貓糧資料庫（3）

新入行做貓狗糧留名學嘢
btw第一次睇份doc簡直驚為天人
肥絲可唔可以推介幾本書嚟進修一下

見到樓下有mr raw急凍生肉賣，想問下好唔好？
見佢無分貓狗，同成份得肉心肝骨

隻喵而家一歲大 每日都會食一餐乾三餐濕
本身之前食開Ziwi peak罐加Fromm乾糧
之後食厭咗ziwi就轉咗canagan同thrive
我每隻味都買啲 但自從無食ziwi之後啲屎就一粒粒 好深色
我間唔中都有俾益生菌 魚肝油同牛磺酸
有食貓草同化毛膏 真係唔知點解啲屎會咁

另外想問如果每日齋食濕糧可以嗎？
如果將本身乾糧果餐轉生肉糧好唔好？
我好想試下俾佢食生肉 但唔知係邊到買會安全啲

感謝肥美絲

想問多一問
Big dog雞肉糧115g=176kcal
貓貓4-5月大約3kg
咁想問下貓貓一日要食幾多g先夠
唔該曬

你的貓，呢本必睇，係獸醫寫嘅，已有中譯
Catinfo.org，又係獸醫嘅網站，有多國語言pdf檔下載精華，當然睇英文會詳細好多

好多自制生肉都係好簡單，係得肉，骨同內臟，無分貓狗，因為比得生肉即係相信狗同貓一樣係肉食動物

不過內臟方面多元化會好啲，呢個牌子可食下，一段時間要換，自制生肉嘅人會比全兔，全鵪鶉，日齡雞咁可補充平時少食嘅內臟，或者用supplements 替代（好似碘，補充翻因爲無食到甲狀腺）另外又會加蛋，魚油，少量纖維粉

睇依個post先發覺做左不負責任既主人好耐
睇excel見到我餵開果隻糧係紅色不建議食用
有冇邊隻糧推介可以轉俾佢地食 大約2歲多啲
平時乾糧長放 每日2餐都俾一碟仔既貓魚 或者半個罐頭既份量佢地食

仲有其中有一隻成日都食得好急搞到嘔

謝解答

我而家都係big dog primal唔同味輪換
有多樣輪換下好似d
見係以前k9個香港代理自己開個品牌，出左無耐唔知好唔好，呢有無人試過？

自制生肉都係未夠膽試

一粒粒屎多數係少纖維，無話正唔正常，因為纖維又唔使成日食，換毛季節食多啲就會容易排毛，或者你可以試下喺新食嘅罐每日加1/4茶匙洋車前子粉
化毛膏成分麻麻，比纖維粉好啲

顏色啡到啡黑都可以，只要軟硬適中

魚肝油定魚油 兩個差好遠，魚肝油維他命D太高貓會中毒

只要濕糧係主食罐，營養鮮食或品牌生肉/跟比例嘅自制生肉都可以，如果初初轉生肉可以溝食緊嘅罐慢慢轉（我嗰陣由罐轉生肉係直接轉頭幾餐係會唔食，餓幾餐就肯食 ）

我未試過同pet shop買急凍生肉，剩係HKTVMALL 買過大狗生肉，夠平同獨立包裝，價錢同罐差不多，倒都唔太心痛
脫水生肉因為唔使雪同pet shop 買問題不大

計卡路里公式係
[70×(體重kg^0.75)]xfactor（絕育成貓1.2/不活躍成貓1/0-4幼貓2.5/4-12幼貓2）
你隻貓應該係319kacl咁上下
1又2/3舊到2舊

如果用重量計，即食體重嘅2-8%都有，呢個range大啲，通常成貓試2-4%，如4kg成貓一日量係80-160g生肉。發育中幼貓有啲人認為只要食到幾多就比幾多，無限，有啲認為6-8%

想問下生肉糧係咪咩牌子都唔錯？

如果想轉得順利就由碳水25%左右嘅糧開始，3個月左右差不多食晒嘅再揾下啲碳水低過20%嘅牌子試下

我來來去去都係推介嗰幾款 直接轉呢幾隻有機會痾，蛋白質比例相差太多，而且唔適合放長糧，要定時餵食

魚食少啲，對腎唔好呀

食得急就要定時定量，小食多餐，咁腸胃可以keep住喺某段時間先工作，其他時間休息，唔會因爲突然消化大量食物而唔舒服

同乾糧罐頭比較就咩牌子都ok
生肉牌子互相比較邊個好少少就睇邊個加得少supplements ，用多啲骨肉內臟，始終人工合成嘅營養比唔上來自食物嘅營養

不過能夠比貓食翻天然無加工食物已經好好，只要定期轉換牌子同肉源，揀邊款都無所謂

其實湯包 罐頭有咩分別

我想問大家放長糧會唔會遇到個問題就係開罐時主人食飽左長糧而唔食罐?
因為我而家係返工前罐, 放工後罐, 中間係比一定量乾糧咁, 但我見上網大部份人都話放長糧由主人自己食會好D

我岩岩開始食canagan主食罐 有無大大有推介
我隻貓兩數 但得4KG 係咪正常? 覺得佢有啲太瘦
另外想問下有邊隻貓牙膏推介?

想問下一個幾月大就快兩個月大既貓仔 最好一日食幾多餐？ 同埋點分配啲乾糧同罐？
ps已開始食乾糧

想問有乜可以代替貓草？
要成日種 但又成日種死
除左化毛膏 thx

湯包呃貓飲水，吞拿魚底
罐頭有分主食同副食，個表都寫明，主要分別係有無加營養素，加左營養素嘅主食罐可以代替乾糧

副食罐無加，要配搭乾糧食，同自己蒸肉比貓食差不多

如果有買開汪喵星球嘅嘢就買佢哋隻排毛粉
或者iHerb 買洋車前子粉（香港啲有機店都會有，預會貴）溝濕糧食

另外蒸南瓜蕃薯都可以嘅，但成效無咁高同一次唔可以加太多，都幾麻煩

數據上可以根據卡路里攝取量比
[70×(kg體重^0.75)]×2.5(0-4個月)

或者佢食到幾多比幾多，少食多餐，3-5餐一日事乎需要

乾糧同罐點比就睇自己銀包做人 你預算多嘅全罐對佢最好，或者一半半

我自己就覺得而家慳伙食費最後只會還比獸醫

除非你隻貓係大型貓種（如Maine coon）一般家貓4kg正常體重，超過5kg偏肥

罐頭牌子亦都可以揀肉醬，驚剩係食肉絲之後會偏食

用椰子油就得，少少就夠，消炎殺菌同夠天然 口氣都無咁臭

我想問3個月大嘅貓貓可以食咩零食/罐？
我見寵物店有一包包俾幼貓食寫住營養之類
但隻貓眼耳鼻都有皮膚病 定唔關事？可以照食其他營養野反而對病有幫助？
一直食緊普通幼貓乾糧