【古典小說】竹林七賢係古代MK仔？用《世說新語》講比你知！

真係唔知探長開左呢個po仲要係講細說新語

真心一問，古代d隱士好多本身做官，但佢地一懷才不遇或者不滿朝政就歸隱山林，咁佢地食咩？本身係文人既佢地識耕田？同埋佢地好似多數簡d深山歸隱，人都唔多隻，照計個d地方應該冇乜經濟交易活動，咁佢地生活上既大部分需要咪要靠自己一腳踢，點解d人仲會覺得佢地活得好寫意

我淨係諗到佢地係深山既生活方式會好似呢條友咁

https://youtu.be/D59v74k5flU

咁講竹林七賢應該有MUSCLE
隨時係古代既森之妖精

今日出多篇
大家留言我會慢慢回
永不落空，等到末日

支持探長

竹林七賢之聚！兼談魏晉名士風度

「漢末魏晉六朝是中國政治上最混亂、社會上最痛苦的時代，然而卻是精神史上極自由、極解放，最富有智能、最濃於熱情的一個時代。」
——宗白華

正文第二章

我地成日用名士形容竹林七賢
咁到底咩叫名士？
名士又同魏晉時代有咩關係？
過咗魏晉之後仲有冇名士？

「名士」呢兩字，本係泛指高尚、有名望嘅人
《後漢書》：
漢世之所謂名士者，其風流可知矣。雖弛張趣舍，時有未純，於刻情修容，依倚道藝，以就其聲價，非所能通物方，弘時務也。
牟宗三《才性與玄理》：
「名士」者，清逸之氣也。風流者，如風之飄，如水之流，不主故常，而以自在適性為主。故不著一字，盡得風流。
即係名士呢種人嘅特色係風流
風流唔係話今日果種玩女
而係形容一個人嘅生命氣質
唔會受外在傳統限制
以自己嘅才性、性格為重

名士呢，到咗後世
著重文化義，即其內在人格對外世應對而成嘅風度、形象
名士歷代典範不脫竹林七賢
描述竹林七賢嘅言行風格，大多出自《世說新語》
如果要了解竹林七賢嘅名士典範
就一定要講《世說新語》啦！



不過千其唔好以為大家都讚名士
王恭︰
名士不必須奇才，但使常得無事，痛飲酒，熟讀《離騷》，便可稱名士。
袁宏道《與潘景升》：
世人但有殊癖，終身不易，便是名士。如和靖之梅、元章之石，使有一物易其所好，便不成家。縱使易之，亦未必有補於品格也。
名士呢種人真係好MK
成日扮哂嘢，扮哂勁
有咩標奇立異就話係名士

後人對名士嘅批評好多
甚至將好多傷風害俗嘅事推落竹林七賢
清代《歷朝史案》：
晉代清談之害，沿及江左，皆七人為之濫觴也。
但係事實係咁真係咁？
竹林七賢又點解會做出咁多奇行怪事？



《世說新語．任誕》：
陳留阮籍，譙國嵇康，河內山濤，三人年皆相比，康年少亞之。預此契者：沛國劉伶，陳留阮咸，河內向秀，琅邪王戎。七人常集于竹林之下，肆意酣暢，故世謂「竹林七賢。」

阮籍、嵇康、山濤年紀一樣
加埋劉伶、阮咸、向秀、王戎七個
成日係竹林肆意酣暢，清談不倦
當時已經有人叫佢地做「竹林七賢」

其實「竹林七賢」唔係學術、政治組織
佢地係一段時間玩埋一齊
其實呢段時間好短
大約係正始末年到嘉平年間嘅五、六年

點解「竹林七賢」會聚集埋一齊？
宗白華在《論〈世說新語〉和晉人的美》：
漢末魏晉六朝是中國政治上最混亂、社會上最痛苦的時代，然而卻是精神史上極自由、極解放，最富有智能、最濃於熱情的一個時代。



魏晉時期，係社會急劇變化嘅大動盪時期
曹魏同司馬氏集團為皇權而明爭暗鬥
嘉平元年，司馬氏暗佈兵力，發動「高平陵之變」
誅殺曹爽等三族，手段殘暴
《晉書．宣帝紀》：
支黨皆夷三族，男女無少長，姑姊妹女子之適人者，皆殺之。
女人細佬仔都殺哂
真係斬草除根，好鬼惡毒

因為呢件事殺戮太多，天下名士減半
留係朝中嘅人紛紛逃逸、觀望
初進仕途者，如阮籍、嵇康、山濤等人選擇退隱山林
所以先會出現「竹林之聚」

「竹林七賢」嘅出現，係正直文士嘅自全之計
係朝中稍有不慎，隨時有殺身之禍，仲可能誅連三族
後黎，司馬氏漸漸掌權，操縱天下
竹林七賢各散東西，或捨生取義
或折衷求全，或熱衷仕途

竹林七賢嘅放浪形骸，全因無法實現理想
但現實又唔比佢地真係離開
進退之間，無法直言嘅苦況
唯有以慎重嘅言詞、怪誕嘅行為
表達自己內心嘅痛苦掙扎

咁樣嘅歷史情境
普遍士人嘅不確定感
魏晉名士嘅價值觀好多都係虛無、蒼涼
隨時都可能失去生命
無一個可供安身立命嘅所在

見到有人話高登學術台高質過呢邊
雖然唔係話比較有咩意思
但見到咁講法，真係無睇呢邊咁多post
唔係講我，講其他文史哲巴打
應該搵人開返個連登學術台高質post整合
以正視聽，比其他人知呢邊水平

連登係曇花一現，
高峰期係前無古人，
唔單單係文史哲，
連古生物學都會有。

只係五毛小學雞進駐，
仲有迷信撚先搞成咁

其實我覺得好多文都好有留低嘅價值
如果有人整理真係功德無量
唔係除時無咗搵唔返

睇緊黎做中史term paper

文史哲不分家
希望幫到你

真心一問，古代d隱士好多本身做官，但佢地一懷才不遇或者不滿朝政就歸隱山林，咁佢地食咩？本身係文人既佢地識耕田？同埋佢地好似多數簡d深山歸隱，人都唔多隻，照計個d地方應該冇乜經濟交易活動，咁佢地生活上既大部分需要咪要靠自己一腳踢，點解d人仲會覺得佢地活得好寫意

我地必須理解，士人歸隱呢件事呢
其實好多人都唔叫得上窮困
同埋所謂歸隱有兩種
後世幾乎都係講緊歸隱田園

本身係陶淵明之前：
廟堂（出仕）＞
深山（隱居）

但陶之出走，開左另一條路：
廟堂（出仕）＞
田園（隱居，而不隔絕世界，過自己生活）＞
深山（隱居，隔絕世界）

可參考：
從廟堂歸返田園的自主抉擇 讀陶淵明歸去來辭並序
http://deliver90.blogspot.tw/2017/02/blog-post_73.html

咁以陶淵明為例
古人好多係鄉下都係有田地架
陶淵明係真係去到可以返鄉下耕田
仲要本身係有奴僕咁
古代文人大多有家族勢力
田園，即係返去自己土地咋

山林係真正與世隔絕
而田園，好似陶淵明咁
其實只係好似城市中嘅郊區咁
陶住嘅地方，交通其實都幾方便
隨時出去城市玩兩日都得

另外，亦都有好多錢嘅田園生活
好似辛棄疾咁大把錢起莊園
鷗魚之思：煉出田園之心 細讀辛稼軒水調歌頭(盟鷗)
http://deliver90.blogspot.tw/2017/09/ep16.html

但呢種生活係咪叫寫意呢？
對佢地黎講，緊係唔係啦
因為退居田園，好似辛棄疾咁
佢係好想出仕，但無奈隱居
成世係田園都過得唔太開心唔太寫意

真係唔知探長開左呢個po仲要係講細說新語

我都慢慢睇緊

+1

今日可能又出多篇

戈登開post，但睇見得3頁⋯反應係：



（改對白： 點解只有三頁呀！！！！！）

石田巴打好
日本史高質巴打欣賞
令人鼓舞！

世說新語有余嘉鍚《世說新語箋疏》、徐震愕同楊勇都有做校箋
印象中楊勇嗰本算好用，但我自己都成六七年無接觸

不過平時可能睇蔡志忠已經夠，唔需要再睇其他

世說新語近年出好多有趣版本
如果唔係要走學術研究咁睇
有好多都好得意，有漫畫版

樓主會唔會出dse啲範文
Retaker未落手讀

我記得戈登巴個部落格有

有呀！
荀子勸學
東坡念奴嬌
辛詞青玉案
都已經有詳細解讀

果陣我去過blog睇
但仲有十幾篇未有

始終時間、心力有限
我係好想完成哂比各位學生參考
不過其實如果有追開堆文
有讀好多閱讀文學嘅重要概念
對答中文各卷都有幫助

2018DSE閱讀理解範文：
http://deliver90.blogspot.tw/search/label/2018DSE%E9%96%B1%E8%AE%80%E7%90%86%E8%A7%A3%E7%AF%84%E6%96%87

[/center]

《世說新語．雅量》：
嵇中散臨刑東市，神氣不變。索琴彈之，奏廣陵散。曲終曰：「袁孝尼嘗請學此散，吾靳固不與，廣陵散於今絕矣！」太學生三千人上書，請以為師，不許。文王亦尋悔焉。

嵇康即將處刑，泰山崩於前而面不改色
呢種，正係名士風骨
三千太學生為嵇康求情、同悲
好似今日嘅學生團體為公義發聲
咁呢種手法，對暴政又點會有用呢？

嵇康同行刑人講：
時間未到，比我再彈一次琴啦！
滿場聽眾肅靜，餘下嵇康絕響
「當年好多人向我求學呢首曲調
可惜我都無教過佢地
從此之後廣陵散絕矣！」

值得一提嘅係：
嵇康死時先得三十九歲
佢係臨死前同九歲嘅仔講：
「巨源在，汝不孤矣。」
山濤係到，佢會好好照顧你架
事實山濤確實對佢個仔好好
絕交之後嘅交情，見證時代嘅扭曲

蔣勳《孤獨六講》：
「有人說，嵇康怎麼這麼自私，死前還不肯將曲譜留下？但嵇康說，不是每一個人都配聽《廣陵散》。如果活不出孤獨感，如果做不到特立獨行，藝術、美是沒有意義的，不過就是附庸風雅而已。」
正係曲亡人亡，知音不復



《世說新語．棲逸》：
嵇康遊於汲郡山中，遇道士孫登，遂與之遊。康臨去，登曰：「君才則高矣，保身之道不足。」

呢到好似預言一樣
嵇康以前去遊山玩水，見到孫登
孫登係一位當時出名嘅世外高人
呢位高人當時已經知道：
你嘅才華好高，可惜
可惜係呢個時代入面唔識保全自己

或者嵇康真係唔識保全自身
但亦都正因為佢一生嘅堅持、反抗
反而令死亡只係肉體滅亡
其精神、信念卻化為永恆嘅文化象徵
讓後世人欣賞、歌頌
廣陵散絕去，其精神卻千古長存

推

見到有人話高登學術台高質過呢邊
雖然唔係話比較有咩意思
但見到咁講法，真係無睇呢邊咁多post
唔係講我，講其他文史哲巴打
應該搵人開返個連登學術台高質post整合
以正視聽，比其他人知呢邊水平

呢到有啲科學post都幾高質

點解中學無教過呢本？

之前講開細說新語，估唔到巴打真係會講
話時話劉義慶係咪可以叫做係出版社嘅總編？

如果能自給自足，我都寧願歸隱，做自己鍾意嘅野
講真有得出仕又點？有邊個保證仕途可永續發展？係名利場打轉要事事防範，隨時人都癲。就算一時得勢，隨時比小人暗中攻擊，或改朝換代，不但自己命仔不保，更可能牽連親友，到時唔係一句唔撈就可以走人

當然，好似辛棄疾有為家國報仇雪恨既志向咁又另計

如果能自給自足，我都寧願歸隱，做自己鍾意嘅野
講真有得出仕又點？有邊個保證仕途可永續發展？係名利場打轉要事事防範，隨時人都癲。就算一時得勢，隨時比小人暗中攻擊，或改朝換代，不但自己命仔不保，更可能牽連親友，到時唔係一句唔撈就可以走人

當然，好似辛棄疾有為家國報仇雪恨既志向咁又另計

有辛棄疾副身家一世歸隱都抵

魏晉南北朝，文士處境凶險，啪五石散、隊酒，表面係玩世不恭，實則就係避禍
竹林七賢要詐傻扮懵避禍，除咗嵇康
嵇康清醒，所以要同山濤絕交，最後託孤
嵇康看似荒誕不羈，但睇佢嘅〈誡子書〉，並參〈與山巨源絕交書〉、〈琴賦〉，大概可知即使係志士仁人，某程度上都係自相矛盾。
向秀就慘囉，嵇康死之後嚇到deedee震

希望後面會講