[長途單車遊記]20歲，一個人由香港踩去維也納(3)

好想見老黃真身！

樓主講到老黃好正

真心佩服樓主咁有勇氣同堅強探索冷門地方，仲要踩長途單車過去

不過建議樓主如果下次旅行既話，可以溝女溝得aggressive d。有食都唔食，人老左遲d會後悔

利申：自己都試過旅行時候食下當地d女

好想望下老黃個樣 係咪大樓主好多

有女相喇終於

Lm

唔會，就係唔想專家講，唯有我share

買左d麵包同榛子醬做早餐，食完早餐都8點，佢地又冇趕到我地走。凍到痴線，都唔知點解4月都仲咁凍
平時我地係10點先出發，但今日竟然要8點出發。殊不知依個係最明智既決定，甚至事後我地覺得太遲起身。

天氣開始變好，我同老黃都好興奮。終於迎接夏天。
踩到3點左右，突然收到某個hosts同我地講話雖然接待唔到我地，但佢可以介紹另一個hosts接待我地。但壞消息既人個hosts距離我地都幾遠下，80km。如果唔係踩長途同full晒行李，3個鐘就可以踩到過去。但依家都3點鐘，唔知要踩到幾耐。
不過為左一張床，我地決定踩

結果一踩就踩到830。踩到囉柚都痛
其實趕夜路同踩山一樣，感受好深，但可以落筆既地方卻不多。

然後由餐廳既老闆請我地食飯。

"如果我為左慳百幾蚊既酒店錢，而囉柚痛既話，咁我同鴨有咩分別"
此句為土耳其既開場白

曾經有人同我講"我冇勇氣做既事，難得有個叫做識既人做左"
我唔知我依段旅程可以帶來d咩影響，但依刻我發現，生命真係可以影響生命。

每朝返工都追

由一開始追到而家，想出去試一次既感覺越黎越大

生命影響生命，真係講得好岩
睇完樓主既日記，激發到我將來都會進行單車旅行
多謝樓主分享咁精彩既經歷

x2 LIVE左

樓豬進度過半未?

live
好撚熱血，好想好似你咁瀟灑

又要飲酒

土耳其第一日休息，有wifi有床訓有熱水，天堂啊

煮左餐飯比hosts食，又係食意粉，冇計，易煮

休息一日之後重新出發，又回到當晚既餐廳，之前個餐廳老闆話請我地食早餐，而我地又真係好厚臉皮咁黎食埋早餐先走。點知老闆唔係到，仆街了 正諗住離開之際，柳暗花明又一村。個伙記見到我地一身單車裝咁，同我地吹左一陣水。就由個伙記請我地食早餐。11點先出發。
今日本原預計150km，但結果最後竟然踩到177km

天氣時好時壞

其實土耳其初頭既路段都幾悶下，又係不停咁踩然後搵hosts搵地方訓。所以土耳其既重點都圍繞住住宿同wifi方面。
而講起wifi，我一直都覺得旅程上最重要既野就係wifi。而今日我發現原本唔係。重要既野係
睪丸

其實當晚踩到Hosts屋企粒蛋已經有少少痛，點知今日起起身發現好撚痛!!!!!!!!!hosts諗住帶我地出去玩，我當時已經痛到想嘔同暈。我開始明白女人m痛係咩感覺。我痛到頂唔順，老黃話會唔會睪丸打結，我即刻上網查下，發現睪丸打結要係黃金六小時就係做手術，過左黃金時間好大機會就要切。我琴晚痛到依家，早就過左六個鐘

我當時已經諗定領養既話我都會當佢親生仔咁睇。又諗住睇下可唔可以自己解返個結。但我又唔知佢係打邊個方向既結，萬一係死結咁點算。
忍左一陣，我同hosts就我要去醫院。

"my egg not good”

變scramble egg

屌笑撚咗

又吊癮，你粒死睪丸

笑到停唔到