【古典小說】竹林七賢係古代MK仔？用《世說新語》講比你知！

正

gay到

向秀陰功豬

[img]https://img.eservice-hk.net/upload/2017/12/09/231603_88024731c00810f06aeea43c6cce22f1.jpg[img]
可能追緊呢個po
睇到竹林七賢覺得好親切

絲打呢本咩書，分享吓！
以酒黎講竹林七賢同陶淵明影響幾大
好多後世文飲酒都會上追佢地

本書叫解讀中國文化詞彙
http://www.cp1897.com.hk/product_info.php?BookId=9789620718830
主要是講解中國文化所用嘅詞語為主，我覺得幾值得收藏

老一輩嘅先生好多都有出呢種書
針對返每一個重要嘅字詞講解
好想知佢二十一個詞彙係邊二十一個
可能同我嘅另一個post相似

阮咸果隻咩耳黎

玩音樂好似有絕對音準呢樣嘢
我朋友話有人係天生有呢種能力
不過我對呢方面無咩認識

點解文秀記載得最少？同才華有關定純粹資料不全？

如果對晉朝人的人格美想深入了解，可以睇宗白華《論世說新語與晉人之美》。

嵇康、向秀打鐵果陣
成日都會互望對方流哂汗嘅身體
相視而笑，好鬼開心
眼中只有對方，無其他人存在
真係人人心中都有一座斷背山……


btw向秀未完成本書就死咗真係好可惜
更可惜係冇人可以繼承

其實古代文人好多都係咁
時也，命也，運也！

繼續

向秀寫篇記念友嵇康嘅思舊賦都短過人
當時嚇到Deedee震都正常嘅
白色恐怖，借用儒教殺人，究竟邊個先係真正嘅反傳統呢

可以想像中佢寫嘅悲痛
仲有好多說話都唔可以講出口
雖然係咁，佢篇思舊賦都好感人
有人會話，竹林七賢先係真正係儒家風骨

點解文秀記載得最少？同才華有關定純粹資料不全？

歷史往往係偶然而成
不過相對竹林其他六位
佢比較早死，亦都無話涉及咩大事
講才華應該唔會比其他人差

如果對晉朝人的人格美想深入了解，可以睇宗白華《論世說新語與晉人之美》。

巴打講呢篇文好重要
我自己都有參考
宗白華好多文都值得一睇
可惜正如楊牧講，佢留低著作太少

嵇康、向秀打鐵果陣
成日都會互望對方流哂汗嘅身體
相視而笑，好鬼開心
眼中只有對方，無其他人存在
真係人人心中都有一座斷背山……


btw向秀未完成本書就死咗真係好可惜
更可惜係冇人可以繼承

其實古代文人好多都係咁
時也，命也，運也！

六朝人對命運嘅睇法，大抵都係消極、自我嘅
少有好似李康〈運命論〉、陶淵明〈歸去來辭〉叫人樂天知命。
陸機都有相關探討，例如〈豪士賦序〉
可惜陸機最後都要被斬首
所以六朝文文風大抵偏於陰柔，比較少壯麗之辭，比較多感慨同鬱結
例如劉峻〈廣絕交論〉、〈重答劉秣陵沼書〉
又比如陸機篇〈弔魏武帝文〉，就好有趣，蘇軾同陸機對曹操嘅睇法，完全唔同。

去到南北朝，好似謝惠連篇〈雪賦〉、江淹恨別二賦，庾信〈哀江南賦〉更加絕望

地位高，錢又唔缺，乜都有齊，但意志消沉
例如庾信直認自己係廢柴，後世真係無咩人咁有勇氣

多謝巴打補充！
確係如此，時代有時代嘅整體風潮
魏晉六朝大體都逃唔過生命價值失去嘅虛無

官宦之志：竹林七賢中的俗物？
讀《世說新語》之王戎篇

濬沖如簫散，薄莫至中臺。徴神歸鑒景，晦行屬聚財。
——蕭統《詠山濤王戎》

正文第九章

王戎，字濬沖，琅邪人
名門望族，出自魏晉高門士族琅邪王氏
生於魏青龍二年（234年）
卒於晉永興二年（305年）
王戎同山濤都係比較長命嘅
最大原因就係佢地唔抗拒出仕做官



《世說新語．容止篇》：
裴令公目：「王安豐眼爛爛如巖下電。」

有人評價王戎對電眼
可以直視太陽而唔頭暈
目光炯炯有神，電死人
應該同梁朝偉差唔多

《世說新語．雅量篇》：
樹在道邊而多子，此必苦李。

王戎細細個就好醒目
有日佢同成班小朋友一齊出去玩
見到路邊嘅樹好多李子
成堆小朋友就去採李子食啦

王戎見到呢個情況
無動於衷，絕不跟風
因為佢知道如果李子係甜嘅
神早比人摘哂啦，邊鬼仲有咁多係到

睇到呢邊，係咪覺得佢同竹林其他六位好似？
其實佢同竹林其他六位相似嘅地方好少
甚至可以話人生、價值觀有好多差異
竹林七賢入面嘅異類，人世嘅常者



《世說新語．儉嗇篇》：
司徒王戎，既貴且富，區宅僮牧，膏田水碓之屬，洛下無比。契疏鞅掌，每與夫人燭下散籌筭計。
《世說新語．儉嗇篇》：
王戎有好李，賣之，恐人得其種，恆鑽其核。
《世說新語．儉嗇篇》：
王戎儉吝，其從子婚，與一單衣，後更責之。
《世說新語．儉嗇篇》：
王戎女適裴頠，貸錢數萬。女歸，戎色不說。女遽還錢，乃釋然。

王戎份人好孤寒架！
世說新語入面儉嗇篇得九條記錄
但係九條入面有四條都係講王戎
真係當時嘅孤寒代表

王戎做高官，多錢多到數唔哂
但都未因為咁就滿足
每晚都要同老婆係燭光下數錢
咁樣先會開心……

王戎有日想將屋企嘅李樹結嘅李子去賣
但又驚人地攞到種子
就事先將李子嘅果核鑽破
真係好鬼痴線……

王戎嘅侄子結婚，只送一件單衣
完婚後又問侄子攞咗返黎
到粒女出嫁果陣，向王戎借咗幾萬蚊未還
之後女兒返娘家時，王戎神色不悦
直到女兒還清哂堆錢先高興返

上面可見，佢唔止對外人係咁
連對自己嘅侄同女都咁孤寒
難怪被話係竹林七賢中最庸俗嘅人
非但冇竹林文人嘅風流倜儻
反而似一般市井之徒咁睇錢財重要過家人



《世說新語．德行篇》：
和嶠雖備禮，神氣不損；王戎雖不備禮，而哀毀骨立。臣以和嶠生孝，王戎死孝。陛下不應憂嶠，而應憂戎。

王戎係有名嘅孝子
同當時嘅尚書和嶠同時喪母
佢為母守喪時，禮法上雖不及和嶠
但佢嘅悲痛唔係表面功夫，唔係「神氣不損」
而係真正到咗傷心欲絕，「哀毀骨立」

《世說新語．傷逝篇》：
王戎喪兒萬子，山簡往省之，王悲不自勝。簡曰：「孩抱中物，何至於此？」王曰：「聖人忘情，最下不及情；情之所鍾，正在我輩。」簡服其言，更為之慟。

王戎呢句說話係千古名句
聖人超越咗喜怒哀樂，最下嘅人則連情為何物都唔知
常人如竹林七賢者，正係受喜怒哀樂最大影響嘅人
呢種正係點出竹林七賢真性情的堅持
往往背離禮法，直接以最真誠嘅方法表達情感
呢句，或者係竹林七賢嘅最佳自述！
亦都係佢同其他六位最共同之處



《世說新語．排調篇》：
「俗物已復來敗人意！」王笑曰：「卿輩意，亦復可敗邪？」

王戎並無竹林其他六位嘅氣質風度
相反充滿世俗嘅官宦之志
阮籍就串佢係「俗物」
但係王戎冇因為咁而唔同佢地做朋友
因為佢係好重視同阮籍等人嘅情誼



《世說新語．傷逝篇》：
「吾昔與嵇叔夜、阮嗣宗共酣飲於此壚，竹林之遊，亦預其末。自嵇生夭、阮公亡以來，便為時所羈紲。今日視此雖近，邈若山河。」

王戎雖然俗，但俗得好真
而且係好重情誼嘅人
佢將嵇康、阮籍當做知己
雖然阮籍串佢係「俗物」
但王戎並無因此有所嫌隙

雖然王戎受時人鄙夷，評價唔高
但一直好欣賞呢兩個人嘅瀟脫
王戎老年再遊竹林之遊嘅地方
竹林七賢各散東西，下場大多悲慘
「視此雖近，邈若山河」
望落好似同竹林好近
但係內心知道已經遠隔山河
一切一切，都無法重來
竹林風流名士，自此絕矣！

佢真係好孤寒
不過又覺得佢地其實感情好好
係亂世之中有咁樣朋友
咁好感情，其實都好難得

可以想像佢地共處同一世代
共同面對朝代改變政治黑暗嘅日子
仕隱進退之間，其實都逃唔開時代限制
竹林之遊，應係一生都忘記唔到嘅聚會
至少果陣佢地都仲健在，仲係開心咁飲緊酒

應該同梁朝偉差唔多 ---->

應該同梁朝偉差唔多 ---->

孤鳩寒到咁，比佢有錢都唔會開心，做人做到咁為乜

預計今年會完到呢個Post

預計今年會完到呢個Post

繼續