中國酒神：酒能醉人心，酒能傷人身
讀《世說新語》之劉伶篇
放情肆志，以細宇宙齊萬物為心。常乘鹿車，攜一壺酒，使人荷鍤而隨之，謂曰︰「死便埋我。」泰始初對策，盛言無為之化。時輩皆以高第得調，伶獨以無用罷。竟以壽終。墓在保定府安肅縣張華村。
——《晉書·劉伶傳》
正文第六章
《世說新語．容止》：
劉伶身長六呎，貌甚醜悴，而悠悠忽忽，土木形骸。
劉伶，字伯倫，沛國人
史記記載佢好樣衰
仲要得150cm
But your face is not your fate
同時都有話佢係性情放達之人
好似癲狂嘅人咁，平時不加修飾
只係同竹林七賢呢種名士有私交
竹林七賢有做官，又有唔做官
劉伶都係為世所迫為官
不過佢係朝廷問意見果陣
用「無為而化」答之，都幾似阮籍種做法
做官不做事，以表其志
結果被評為無益之策慘遭罷免
《世說新語．文學》：
劉伶著酒德頌，意氣所寄。
劉伶係中國歷史上飲酒飲到留名青史
真正係嗜酒如命，同李白有得一戰
終其一生嘅著作係＜酒德頌＞一篇文章
有大人先生者，以天地為一朝，萬朝為須臾，日月為扃牖，八荒為庭衢。行無轍跡，居無室廬，暮天席地，縱意所如。止則操卮執觚，動則挈榼提壺，唯酒是務，焉知其餘？
大人先生，係劉伶自喻
劉伶係呢篇文章入面，講到酒德
即係飲酒飲到進入超越常人俗世嘅精神境界
世間嘅禮法、規則，都如塵土一樣
不過劉伶呢種咁推崇醉酒嘅思想
種種放浪形骸都係針對政權無聲嘅抗議
《世說新語．任誕》：
劉伶病酒，渴甚，從婦求酒。婦捐酒毀器，涕泣諫曰︰「君飲太過，非攝生之道，必宜斷之！」伶曰︰「甚善。我不能自禁，唯當祝鬼神，自誓斷之耳！便可具酒肉。」婦曰︰「敬聞命。」供酒肉於神前，請伶祝誓。伶跪而祝曰︰「天生劉伶，以酒為名，一飲一斛，五斗解酲。婦人之言，慎不可聽。」便引酒進肉，隗然已醉矣。
劉伶嗜酒，係瘋狂嘅沈迷
由精神解放嘅享樂，變成毒害生命嘅自害
劉伶嘅老婆好唔開心，灑光哂堆酒，打爛酒器
喊往咁求佢戒酒：
你再飲落去，會死架！
劉伶其實都係好鬼馬
佢就講：
請神明幫我戒酒，要有酒肉敬神
有神明幫我，一定得！
點知當佢老婆準備哂酒肉敬神
劉伶居然講：
我天生就係鍾意飲酒架啦
酒係我嘅名字！
女人講嘢唔可以信
我邊到可以聽佢點架？
《世說新語．任誕》：
劉伶恆縱酒放達，或脫衣裸形在屋中，人見譏之。伶曰︰「我以天地為棟宇，屋室為褌衣，諸君何為入我褌中？」
劉伶只要喝酒就會除哂衫褲留係屋企
人地見到佢咁就恥笑佢啦
劉伶理直氣壯咁答：
天地係我嘅屋企嘅棟宇
屋企係我條底褲
你地而家擅自闖入我條底底做咩？
禮法係群體規則
劉伶係自己屋企解放自己
真係關你鬼事咩
呢種反抗禮法嘅行為
絕對唔係簡化做痴線兩個字
而係以身體作為社會介入嘅姿態
《竹林七賢論》：
籍與伶共飲步兵廚中，並醉而死。
劉伶係魏晉時代嘅酒醉者
酒醉迷離之眼，見證時代黑暗
常乘鹿車，攜一壺酒，使人荷鍤而隨之，謂曰︰「死便埋我。」
佢樂於飲酒，其實又苦於飲酒
同人講，我死咗隨時埋我啦
生命對佢黎講，已經可有可無
劉伶官場失意後，依然得唔到自由
世界係巨大嘅監獄
以玩世不恭反抗禮教，以酒麻醉身心
但係，呢種方式係充滿壓抑
最後長期飲酒傷害自己嘅身體，醉酒而亡
劉伶以酒為名，真正同酒合二為一
或者，所有醉酒者都有相似嘅悲哀
之前睇過一篇文話山濤妻懷疑佢老公同嵇康阮籍有路之類
