貓糧資料庫（3）

多謝回覆。低磷濕糧有冇邊款好？我會嘗試，應唔應用針筒迫佢食濕糧，佢住院嗰幾日啲護士都係咁做，或者處方糧加啲烚蛋白俾佢食咁樣得唔得？

冇驗呀唔醒起 個醫生又趕住睇埋下個症收工咁款
話佢可能腸胃敏感/IBD，開左杜蟲藥，抗生素，益生菌，i/d罐
杜蟲藥會食，但其他3樣食唔食好？另外醫生都建議連續食同牌子同味睇下對咩敏感，我見excel話IBD通常成貓先有，佢咁細都會有？

你睇嗰個醫生好似好流 我之前帶隻貓打針佢嚇到賴屎，因為爛爛地個醫生都即場拎啲屎驗，結果係有梨型蟲

我唔肯定喺啲杜蟲藥同抗生素係咪用嚟殺呢類寄生蟲，我個醫生當時係有開呢2種，5日一個療程，食完再叫我拎大便化驗，無蟲就係ok，所以如果你個醫生無驗大便又懷疑係梨型蟲嗰類，咁一定要連抗生素一齊食，分開食無用

食得抗生素一定要食益菌，分量重要多，大概喺食完抗生素2-3個鐘後食

處方糧都係佢賺錢貨品，一定會比你，成分係差啲，但你買左就無謂浪費

IBD要確診係開刀拎組織化驗的

而佢講嘅腸胃敏感又係虛無縹緲，導致敏感個原因係咩先？ 搞完一輪又係唔知咩事，剩係叫你試藥

多謝回覆。低磷濕糧有冇邊款好？我會嘗試，應唔應用針筒迫佢食濕糧，佢住院嗰幾日啲護士都係咁做，或者處方糧加啲烚蛋白俾佢食咁樣得唔得？

個excel表都同你計左㗎嘞 喺鈣磷比嗰度
比腎貓食嘅磷通常要喺0.3-0.4%乾物質，不過你無咩可能揾到正常罐係咁低，除左處方，所以低過1%都當係，愈低愈好，高嘅就加熟蛋白，因為貓肯食先最重要
好多人都會買wellness indulgence嗰條line，0.55%左右磷，叫做好低了

琴日同今朝都餵左wellness core既罐頭比隻野食（1/7罐左右）
點知夜晚返到屋企發現地下好多屎，而且佢屎眼癡住好多爛屎
屙屎個陣又係屙爛屎，d屎好大陣罐頭味
係咪應該即刻停食濕糧？
惗住健康d唔好凈係食乾糧，點知搞成咁

食開乾糧無比過罐，初初轉食痾好正常
尤其如果平時食嘅乾糧碳水高，更加會易痾
加上肉醬罐脂肪高，有少少滑腸作用
只要Keep住比益生菌等佢腸胃習慣下就得
唔係咩大問題，係麻煩少少，亦都證明你隻貓啲腸胃好差下，剩係靠澱粉拖長消化，要及早調理，慢性發炎唔理佢好易搞到IBD

不過好多人喺第一日痾就放棄，希望你唔會啦

救求 我隻八個月仔驗出兩種結晶 之前五個月時只係得一種磷酸銨鎂，依家連草酸鈣都有
由佢驗出第一種嘅時候 個個醫生都話因為佢未夠一歲所以唔可以比c/d 佢食，食住i/d 先話有少少少少幫助結晶，食咗三個幾月I/D 到依家就驗出第二種，我有咩可以做 佢又未食得C/D
好驚佢會離我而去

補充，已經係全濕糧，我完全理解唔到啲石係邊到嚟

見近近地又易book又睇埋評論先睇e間
佢開milbemax咋，宜家四樣都食齊費事哂左，好彩靜係要左兩罐
宜家每日食同牌子同味，今朝佢又痾爛，係咪即係尋日食果隻唔得？定係比多左消化唔切 因為見佢好食得，一日加到3罐(85g)

想問AEON 呢隻貓糧O 唔OK?
寫住made in Japan, 價錢又唔貴, 幾吸引

我隻貓仔5個月大 食緊merrick幼貓糧 但佢不嬲食好少 一日大約30g左右啦 但有俾其他濕糧 之前就一罐副食罐 依家俾大概40g生肉 但依排食乾糧食得種少 見佢咬幾啖就唔食（擺長糧）。我想問洗唔洗轉牌子，定係d糧走左風佢唔鐘意食？

唔明點解有石會食I/d喎 未聽過會因為細而唔食得c/d罐，因為有石要快清走，而且c/d罐唔會長食，溶左石就唔使食，官網都係寫7-27日就見效（當然醫生會叫你長期同佢買同恐嚇你隻貓要食一世，可能咁先拖住唔餵）

草酸鈣麻煩好多，食c/d都無用，溶唔到，除左做手術，之前研究緊呢隻石，原因都比較多同複雜
1-某啲名種貓易有
2-高鈣血症（甲狀腺有問題影響鈣平衡，有無驗過PTH？另外vitamin D過量）
3-飲食（食過量高草酸食物，I/d頭3成分有紅蘿蔔。另外鈣補充劑用左乳酸鈣，有結石/高鈣血症唔可以食，即你個case。另一種係磷酸二鈣，有研究指會導致生石。或者缺B6）

好難知邊樣導致，對你貓資料太少
飲食上至少要轉先，另外有草酸鈣係唔建議食令尿液過酸嘅食物，如小紅莓同任何尿道保健品，c/d都係令尿液變酸嚟溶解結石，但會不會食到尿更酸生更多草酸鈣就唔清楚，未知你貓貓而家尿pH幾多，不過至少c/d無紅蘿蔔同乳酸鈣，比I/d更適合你隻貓

另外最好轉醫生睇，最壞打算係做手術

你有餵生肉就停乾糧啦 完全唔需要比乾糧，費事搞到消化不良
BTW生肉係品牌定自製？自製有比足營養？

佢唔食原因都好多，擺長糧咁唔衛生嘴刁貓有機唔食
口味問題，覺得另一種食物好就唔食呢種，佢肯食生肉即對乾糧更加無興趣

日本貓糧好垃圾，同人食嘅嘢成反比
超市牌已經有伏，睇埋營養成分表重衰過偉嘉，蛋白質30%都無，脂肪好低，唔計乾物質剩係用100減去計碳水都有36%，脫水計就成40%啦

無論係我睇開嗰個醫生定我打去npv問 ，佢地都唔肯開c/d 比我個仔 我冇得買

Milbemax剩係杜肉眼見到嘅蟲咋 好似條蟲或鉤蟲，迴虫嗰啲，對梨型蟲無效，定係直接拎大便化驗穩陣啲？至少肯定到係唔係生蟲先吖

咁唔駛諗呢隻

同埋我想問Cystaid plus 係咪都會令尿變酸？醫生就咁話係護膀胱藥

唉 好啦～～唔該你 生肉糧係牌子野Mr.Raw 因為生肉糧都幾貴 所以想溝乾糧睇得唔得

呢隻200蚊有1kg都唔貴呀，平過primal好多
始終食得生肉對胃酸有要求，一係就唔好比生肉，無謂又生又熟

同埋我想問Cystaid plus 係咪都會令尿變酸？醫生就咁話係護膀胱藥

呢隻就唔影響嘅，只係for 貓減壓同抗發炎，用嚟預防由壓力導致原發性膀胱炎，解決不到晶石問題，對於你隻貓作用不大

真心嬲 反正i/d都溶唔到石，我打算比佢食返我本身嗰啲thrive罐同汪喵罐，應該仲好過i/d 呀可？

由佢驗出第一種石嗰陣已經轉咗全濕食，仲會額外加水落罐到 水量應該係夠，只係……咁做都防止唔到佢再結草酸鈣石。如果真係因為我聽嗰個獸醫講食咗四個月I/D 罐而令到佢結成呢種石嘅話，我會憎死嗰間診所
由於呀仔係五個月時就開始有石，就算之前真係以乾為主，我都覺得冇理由咁快有石，所以體質點都有影響。可能佢就係天生易有石嘅貓貓

所以好好奇你隻係咪品種貓 某啲種真係好易生
飲食上注意鈣質不能太高，大概1～1.2%左右啦，好似k9嗰啲超過1.5%就不了，汪喵都有少少偏高呀，only揀雞或雞鹿

建議驗下血check 甲狀腺同血鈣，睇下邊到出問題
尿液方面Keep住尿比重小於1.025，pH值6.5左右
另每日可食2-4mg/kg體重嘅B6保健，因缺B6會令草酸鹽排泄量由1.5mg增加到24mg，從而增加生石風險