我問老闆可唔可以係到暫住一晚，老闆指一指1km外，果到大大隻字”hotel”
我地果刻決定無論幾錢都要住！不過好彩又唔貴喎，入到酒店沖個熱水涼
係大堂同D伊朗人玩牌。
大雪已過，又出發
自印度開始我都未炒過車，而今日都終於炒車了。當時高速落斜，對面貨車爬頭，老黃突然急停，但我停唔到。
因為我個煞車片自出發都未換過，直到踩到維也納完晒成個旅程我都係未換過煞車片。一塊煞車片走天涯。痴線。
勉強停架車既結果就係一搖就炒。
大家記住對面架貨車仲係過緊線。我事後諗返起當時差D就死
其實痛就唔痛，只係都係皮外傷。
係Booking。com揾左間B&B住，仲可以自己煮野食。
記住依兜野，我稱佢為生存意粉。其後每一次煮野食都係食依兜死人野
大家有冇試過望一隻色望到厭。而我今日就望白色望到想嘔。
純白世界
單車旅行聽落好熱血好有夢想咁，其實我地既心態同廢青冇分別。
每日願望就係快D踩完返酒店HEA。
踩緊上山既時候有2個女人同我地講前路不通。咁我地半信半疑繼續踩，有小量車輛行走，突然有個司機打X手勢示意前路不通。我當時心諗仆街了，想回頭轉路。但老黃抱住"生要見人，死要見屍"既心，堅持上去。只差2.2KM就到頂。最後發現原來只係上面個景點封左，但條路依然可行。嚇鬼死我。
老黃係咁既環境下都炒左3次車。
