[長途單車遊記]20歲，一個人由香港踩去維也納(3)

尾二張相係咪老黃？

正呀 推

想訓街都唔容易

好似幾靚仔

幾型棍

終於追到第三個post
好欣賞樓主嘅毅力

今晚冇po睇
即刻訓唔着

我地結果又黎返起點-油站，個油站職員幫我地搵地方露營，點解唔直接比我地係油站到露營 唔知，我地係附近都問左幾間油站，不過全部都唔比我地露營
之後個油站職員指左我地去城內一幅空地叫我地去果到露營，旁邊有一棟建築物。
當時我地唔知果棟建築物係咩，不過都係訓一晚，到聽朝趕我地走又有咩所謂。

你永遠唔會知道下一秒發生咩事

第朝我地起身見到外面貼左張野
"Please stay for breakfast。We ‘ll be insade if you want ”
當下第一個感覺好WARM 估唔到琴晚每個人都拒絕我地既時候，今日竟然會有人願意對我地好。

佢地準備既早餐，事後知道佢地係唔識英文，而外面張紙係佢地特登GOOGLE TRANSLATE比我地

今晚既HOSTS係山上面，正當我地搵左好耐路都搵唔到既時候，突然有班細佬出發幫我地，起初以為佢地係煩膠黎 但點知佢地好用心咁幫我地搵路，有D要上樓梯位我唔夠力，佢地一齊幫我推架單車上去。

如果唔係佢地幫手，都唔知點算。因為係山上搵路係好煩，又上又落，心情會好差。

佢係讀ART既學生，果晚係同老黃同一間房


天氣開始回暖
唔知幾時開始，我已經少左食生果，可能因為自伊朗之後D生果都好貴，所以更多時候我同老黃都係飲果汁就當食左生果，一包薯片一枝果汁或者可樂就係每當我地攰既時候，就會坐係到，食下薯片飲下可樂休息一陣就繼續出發。

M記係貴，但異鄉既人係比較任性。因為中餐比較難搵，就算有都好貴，所以我地會食M記當回憶下香港既味道。

今晚搵到HOSTS招待我地，超熱情既HOSTS，雖然佢唔識英文，但用GOOGLE TRANSLATE一樣可以交流。

溝通係用心

薄荷烈酒，好難飲
土耳其人係超鐘意食橄欖，幾乎每餐都會有橄欖。
我地一直係到倒數，只要踩埋今日，後日將會到我地一直以來都期待既地方-Istanbul伊斯坦堡
令人期待既原因因為伊斯坦堡代表住我地由亞到歐。歐洲既第一步就係伊斯坦堡

最重要既係我地將會係伊斯坦堡休息9日。
WOWOWOW
係繼巴基斯坦之後最長既休息。

好彩冇問
因為個護士就係出面

lm

好似連埋藥都係$500

同埋我係日日洗

中間冇特別就留白

細聲d唔好比佢發現

多數

睇文都feel到好warm

live 左!!!

"Please stay for breakfast。We ‘ll be insade if you want ”

老黃有食神

老黃個晚......

有個警察請我地食LUNCH。

踩踩下經過佢地個警察局又比佢地叫左入去吹水。對土耳其警察既感覺又好返D

本來搵左個HOSTS，不過因為佢女朋友跌斷左隻手，所以招待唔到我地。本來都諗住訓油站就算。
但我地唔想又訓油站，因為天氣都麻麻，我地臨時SEND請求招待文比所有HOSTS。希望有人可以接受一個臨時既請求。
有時就算冇人應我地，我地都會諗盡辦法瘋狂send信比人，然後係佢地自我介紹搵佢地個WhatsApp，希望有一絲機會佢地會見到我既請求

為左一個good night
個HOSTS比低間屋我地就走左。

伊斯坦堡篇

伊斯坦堡個hosts係我整個旅程中同佢相處最耐既hosts-ALI佢係一個嚴重糖尿病患者，每日都需要打胰島素，日常飲食中更加唔可以有糖。老黃本身就係一個無甜不歡既人，佢每日唔係可樂就係果汁，連土耳其最出名既黑茶都要加好多糖。

講起土耳其黑茶，曾經有個土耳其人同我講過，土耳其對茶既態度係同可洛英差唔多
起身飲一次
lunch前後又飲一次
下午飲一次
dinner前後又飲一次
訓之前都要飲一次

ALI知道老黃咁既生活習慣之後，不停叫佢唔好飲甜野，例如可樂同果汁，煩到老黃係咁抱怨。笑死我

佢養左隻大狗，仲有個靚靚EX，而且佢個EX成日都會黎煮野比佢食。我問老黃”你咁靚仔，有冇女人對你咁好”

唯一一次煮野比我地食

土耳其甜品同印度甜一樣都係甜到痴線

老黃拎住個好特別既硬幣問ALI個硬幣有咩意義。佢話個硬幣係因為2016既軍方政變失敗，政府就出依個硬幣係展現實力。話畢，ALI就隨手拎起個硬幣扔左出去。

老黃叫佢唔好，但ALI堅決。

好傷心