[婚攝寶典] 不滿婚照寫30頁PDF報告反饋 新人反被鬧X客

332 回覆
83 Like 3 Dislike
2018-01-02 16:07:49
自從社交平台出現,受薪又質素差的婚禮攝影師,往往成為公審對象。近日網上又流傳一輯被指質素差的婚照,而今次輪到婚宴的合照攝影師被批評。貼文稱有新人疑不滿婚宴照片水平參差,於是將不滿的相片製成30多頁的評論報告,羅列出對相片不對稱等的種種不滿。然而有網民看過照片後覺得相片「完全冇問題」,反指新人是X客,更慘被揶揄:「唯有祝你下次結婚搞好啲。」不過有專業攝影師卻認同,相片質素確有問題。

有網民將該疑為新人30頁報告反饋的數頁截圖放上網,聲稱:「朋友做Big Day(大婚日)攝影師,啲相出來之後個x客出咗30幾頁pdf來鬧佢,呢度係其中3頁。」疑有攝影師不滿被指正,傳閱顧客的反饋,再被放上網掀起風波。不過亦有人認為報告可能是攝影教材,未必是新人所張貼。

該批婚宴照片被逐張評述,並附以「井形構圖」框線作論證。當中一些在附有佈景的大合照被指左右不對稱,閃光燈反光導致佈景上的新人名字消失。另外長輩斟茶合照時,亦被指攝影師站着攝影,令相片變得不自然。

看過相片的人反應兩極。有人認為婚宴合照「完全冇問題」,直斥顧客批評有欠道理:「識少少、扮代表,咁叻,自己影啦!」更認為跟顧客一樣,用井形構圖拍照,才是垃圾。但有人就覺得批評有理,唔好講唔對稱,構圖真係好緊要,最重要backdrop(佈景)冇咗半個名…」

不過有專業婚禮攝影師就未有盲目附和同行,他認為該顧客指出的問題有其道理,相片質素確有問題。他解釋,相片中未有兼顧水平、變形問題、相片中頭顱被裁也有欠吉利,合照攝影師未有為客人保持高水準的合照,直言:「有啲求其,其實係啲人(攝影師)倒退咗。但反而係個客人畀人話返轉頭。」

網民有話說

Man Chu:出$5蚊跪求原圖。

Isaiah Leung:錢不是代表,有啲唔收錢影得好過啲大師(自己當自己係)。

Joey Pong:收幾錢先?

Nelson Fung:Big Day屬於紀實攝影,不是擺拍,佢嘅論述其實有違常理。

http://hk.on.cc/hk/bkn/cnt/news/20180102/bkn-20180102121748163-0102_00822_001.html
2018-01-02 16:08:59
http://www.dcfever.com/news/readnews.php?id=21188

雖然劉德華為政府拍攝宣傳片時都有講過「今時今日咁嘅服務態度係唔夠嫁...」,但是香港人向來出名「難服侍」,「Complain、Complain、Complain…」又不絕於耳,更被網民譏稱香港早已經成為「投訴之都」!屬於服務業一份子的婚禮攝影師可謂感同身受,因婚禮攝影師工作性質特殊,常常需要與準新人交流,加上「攝影藝術」的解讀方式因人而異,故有少部分準新人會因拍攝服務或質素問題而與攝影師隔空「開火」。而日前在網絡上就流傳多張由新人「評審」攝影師拍攝質素的「標準答案」,一眾網民看到長達三十多頁的「溫馨提示」,令人感慨「搵食艱難」。



構圖、曝光確實未完美
話說有位攝影師接了一個 Big Day 的工作,不過當他將照片傳予新人之後,新人似乎不太滿意攝影師的拍攝質素,因為新人居然「細心地」為每張相片留下評語,並以標準的「九宮格」構圖方法點出拍攝不足的地方。至於部分相片因背景「閃得太爆」,令新人部分名字「被消失」亦被新人鬧爆!雖然在 Facebook 內為攝影師「抱不平」的樓主並沒有交代這輯相片有沒有做過 Retouching,但是貼文的樓主與網友對於新人今次的「處事方法」都頗有意見。畢竟如果相片沒有任何 Retouching,攝影師有時會在構圖上預留裁相的「緩衝地帶」,留待日後編修相片之用,若此時新人真的嚷著要求攝影師傳遞「原相」,很多時會因這些在構圖上的「穿崩位」而覺得「篤眼篤鼻」,因而大興問罪之師。



新人處理手法可圈可點
有網友就覺得雖然新人指出的構圖(按:大多為左右不對稱)確實有不妥的地方,的確有可以改進的空間,但用上三十多頁的 PDF 文件傳予有關的攝影師就似乎相當有「鞭屍」之感。另外,亦有人覺得婚禮拍攝向來是「銀紙先決」,預算較多自然可以找到好一點的拍攝組合,像是次有傳「2P1V 只有一萬頭」的 Package,雖然不屬「爛做價」,但很難以「碗仔翅的價錢得到真正魚翅的品質」。亦有眼利的網友「突破盲點」,道出新人的婚宴場地本身亦是地方淺窄,亦非是開揚的大禮堂,攝影師要「(拍攝數目)多、(拍攝夠爽)快、(質素)好、省(金錢)」地拍攝出驚世作品實在有一定的難度,更揶揄「點解新人唔自己影?」、「…下次攝影師不妨另拍 360VR 片,到時可以無死角任睇…」。



網友有話說
‧「.....個 X 街做測量師㗎......好似成份報告準備上庭咁......」
‧「如果有齊所有 pdf 檔比大家睇就好,聽聞當晚 Snap Shot得果 118 張....唔知真假....我唔係專家,都係當食下花生充飢算....」
‧「其實最多挑剔既就係香港人」
‧「啲相係唔掂,但要個攝影師有幾衰,先會令對新人做出啲咁癲既野」
‧「好 X 癲咼,其實 d 相問題都唔算好嚴重,如果每張跟足佢所以要求唔係唔得,但你個婚禮有無時間俾佢慢慢度先?」
‧「單 job 出 2 攝 1 video 價錢萬頭左右,極品 LH」
‧「陰公,睇過咁多結婚相,呢個最專業……仲專業過人地執相個 d 丫」
‧「個景咁寒酸既……麥當勞生日會塊 banner 仲有氣勢」
2018-01-02 16:09:11
2018-01-02 16:09:35
有無人有原post 條link?
2018-01-02 16:41:46
留名睇原link
2018-01-02 16:43:14
求PDF
2018-01-02 16:48:16
咁有心機俾 comment
2018-01-02 16:49:13
Big Day屬於紀實攝影,不是擺拍???
2018-01-02 16:51:02
睇下個攝影收幾錢啦

如果得一皮真係西客

幾皮就唔係咁講
2018-01-02 16:53:42
哇影一單收幾皮架?
利申細路仔唔知價
2018-01-02 16:55:17
收幾錢先
廢事炒車
2018-01-02 16:56:19
事實真係唔靚
2018-01-02 16:58:32
其實單睇個幾頁report,個客嘅語氣都唔係差啫
2018-01-02 16:58:54
認真有冇份pdf

真係可以當係教材參考吓
2018-01-02 16:59:24
log book?
2018-01-02 16:59:59
婚展搵的話最少10000。但想好少少幾萬都有唔少。
2018-01-02 17:00:17
影一單都幾皮,三皮先叫幾喎
你乜水龍友咁巴閉一日袋幾雞野呀?
2018-01-02 17:02:07
結左婚未..
Big day 一般受歡迎都接近30k
出名嘅馬丁個D好似60k...
2018-01-02 17:08:43
你都識講受歡迎/出名個啲
佢影個幅垃圾真係極離譜
唔好話一萬頭 連5000蚊2P1V我都唔覺得值

利申 已結婚有玩開攝影
2018-01-02 17:09:31
個記者作文肯定唔可以可圈可點
2018-01-02 17:13:45
免費影幫宣傳
你做到啦
2018-01-02 17:17:18
你連臭西都聚唔到
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞