[長途單車遊記]20歲，一個人由香港踩去維也納(3)

推

今日既目的地係Varanasi，位於恆河邊，每個印度教徒都死係Varanasi既恆河火化，同相信係恆河沖涼可以洗滌靈魂。

Varanasi亦係我非常期待既地方，印度恆河喎，細細就聽過依個名 最重要既係，終於可以休息一天，自尼泊爾加德滿都之後，直到依家都未放過一日假
出發之前打針既醫生同我講，千奇千奇唔好掂恆河既水。而黎印度之前我就定左個目標要飲一啖恆河水

5:00踩到去Varanasi，又係搵旅館既時間，每次搵旅館都好無助 由其係印度依個語言不通既地方。
街上人來人往，遠處有一塊光亮既招牌"Hotel”但你知一定好貴。

而我搵既地方一定係破舊既招牌下一片頹垣敗瓦，隱約帶點燈光，路上還有兩隻老鼠在追逐

我唔知我可以點解決住宿依個問題，日復日咁搵旅館，真係好攰了
我開始想放棄了，但我連放棄既權利都冇，連今晚訓邊都未諗掂，去諗放棄依D咁遙遠既事？
我唯一可以做既事就係微笑，然後拎住張MEMO紙周圍問人

飲恆河水咁癲

有時候一個人都幾寂寞，孤身一人好無助既時候你會最先諗起d咩？

果舊係咪印度盞 馬拉盞啲friend?

由西藏公路 鬼影都無 訓公路都唔會比車撞死
到印度人來人往 車水龍馬
你都係一個人 究竟點捱過黎？

飲恆河水咁癲

飲屍水

飲恆河水咁癲

飲屍水

他一直在玩命
飲恆河水同食有烏蠅“嬲”嘅屎有咩分別

煲下佢飲唔飲得？

有2個印度人話只要我去鋪頭買野就可以介紹我去一間RS300既酒店，路上佢地一直Sale我買大麻，衣服等等

我隨便打發左佢地走之後，就安坐酒店到UM UM腳。終於搵到了

心好攰

估唔到我同佢地真係咁有緣，諗住夜晚出去夜遊Varanasi既時候，又撞到佢兩條友，見佢地幫我搵酒店，如果價錢唔太貴，咪盡管睇下有咩買得落手囉，咪當佢地幫我搵酒店既報酬。
但結果係

真係買唔落手，咩阿里巴巴既衫，咪話係香港，係印度我都未必會著
之後我HEA鳩佢話食埋野返黎買，成功離開。之後佢地係後面一直叫我騙子。

冇錯，我係好仆街

但報酬自己問間旅館拎喇

炭燒牛油包
好食又唔貴
RS 15

人山人海

唔知咩節，好似係太陽神節咁既野，每個小朋友當日都會放風箏，整個Varanasi都係風箏 成街上既店舖都唔會開門

其實我幾鐘意Varanasi，比我感覺好平靜，望住條恆河，溫和既太陽。1月簡直係印度最舒服既月份，又唔熱而帶點微風。而我住係近恆河邊既老城區，裡面成個迷宮咁，入面好多野賣，圍巾，飾品，野食。

比起大理古城我更鐘情Varanasi

印度真係請我都唔去

印度食物睇落真係好吸引

留名

樓豬最後有無飲到恆河水

飲恆河水係咪想自殺

飲恆河水咁癲

唔係係Varanasi飲
放心

有時候一個人都幾寂寞，孤身一人好無助既時候你會最先諗起d咩？

返香港要做廢青

由西藏公路 鬼影都無 訓公路都唔會比車撞死
到印度人來人往 車水龍馬
你都係一個人 究竟點捱過黎？

雖然有partner係幾好
但我更鐘意一個人

印度真係請我都唔去

咁多個國家入面我最鐘意印度

由西藏公路 鬼影都無 訓公路都唔會比車撞死
到印度人來人往 車水龍馬
你都係一個人 究竟點捱過黎？

雖然有partner係幾好
但我更鐘意一個人

其實毒撚一個更開心..............

我都覺得係

無睇成個月，咁就live左