貓糧資料庫（3）

踩正1001

前排整過一次響舊登，呢個係改良版
https://docs.google.com/spreadsheets/d/1hjy163OufDpiu5Y1VlN1ATCVcehya2t2Xmu3_lKnJak/edit?usp=sharing

PAGE 1 係個人對無穀糧嘅蛋白質同碳水化合物比例分析排名
因為無穀唔等如低碳水化合物同植物蛋白(貓消化唔到會由腎排走，太多會影響腎健康)
所以無穀之餘重要低碳水化合物就最理想

PAGE 2 係深入分析入面有咩成分

開心SHARE俾大家參考用
最緊要都係要知自己餵咩比主人食



罐頭可以睇番呢個POST
https://lihkg.na.cx/thread/28873/page/1

幫自己隻貓貓問下先，我隻仔最近食少咗，佢依家五個月大，以前食wellness core kitten 就一日三餐，最近轉咗wellness core 成貓一日只係肯食一兩餐
係天氣問題？貓貓大咗唔食咁多？定係轉咗糧唔鍾意

呀仔琴晚開始成日走去廁所痾一滴滴尿，比咗罐之後今朝發現有正常一球尿，但係都依然經常走去廁所痾一滴滴，有冇人嘅貓仔試過？？

會唔會係尿道炎？快啲約睇醫生

等十點開門我就會即刻打電話了 好擔心

似尿道炎，快啲睇醫生。
如果貓仔唔多飲水就唔好俾佢食咁多乾糧，俾多啲罐

帶佢去睇咗醫生 摸咗膀胱話冇脹 但以乎有啲痛 所以開咗啲消炎止痛同埋護胱藥比佢食

5個月就滴滴尿
睇完醫生好快好，但佢再復發機會好大，要小心每日監測飲水量，最好真係全濕食

同埋留意下除左轉糧屋企有無咩變動？過半數貓尿道炎係突發性，無原因，最大可能係壓力問題導致，除左水分足，減壓都好重要

會唔會試下煲啲湯水俾佢？薏米水之類，天下貓貓有人教用蝶豆花沖水，話有消炎作用喎

真係 一打完止痛針返到屋企就有痾到正常一球尿。減壓係咪陪佢玩下玩具呀，少啲驚嚇咁就ok？我都好驚佢復發呀 嚇死我。

蝶豆花 咁咪會一煲藍水咁？

係呀，用好少好少花焗少少水，最緊要佢肯飲同埋有用姐

貓唔中意洗耳水
咁有咩方法可以代替佢? 唔洗滴洗耳水

同問 我一滴佢就fing頭 淨係洗到出面

我隻咩都唔鍾意㗎啦，幫佢洗耳，梳毛，文屎，剪指甲，餵藥，總之搞到大小姐嬌軀嘅就會發脾氣

隻貓屙爛屎，屎忽同腳都痴住屎，搞到成屋好多屎印 擔心到心累

食得急食得過多都會爛屎 可以觀察下長糧之後佢係咪食得好急 同時比d 益生菌(之前巴絲介紹dr mercola益生菌幾好) 但益生菌要放入雪櫃 我之前隻貓爛便 仲走去驗蟲 但原來係益生菌開完無放入雪櫃 而家開咗盒新嘅再存放係雪櫃就無事啦

如果係生肉 盡量同乾糧隔開喂 建議隔12個鐘 否則有機會肚痾 亦有機會削弱佢胃嘅消化能力 胃酸好似會比較弱
primal 生肉我未喂過我個隻食 我喂我個隻食dr b's barf 同big dog's barf d 屎都好靚 可以睇埋呢兩個牌子揀

btw 我隻貓就唔鍾意dr b's barf 我見到1/3包生肉都要我一個鐘內喂食三次先食得晒 又要哄又要求佢食咁 而big dog 佢就食兩次食晒 兔肉仲一次食晒 如果嘴刁嘅貓不防試下兔肉

有無巴絲分享下自己隻貓對唔同口味嘅肉有咩唔同反應呀 兔肉係咪貓咪最愛?

我去過超市街市睇好似冇 請問你知邊到有嗎？見到貓仔細細 唔希望佢復發，好可憐

我試過浸濕晒一舊棉花仔 再慢慢捽佢耳仔，雖然都有啲反抗，但係好過就咁滴入佢耳仔

Ztore同hktv mall都有，天下貓貓個度話泰國鋪頭都有

唔該晒

BB 抵抗力低, 用偏方要小心, 做多啲research先。
貓貓早日康復

多謝提醒 如果真係比佢飲我就逐少先，一有咩唔妥就會停了
睇完話尿道炎好易返發我就好驚 想咩都試下

梳毛咁舒服都唔鐘意
我個隻會孿住把梳提我好同佢梳毛啦

絲打，我想問下，for 尿道炎/膀胱炎，食下面呢隻會唔會有啲幫助？

最好不要亂食膀胱supplement
呢隻有MSM止痛成分，通常比啲有關節炎痛症止痛用，例如摺耳貓/老年金毛狗出現骨痛，食得多好易對個止痛量無效，劑量要愈嚟愈重，所以無事都唔應該食

紅莓本身對貓係咪有用都無正式研究同正確劑量係幾多 隻隻產品都唔同分量
原理係利用紅莓中花青素阻止細菌入侵膀胱，但係無咩牌子會講明有幾多花青素，量唔夠係無法防菌 而且dr Pierson 講過超過9成膀胱發炎嘅貓係無菌性，已經叫人唔好亂食抗生素，無菌即係就算花青素好勁都唔會阻止到發炎

其他成分如粟米鬚，蕁痲，都係用嚟利尿抗菌，對貓有無用就無咩研究支持

多飲水，多同貓貓交流玩，佢咕嚕得多即係開心多，自然少壓力