【古典小說】竹林七賢係古代MK仔？用《世說新語》講比你知！

唔著衫係因為食完五石散
會身體發熱，要除衫涼爽吓
外人睇落好開心
佢地其實好鬼無奈

佢地又唔係除曬衫唔着嘅，佢地係着薄紗絲綢，因為五石散食完皮膚會變薄，直接唔着衫比風吹又會吹傷，吹損啲皮膚。

簡介基本古典文學概念：小說
兼談魏晉南北朝志人小說

「飾小說以干縣令，其於大達亦遠矣。」
——《莊子》

引子

魏晉南北朝小說，即係指：
從東漢末年魏、蜀、吳三國分立
直至西晉、東晉到南北朝對峙局面結束
呢一歷史階段所出現嘅小說作品
雖然學界普遍稱之為「魏晉南北朝小說」
但主要都係講晉代同南北朝人嘅作品
除去先秦古代神話傳說之外
「魏晉南北朝小說」可謂中國古代最早出現嘅小說

不過我地必須要了解「小說」呢個名呢
係唔可以用現代觀念來界定中國古典小說
現代觀念對小說嘅定義，來自西方
西方四大文類：小說係同詩、散文、戲劇並列



中國古典小說，地位就比西方低好多啦
「小說」一詞首見於《莊子》：
「飾小說以干縣令，其於大達亦遠矣。」
小說只係瑣屑而偏頗嘅言論
同真正嘅道理相差好遠
係先秦時代仲未係當做一個文類
直到班固《漢書．藝文志》
係編書果陣先列有小說十五家
班固只係將價值不高嘅街談巷語
瑣聞、雜說、考訂等零星筆記，一律稱為小說

宋代以後，有唔少人嘗試為小說定下較清晰嘅分類
明朝胡應麟《少室山房筆叢》內
將小說分為：
「志怪」、「傳奇」、「雜錄」、「叢談」、「辨訂」、「箴規」六種
當中「志怪」、「雜錄」二體可視作「魏晉南北朝小說」嘅概括



而我地今次要講嘅《世說新語》，係「志人」小說
大家可以見到，上面只有「志怪」而無「志人」
因為「志人」之名，係魯迅由「志怪」推衍出來嘅：
「漢末士流，已重品目，聲名成毀，決於片言，魏晉以來，乃彌以標格語言相尚，惟吐屬則流於玄虛，舉止則故為疏放，與漢之惟俊偉堅卓為重者，甚不侔矣。蓋其時釋教廣被，頗揚脫俗之風，而老莊之說亦大盛，其因佛而崇老為反動，而厭離于世間則一致，相拒而實相扇，終於汗漫而為清談。渡江以後，此風彌甚，有違言者，惟一二梟雄而已。世之所尚，因有撰集，或者掇拾舊聞，或者記述近事，雖不過叢殘小語，而俱為人間言動，遂脫志怪之牢籠也。」

簡單講，志怪係講怪力亂神嘅奇事
而志人則係記錄人間言行，反映社會風貌
「志人」小說係魏晉南北朝興起嘅主因
即自漢代以來，文人重視清談、喜品評人物
呢種以人物言行片斷寫成嘅「小說」
隨住呢種社會風尚而盛行
呢種寫法，源於兩漢史書和諸子散文
發展出記人事嘅「軼事」小說

至於點解會流行清談呢？
漢代、魏晉，尚無科舉制度比士人上位
士人要上位，全靠名流或權勢者給佢地好評
一句讚美，即能身價倍增，有利升遷
好多名高位重的大官，往往憑片言隻語
論定一個人嘅優劣，或借此來授引官位
正因為有咁多品評人物嘅句子
先會有《世說新語》呢種小說出現



《世說新語．品藻》：
「世論溫太真，是過江第二流之高者。時名輩共說人物，第一將盡之閒，溫常失色。」
當一班名士談論第一流人物而無提到自己
溫嶠即刻嚇到臉如土色
當時一字之重，影響到人嘅身價地位
個情況好似股市咁
分分秒秒都幾百億上落
唔到你唔驚呀！

魏晉南北朝，政治黑暗
文人自保得兩個方法
一係爭權奪利中勝出，取得有利位置
二係企圖放下名利，隱入山林，做放達逸士
《世說新語》嘅編者劉義慶
入面所記嘅竹林七賢，正係後者代表人物
我地留返之後再慢慢細講

如果無記錯，就係佢地由清議轉為清談嘅階段

記得中學聽過有條友剝晒啲衫
話間屋就係佢件衫

佢地好似係全部都唔著衫
日日係個竹林入面吟詩畫畫似酒吸毒
其實好慘

唔著衫係因為食完五石散
會身體發熱，要除衫涼爽吓
外人睇落好開心
佢地其實好鬼無奈

點解會用慘 同無奈形容

睇到後面就知

如果無記錯，就係佢地由清議轉為清談嘅階段

唔可以亂講政事
唯有講其他顧左右而言

推，巴打好勁，會唔會有興趣出書？
利申中文系

巴打太俾面啦
我只係對文學普及花多少少功夫
她好多謝巴打咁支持！

只係知有條友鍾意裸跑

如果無記錯，就係佢地由清議轉為清談嘅階段

唔可以亂講政事
唯有講其他顧左右而言

阮籍後來可以大醉數十日，口不臧否人物，但心中尚有澄清天下志。佢講「時無英雄，使豎子成名」是心中鬱結難舒。嵇康剛好相反，性格太剛，太剛則折。

但世說最好睇不在竹林之輩，當在東晉人物，恒溫郗嘉賓謝安石，無一不妙。

留名支持
巴打加油

戈登

記得中學聽過有條友剝晒啲衫
話間屋就係佢件衫

佢地好似係全部都唔著衫
日日係個竹林入面吟詩畫畫似酒吸毒
其實好慘

避世 果陣好亂

今次入門書推薦本好得意嘅書

http://www.books.com.tw/products/0010492916

導讀者湯一介教授指出身處於動盪的世代，當然是和有秩、和諧的「自然」相矛盾，因此七賢在「崇尚自然」的同時，對「名教」作了大力的批判。「恣情任性」為「七賢」的最重要的「風度」，表現在他們的性情、氣質、才華、格調等內在的精神面貌上；也表現在他們的言談、舉止、音容、笑貌等外在風貌上。「七賢風度」可以說在中國歷史上「前無古人，後無來者」，這種「風度」是魏晉的時代產物，也只能為「七賢」的特質性情、人格所造成。這種「風度」主要表現在他們的「越名教而任自然」上，為人處事重要的是在於任憑自己內在性情，而不受外在「禮法」的條條框框的束縛，「恣情任性」正是「越名教而任自然」的一種表現。

見到有人話高登學術台高質過呢邊
雖然唔係話比較有咩意思
但見到咁講法，真係無睇呢邊咁多post
唔係講我，講其他文史哲巴打
應該搵人開返個連登學術台高質post整合
以正視聽，比其他人知呢邊水平

留名

留名 探長又有新post

我好渣
淨係識呢句: 諸君何為入我褌中

明日出正文

留名
如果當年中學上中文堂會係咁有趣就好