[長途單車遊記]20歲，一個人由香港踩去維也納(3)

諗起都有d興奮

我都唔記得左
係Reza帶我上去

啲麵包好似泡泡紙咁

呢d 係咪就係波斯味

live 左

波斯妹呢

pish

最後到左目的地，裡海。係隨便係岸邊公園露營。明明第一次係雲南湖邊露營既時候已經知道岸邊露營一定會好凍。我今次都仲係咁ON9揀係岸邊露營。之後我搵公園管理員幫我寫MEMO紙。
同印度唔同既係，今次係借宿

凍到癡線。

天氣好差，而且又大風，逆風搞到心情都好差

踩到就天黑既時候，用張MEMO紙搵到人收留我，佢搵左間岩岩裝修好既空屋比我訓。又帶野食比我食。其實我諗唔明，點解你要無條件咁幫我，明明我只係一個仆街
臨走既時候，佢比錢我。果刻真係好感動，到依家我都唔知點解路上咁多人願意幫助我，我只係一個路上既旅人，冇野可以還到比你。

「多謝。」
一句感謝已經係我既所有。我一直知道知道我好窮，但我冇諗過我連我既所有都係咁微不足道。
多謝
多謝
多謝
多
謝。
估唔到第二日，我會仲慘。首先係落雨，之後天空開始變黑，我不停踩希望可以搵到人收留，但每一個人都拒絕我，又冷又肚餓。街上任何一個人都擁有住自己既幸福，住係自己溫暖既屋企。

咁我呢？屬於我既屋企係邊？咪玩喇，你唔會有，就算比你今日搵到一間尚算和暖既地方，但你聽日就會失去，然後重新出發搵另一個地方。
你唔知今晚訓邊，暖唔暖，有冇床，安唔安全？你唔知。

你唯一知道你依然要搵，依然繼續依段旅程。

你應承過自己唔可以放棄架嘛

人間有情

又 Live 咗

中間經歷真係好精彩

呢D先係真係內容, 遊記既景點風景都係點綴

其實我覺得佢地唔對你落手，有可能覺得你重窮過佢地 無野好落手

之後我行入一間仲有燈既屋，敲一敲門，就到有2個女人，其中一個係年紀比較大既婆婆。我比一比張memo紙佢地，希望佢地可以收留我。

終於

我有地方訓 依個世界永遠都會為我保留一扇窗

繼續出發，今日依然係唔知目的地，大概方向係內陸。上斜上到痴線，斜到有車上既人間我洗唔洗幫手，拒絕之後見佢個樣呆一呆。唔理佢繼續慢慢踩

之後有人送茶葉比我，但問題就係，自從離開左尼泊爾既abc之後，我就從未飲過一淡熱水 換言之咁我點沖茶飲呢。

而我估唔到，最後茶葉都發揮左佢既作用。

係近海邊，一條沿山而建既村落，成條村就咁睇好似冇乜人，我越踩越高開始見到人，比張memo紙佢地。

之後有班𡃁仔帶左我去間水煙餐廳入面，我果刻就知道，我今晚有冇地方訓就睇我依家既表現。

佢地對我都好大興趣，雖然佢地唔識英文，但依段旅程上我學識左心靈溝通，語言不通難我唔到。然後我地就用google translate溝通。其實語言不通都仲可以靠google translate去解決，至少好多國家都可以用google translate去溝通到。

又請我食野同飲茶

唔知拎住碌野做乜鳩

雖然餐廳入面有d人偷偷地叫我訓佢屋企，但最後我跟左另外一個人返佢屋企，間屋企好舒服。
又有蛋糕食又有蘋果食。雖然佢冇乜同我傾野，但我feel到佢真心係想對我好

再次出發，我知今日一定會好慘，要踩幾座好高既山，路程120km。而好消息既係，過左今日之後，我再唔會係一個人了！我終於都有partner

之前都提過我係黎見一個人，而佢就係我接著落黎既partner。一個香港男神-老王 佢由香港踩到伊朗，經巴打介紹下，約左由伊朗一齊踩住歐洲。我同佢今日都約左係Zanjan為目的地，而且仲係Zanjan約左warmshowers既hosts。

Warmshowrs係一個專for單車旅行者既apps，你可以係地圖上搵自己將會去到既目的地有冇HOSTS願意提供地方，你揀好HOSTS之後就可以Send email過去。一般係Warmshowers既hosts都係鐘意踩單車，所以我一般先係WS搵左先，真係冇先係CS搵HOSTS。而我今次係第一次搵WS既HOSTS。

食完好似冇野落肚咁

好遊客feel
Reza話佢細個屋企人帶過佢黎
山上又冇特別係波斯味

話時話我好似冇影過
自己google la

人同事先係重點
去邊同咩地方就根本唔重要

我都覺得係