菌數量

牌子有Dr mercola，汪喵，dr goodpet，lactoBif等等

副食罐唔超過飲食20%大致上ok，不過魚就少食啦
乾糧一樣，唔好揀太多魚成分，有重金屬問題，定期轉下糧，唔好食死一隻
另外乾濕分開食對佢腸胃會好啲

請問絲打係用咩方法餵益生菌？

我撈得多落糧貓又唔肯食，溶水餵又餵唔夠量，唔知點好
又唔肯食肉醬，最近都軟便

今次真係好似你張圖咁啦
今日一早到宜家已經痾左3督，第1督爛爛地，第2督半漿糊，岩岩果督細細督全漿糊(應該上一督痾唔哂？
下一餐係咪要禁食？但訂左益菌又未到 抹pat抹到煩

乾濕分開上畀佢食

BTW 邊隻主食罐啱？ 基本上我只餵上面2隻佢食

唔該晒
順便問多樣, 其實我隻貓食晚係食清蒸魚多, 我追post見絲打曾經提到糧方面, 盡量唔好有魚成分
其實係咪食魚對貓唔好

Canagan黎款HKTV Mall賣勁貴
反而街鋪仲平，之後會同佢換換口味
CIAO Facebook天下貓好多人去日本瘋狂買黎個牌俾貓食
個陣仲諗住去日本都狂買
排毛粉去過好多間寵物鋪都無
絲打知唔知邊到有得買? 自種貓草有無同樣功效?
或者直接買貓用纖維粉?
我仲買咗幾款mix舌拿魚口味罐俾隻貓
吞拿魚味罐係未都無益? 如果長食口味係未雞較好?
好多罐口味差不多，一係XX魚+XX、一係雞+XX


想問貓貓細個用松木砂，我嫌硬加大粒驚佢踩得唔舒服
同佢轉小白豆腐砂，佢今年三歲
如轉返用松木砂貓貓踩落去會唔會唔舒服? 同埋除臭無咁好?

最近轉左食鮮食 想問下屎咁長正唔正常