[長途單車遊記]20歲，一個人由香港踩去維也納(3)

點解老黃同條女訓你要自己訓

文呢

係WS到搵左個HOSTS，佢係一間單車店老闆黎，佢好多踩長途單車既旅行者都會黎依到住，因為佢基本上係有求必應，無論係由歐洲踩去亞洲，定係由亞洲踩歐洲，都必定會路經依到。
我留左個名之後，我發現本野有丹尼爾巴打既名

土耳其既野食。
SUMMER話過

"會遇到D冇血緣關係既親人"

總會有D人第一眼見到你就會莫名其妙對你產生好感，我當時唔明白SUMMER依篇說話，但見到依個女人之後，我明白了

雖然我同佢只有一面之緣，但佢對我就好似仔咁 係咁比野我食，又糖又餅乾。
自我踩單車之後，我都係好早訓，如果有HOSTS搞到我太夜都唔比我去訓既話，我都會HEA鳩佢。
但我果晚同佢傾左好耐好耐。聽下佢後生時候既故事，去歐洲各國既經歷。
我好掛住佢

DAY 235

第9個國家-保加利亞Bulganria

而歐洲上網方面，我淘寶左張全歐洲既SIM CARD，然後再由香港寄過伊斯坦堡收。
一路上只有塞爾維亞唔WORK之後，其他國家都好WORK。我作為一個港孩緊係好開心。
話說我都未比返D錢老黃
因為歐洲D野太貴，所以我係伊斯坦堡到買左個COOK SET煮野食。

係路上見到個有水既位，就落左去露營。

生存意粉

落到好大雨

撇甩左老黃之後，我又可以乞住宿，
一身破爛的衣服，滿佈污泥的鞋子，誠懇的請求，哭腔的眼神，再配合住下雨天。
邊個會忍心拒絕你。

我周圍問人有冇地方比我露營，當時落緊好大雨。
佢地問我點解唔住酒店，我答佢

"因為我冇錢。"

最後佢帶左我去屋企，其實係咁既天氣下，有瓦遮頭已經好好。雖然佢地唔笑，但我係真心FEEL到佢係想幫我。個婆婆又係咁比野我食。

臨走既時候，佢地自製左D包比我路上食。
當初係土耳其我就掙扎緊買唔買COOK SET好，如果唔買就要拾木頭生火，而老黃就選擇自己生火 我最後就買左COOK SET。
事後我非常慶幸我有買COOK SET，而今日我就用得著了

又係生存意粉

你家下係咪好憎食意粉了?

成個旅程大概用咗幾多錢

一開始已經當故台真人真事post咁睇

點解張咭要寄過去

live 左

而今日我將會到達保加利亞既首都Sofia，而我仲未搵到HOSTS招待我，按照我既計劃，我仲有塞爾維亞-匈牙利-斯洛伐克-奧地利。
而我只會係每國家既首都留一日，然後就繼續趕路。而我已經定晒每一日既地方，然後再係每個地方上搵定HOSTS，所以我一定要係Sofia搵到HOSTS。原來我已經SEND左2封EMAIL過去。但佢都冇回覆。我SEND比第二個職員，佢話自己放假，不過佢話個EMAIL應該會有人覆。
所以我決定博一博，係間單車店冇回覆既情況下，直接踩去，然後打動間單車店

最後我成功了
個店主一見到我就話

"OH，我知你係邊個，冇問題，請入黎住。"

屌 你見到我封EMAIL又唔覆我，得就一句，唔得都係一句。但唔覆真係好仆街。

佢後來解釋話因為太亂所以廢事比我住。

好彩我博一博

Sofia一日遊

保加利亞係好多東正教教堂，一路上係土耳其見果D東正教教堂全部都係被人破壞晒，而係保加利亞就可以睇到冇被破壞既教堂。入面十分輝煌。
係宗教既角度黎講，我整個旅程可以分為三部分

由藏教到印度教
由遜尼派到什葉派
由基督教到東正教

其實我都冇咩大道理去談論宗教，我只係覺得佢地都係一樣好人。

我一直都覺得HOSTS招待我唔係必然，HOSTS比我一晚安穩既住宿，而我比返佢既確實唔多，可能一句多謝就係我既全部。而兩者之間係唔存在利益既關係。我一直以來都唔為當HOSTS係酒店咁，亦唔希望HOSTS會咁樣諗。
所以我盡量令HOSTS開心，會同佢傾計，分享我旅程中既經歷同我既人生。
正當我搵緊後日既HOSTS既時候，有一個HOSTS希望我去個TV SHOW以換取一晚住宿。我話我怕我太攰而且冇時間同你做訪問。不過我可以同你分享我既故事。

"我冇興趣去聽幾個鐘既故事，搞到我屋企成間酒店咁"

我突然明白佢都只係想交易，用一晚既住宿去換取某D野。
之後佢比左個交易比我，佢有個朋友想要港紙，因為佢之後會經香港去中國做老師，佢需要D港紙比佢搭車，因為佢朋友D錢係銀行唔方便拎出黎。佢希望我比$120港紙佢以換取一晚既住宿

deal?

deal.

老黃去希臘
我去保加利亞

因為冇多張床

因為當初出發我冇預過會踩到去歐洲

返黎香港咁耐冇咁食過

3-4萬

點解

樓主加油

又LIVE左

live左

有甜

咁點解唔係你同老黃訓
要老黃同鬼妹一齊訓

Live 左
樓主加油
一日仲出一日都會睇