[長途單車遊記]20歲，一個人由香港踩去維也納(3)

lm

Day 185

到左大不里士
第一次去餐廳食飯係唔洗錢，本來只係諗住入去問下邊到有平旅館順便食飯，點知到比錢果一刻，餐廳既人居然唔洗我地比錢，人地打開門口做生意，點知唔洗錢請左我地食。
(事後我先知伊朗係有依種文化，一開始話請比你，之後你要推搪幾次先代表佢係真心想請你。)
唔知佢當時係真心定假意?

食食下飯有個波斯妹送左個Case比我地，一直用到旅程結束。
大不里士真係冇咩好行，休息左一日就走左。
本來我係打算由伊朗直接去土意其，打老黃話見"順路"去埋亞美尼亞同格魯吉亞。估唔到依個決定令我地有一刻係非常後悔

8:00先起身，9:45出發

出發亞美尼亞

住雪山方向踩，因為仲有車行，所以都尚有石屎路踩

山脈既震撼，我同老黃都異口同聲話好靚
無數既雪山形成山脈，雪山林立，而我地就站在山頂上環觀成個畫面。整個旅程入面係數一數二靚，可以同依個畫面比既就只有西藏。

好多國家既人都會問最鐘意咩國家，我例牌答西藏。不過依家我會加多國家

伊朗
f

靚到呢
人行呢d山有無可能

佢之前明明係咁講

以為樓主最鍾意印度

佢之前明明係咁講

我都記得

我都記得，定係中意印度d人？但中意伊朗同西藏既景？

你個名

有冇家底就唔知
但真係好靚仔

景就伊朗西藏靚，但綜合黎講我鐘意印度

唔係唔得，不過路上冇商店補充

伊朗真是靚到癲!

live 左

兩個人真係幾難借宿，求奇搵左間民宿$10，跟左個條友周圍行下

伊朗都有陰司紙

本身我都係好健康食生果充飢，自從跟左老黃，我就開始食薯片飲可樂

炒蛋配依D薄過紙既餅就係我既晚餐。其實由伊朗開始，D野食已經係難食到狗都唔食

告別伊朗，由巴基斯坦通過官方申請唔到visa，然後搵旅行社又話官方hold住左我個申請，最後只可能坐飛機做落地簽。依一切只係為左探索這神秘國度-伊朗
只可以由首都開始踩，距離都幾短，只能感受到部分既伊朗。由第一日cs既招待，當時仲覺得伊朗食物好好食，殊不知已經係我係伊朗最好食既野。街上除左fast food之外，就只有烤肉。永遠只有紙一般既餅同凍冰冰既麵包。

但伊朗人既熱情係我目前為止既國家最好客，除左同老黃一齊要比錢住之外（我相信老黃都係一樣），自己一個係路上都野我食，邀請你去訓，應該係成功比我乞到
強烈推薦單車旅行者黎伊朗踩車，無論風景同人都會令你畢生難忘。
學左2句波斯文係伊朗用。

一句”你好”

後一句”再見”


今日將要到達亞美尼亞。亞美尼亞係全世界第一個以基督教立國既國家，係亞美尼亞會有好多教堂睇。
一般來講，我每去一個國家之前都會查下佢既歷史，同當地人傾計既時候就可以更明白。
鬼叫我英文差。
對面就係亞美尼亞。特區護照只要整網上visa就得。而我用BNO就仲方便，直情免簽。
臨入境前食餐好先，開始同老黃計劃今晚亞美尼亞訓邊?住酒店?岩岩踏入亞美尼亞既時候，我感嘆左一句
"好似回春?"

依句簡直係天大既笑話.因為伊朗北部既雪山,我同老黃都好期待亞美尼亞溫暖既太陽.第一晚我地決定
露營

果到即刻無晒雪

雪山露營咁L堅，有冇帶gas 爐？
露營唔煮個宵夜㸃訓得着，咁凍

雪山露營，得咁既裝備...凍醒了

想知老黃佢帶左乜裝置去

老黃好似乜都冇

老黃到底有咩裝備

留名支持

凍死

留名支持

因為我地本來就打算只要暖返D就會開始每日露營同借宿。唔會再花一分錢係住宿方面

向路邊既家庭借個後花園黎露營。雖然佢地唔識英文，但靠Google translate最後都成功溝通。
真係好老土，但都係果句。係異國溝通最重要都係用個心。語言絕對唔係一個大問題

教我射箭

乞左D飯食

結果都係同伊朗一樣，我同老黃凌晨3點都一齊凍醒左。點解我會知 因為我同老黃一齊訓囉。
我成個旅程最大既錯誤有3個

1.16GB既IPHONE
2.冇買GOPRO
3.買左一個兩人營

如果有露過營既朋友都知兩人營其實只係FOR一人，因為你放晒行李之後已經冇位轉身。而老黃就係伊朗到買左個四人營。個SIZE就岩岩好FOR兩個人了。
而最重要最重要既係，一個人訓四人營既最大好處係可以將小七放埋入去。咁再唔需要每晚提心吊膽比人偷單車
對於一個單車旅行者來講，單車同自己條命一樣重要。

再次出發，今日大家都知道，開始要上山。
雖然唔係西藏咁下下都四五千海拔，但對我來講已經好攰了

係心攰

但每一次望到眼前既畫面之後，反問自己一次

值唔值?

值得

之後路上見到個韓國單車旅行者，佢話當日佢踩依座山既時候係落住大雪，然後佢係山頂上露營。好痴線。

落山之後入左間餐廳，其實食物都係其次，主要係為左個WIFI。佢有佢睇龍珠，我有我上高登。估唔到黎到亞美尼亞都要食依D薄過紙既麵包。
踩到落算大D既CITY，係到休息左2日
2個人SHARE一張電話卡。

2個廢青