[長途單車遊記]20歲，一個人由香港踩去維也納(3)

當年後生都諗過踩單車入西歐
之後都踩過雲南 四川 台灣
年紀越大就越覺得時間太重要
已經比唔出咁既成本玩呢D野
諗番轉頭 好彩當年我都玩過下
呢D後生唔做就真係一世唔駛做
BTW 好掛住當年一往無前 無所畏懼既感覺
而家好難搵番

有心真係唔怕遲
可能香港地係難d

繼續睇緊 你未出到維也納我唔會棄

多 謝你

我是來支持樓主

推

推

煎蛋好好食咁

好奇一問，遊記去到而家過咗2/3未

搵報紙做喋

推

當語言不通時，google translate 幫唔幫到手？

手抓飯，其實印度就算偏遠既餐廳都會有餐具提供，我本身帶餐具反而係印度都係用過一兩次。可能我本身唔食得辣，就算M記既泰式辣醬同譚仔酸辣都頂唔順。
而印度手抓飯真係好辣，有時辣到頂唔順想飲水，但又唔想買水飲，結果我就同當地人一樣飲水喉

放心，辣野可以殺菌

有2條行車線，自廣東之後，都冇見過咁大條馬路，而且路況又好又少車，周圍都有D奶茶攤同水果車補給，當我黎講係天堂。最重要既係真係好平

黃昏既時候，開始擔心今晚訓邊，唔通又露營咩，周街都係人，點露啊。全街都係印度文，根本分唔清楚邊D先係旅館，更重要既係，如果真係比你見到一招牌大大隻字寫住Hotel，你一樣唔入得，因為會好撚貴
街上站滿路人，卻找不到能與我溝通的人。
街上鋪滿房屋，卻沒有一間屬於我的房子。
街上全是回家中的人，唯獨是我一個無家可歸。

但你永遠唔會知道下一秒發生咩事

突然有個踩住單車既後生仔走過黎問我做緊咩，佢話佢都係去前面個城市Muzaffarpur參加唔知乜東東，佢係咁煩住我，當時我又燥底。因為我當時問佢知唔知邊到有平價旅館既時候，佢居然答我"Can you speak english?"

DIU!!!!!!!!!!!!!!!!!!!!!

我咪講緊英文囉，英文差姐，最多話聽唔明我D英文，但點會連我講緊英文都唔知。
之後佢問我可唔可以同佢做朋友

朋友？

我聽到依句野即刻精神晒，然後我慢慢用英文好清楚咁同佢講
＂好啊，我地做朋友囉。但你既朋友，姐係我，今晚冇地方訓，請問一下你知唔知邊到有大約300INR左右既旅館？＂
佢唔知，但為左今晚有床訓，我係唔可以放棄任何一個機會。
“Can you help me?my friend..”
佢話可以問一問係當地既朋友，之後我地一齊踩入Muzaffarpur，等左一陣之後，佢朋友帶左我去一專For India既旅館，間旅館外面完全睇唔出係旅館，而且招牌都冇英文，更重要既係老闆都唔識講英文，我開始要諗下點樣解決印度住宿依個問題，語言不通的確幾大獲。

跟住冇啦啦黎一堆朋友同我自拍。

直到依家我偶然都會回想返依個印度朋友

返印度有冇食蕉

「你又唔知個女仔個名，又唔知passport number。我地領事館幫唔到d咩。不過我地會幫你問下印度果邊既情況。」我打比領事館。
冇錯，我係連Summer既中文名都唔知，我地完全冇計劃過失敗既事。

我仲以為自己已經成熟左好多，但就連失敗之後既事都冇計劃過。我根本冇諗過我會失敗。

我仲係咁幼稚

我拎幾粒糖出黎，拆開包裝紙，將糖放入一個膠袋仔入面。
然後重返印度關口，重返一個我頭先差d出唔到黎既地方。

但今次我係去救人！

「你見唔見有個亞洲女仔？佢留左包藥係我到。」我環視四周，Summer不見了，而全部職員亦消失了。取而代之
既係一個個新臉孔既海關。咁到底Summer去左邊？

就係咁，Summer係印度消失。

但我知道仲有方法，我仲唔可以放棄。然後我坐車返去加德滿都，回到我地間hostel。

「你話果個黑龍江女仔-王小姐，印度警方話依幾日冇拘留過任何中國人。當初你地應該醒目d，賄賂班海關就咩事都冇。」
「我依家懷疑Summer人生安全收到威脅，所以你地唔好講到唔關你地事，佢一日仲係中國居民，你地領事館一日都要去搵佢。如果佢最後有咩意外，咁依個就係你地問題。」

一切都完了，Summer就係咁樣係印度失蹤了。

直到依家，我偶然都會諗起一個短髮，笑容燦爛女仔。

Summer


Ok,I'm joking
Ok,I'm joking
Ok,I'm joking
Ok,I'm joking


真相係隔日我就收到Summer既信息，我出黎之後2分鐘佢就出左黎，但因為手機冇上網所以聯絡唔到我。佢之後去左尼泊爾北部，而我則係加德滿都繼續我既單車旅行。

自當日之後，我就再冇見過Summer。好遺憾唔可以同Summer正式度別。


自始，我係印度唔想透露本名既時候，我就會同佢地講，我係Summer
------------------------------
"Hello,what's your name?"
"Summer"

我內心小到你反皮

好多奇遇

煎蛋好好食咁

洋蔥加蔥既煎蛋
Rs50

好奇一問，遊記去到而家過咗2/3未

1/3掛

咁樣擺報紙上面掂唔掂㗎 你係印度有無試過水土不服

經過尼泊爾既訓練之後
我係印度係未試過唔舒服

當語言不通時，google translate 幫唔幫到手？

絕對幫到手

返印度有冇食蕉

緊係有
不過印度既桔好食d