貓糧資料庫（3）

I SEE 今朝6點起身 係度浸糧浸到成個人醒晒

我有隻貓仔而家唔太願食乾糧(orijen雞)
有時餵Applaws罐比佢，就飲晒我沖落去d水同少少肉就算
但零食又好肯食，我應該餵佢d咩好

你係咪無轉過口味？天氣熱又有影響
另外貓係傾向飲晒汁先食濕糧，你係咪加好多水飲飽晒？

零食咁香口梗係鐘意食，所以我只會比天然風乾嘅肉粒或雞/鴨絲比佢地食，至少唔會食到重口味同健康啲，不過都好少比，一星期一次左右，唔想佢哋唔食正餐

呢隻罐罐好唔好
我諗住呢隻溝wellness core 乾糧比佢食，因為呢個喺副罐

我有隻貓仔而家唔太願食乾糧(orijen雞)
有時餵Applaws罐比佢，就飲晒我沖落去d水同少少肉就算
但零食又好肯食，我應該餵佢d咩好

你係咪無轉過口味？天氣熱又有影響
另外貓係傾向飲晒汁先食濕糧，你係咪加好多水飲飽晒？

零食咁香口梗係鐘意食，所以我只會比天然風乾嘅肉粒或雞/鴨絲比佢地食，至少唔會食到重口味同健康啲，不過都好少比，一星期一次左右，唔想佢哋唔食正餐

佢都係黎左我度2星期
之前義工餵rc bb濕糧包比佢，可能因為咁唔肯食乾
水就唔算太多，兩三湯匙到
另一隻住得耐d既就勁擦正餐唔食零食，吹漲

請問餵生肉糧需唔需要再加水落糧到？

吞拿魚一定blacklist 唔會考慮

如果係急凍唔使 其本上全濕食急凍生肉定主食罐都無需再加水，就算隻貓唔飲水都無所謂，因為食物含水量超過7成，已夠家貓用，本身好活躍嘅另計
食物含水量低過6成隻貓就會脫水，所以一餐乾一餐濕都建議要溝少少水

如果係凍乾生肉就要加水還原

我隻貓就快5個月，一直都餵緊佢食開個隻 叫steve’s 凍乾豬肉
但真係好貴
每餐都會用好少既奶粉開水比佢飲 佢係完全唔飲水 要加奶粉先肯飲
呢個方法係前主人一路咁做咁做
想幫佢轉糧 我見大家都推介thrive 乾糧同罐？

佢仲係幼貓應該乾糧同罐比例幾多

唔該哂🙏🏻轉左生肉糧啲屎真係無咁臭

但請問杜蟲藥有冇邊款可以推介

我想問下鈣磷比有冇多少少資料？除咗罐，我仲會蒸雞扒比隻仔食，但睇到你咁講我有啲驚佢食太多。佢本身一日三罐再加夜晚消夜雞扒。

食開凍乾又無理由翻轉頭比乾糧喎
另外如果每餐都係濕食，加上隻貓又唔係好重，真係好少需要再飲水，每日屙尿多嘅話唔使擔心

真係負擔大一係諗下big dog急凍肉 圍開平過靚嗰啲主食罐
真係想轉翻主食罐嘅話建議食肉醬類先，脂肪高啲易飽啲同啱發緊育幼貓，同埋唔知點解好多貓食開肉絲就唔食肉醬

乾糧係根據每日需要卡路里減去比嘅罐頭分量再計，同睇貓貓食量加減

鈣同磷嘅比例喺1:1至2:1係理想範圍
無加營養素嘅一般當小食計，最好唔多過主食20%，你留意下有無比太多，無嘅話就無咩大問題，唔會太影響鈣磷比

無留意到呑拿魚味

RC S/O 係加左好多白飯，自然會令大便成型，唔係咩特別嘢 情況就好似蒸雞加飯咁比貓食，短期內防止肚屙，之前都講過利用碳水化合物醫軟便係治標不治本，腸胃問題根本無解決過

食抗生素無事即係因為腸太多壞菌影響消化，抗生素殺死啲菌所以食左無事，但由於連好菌都殺埋，細菌失衡，一停藥啲壞菌又發過，無限loop

你有無比過益生菌慢慢調整翻佢腸胃呀？2個月就開始咁應該無食夠媽媽啲奶水增強抵抗力，腸胃發育得比較差 要後天補救

好想知你貓貓幾歲幾多Kg，一日5餐食咁多幾誇張 就算係大種貓都食得算多，幼貓都係3-4餐，成貓2餐已夠

同埋又急凍生肉又乾糧食得好雜下，驚長遠有消化問題（食開生肉嘅貓胃酸應該keep住pH 1～2強酸情度，可以正常殺死一般細菌，相反乾糧中嘅碳水化合物會令胃酸變鹼）如果只係好少量未必影響到胃酸，但真係唔建議一日食到咁雜，生就生食，熟就熟咁

另外你比脫水糧有無加到水？

我隻貓仔3個半月到, 2.4KG(挪威森林貓)
咁我應該去CUT佢乾糧, 但罐頭照比1罐有無問題?
另外脫水生肉糧我有加水呀, 大約1:1咁
比咁多係因為佢無野食必定會叫到拆天
加上我見佢係可以又跳又跑玩足4-5個鐘唔訓咁

原來係大隻仔幼貓

乾糧食晒唔使再買，之後cut左佢，罐頭比肉醬好啲，脂肪高會飽肚同卡路里高過肉絲罐一倍，食一罐分分鐘頂2罐肉絲，而且脂肪對長毛貓好有益 最好同生肉隔耐啲，可以訓前餵。到大個仔絕育後可以慢慢cut埋罐頭，主力生肉，每餐分量加大少少，全日食量係體重2-4%

脫水糧1:1水量係包裝指引？留意會唔會加太多水太稀搞到無咁飽

請教下各位，
如果餵生肉需唔需要定期餵杜蟲藥？

貓女2歲得3.1kg 係咪過輕
佢好多野都唔食 依家淨係肯食thrive 罐頭

買左primal凍乾鴨，官網教每日餵3舊約169kcal.(每舊約56kcal)
但坊間一般都話3kg幼貓要有約300kcal. 照咁計係唔係要餵約5舊先夠營養？