有無人有用外用a酸

我自己係由上年八月開始用differin 0.1%

果時食左個月四環素，本身可能暗瘡真係唔算好嚴重，食左藥兩星期倒都好得七七八八，而醫生比左支a酸gel我搽。八月開始搽，頭兩至三星期未摸熟個份量同搽法，搞到塊面又紅又甩皮，你當頭兩三星期係適應期啦，因為都後我皮膚適應左外用a酸後，真心覺得好好用。

暗瘡我唔算生得好多，但容易出粉刺酒米，未用a酸gel之前啲乜乜杏仁酸、果酸、gel plus、水楊酸，甚至skinoren我都用過，講真個效果係我身上麻麻，以前只有針清先可以清得走粒閉口粉刺。但我而家keep住晚晚搽differin 0.1%，用左半年都仲work。

我覺得外用a酸個功效對暗瘡唔係最work，而係暗粒。佢個作用就係peel走你嘅角質，所以如果用太多係會紅同甩皮，但同時如果你每晚用啱份量，佢係會幫到你收到毛孔、去印、加快代謝暗瘡同去粉刺。

以上係我搽左半年differin嘅用後感，希望幫到大家，我好興幸遇上呢支a酸