我希望今次JL令大眾會有正面回響
等班DC癲狗可以認清過往，同主流接軌
中意復1,2今次Whedon有份應該都唔差起碼有娛樂性
係唔知BvS fan會睇唔睇得慣復仇者咁拍
其實 Joss Whedon 寫同導演嘅avg2係一D都唔簡單，基本上係一部用商業完素包裝出黎嘅尼彩超人論，而係主要角色時間戲份分配上亦都做得好平衡，故事交待上亦都做到好清晰易明。外界由其係死忠對avg2嘅評價我就覺得係唔合理。
想巴打講多d
超人論呢part其實就係集中係Ultron同Vision兩個人嘅態度上
Ultron由有意識開始接上internet極快咁學習左人類歷史後，因為人類黑暗面產生消極的虛無主義 > 人生缺乏目的搵唔到答案去到悲觀失望厭世。再去到變成積極的虛無主義 > 點解仲要張傳統價值當做神一般存左? 之後開始重新評估同否定一切傳統同開好自我創造新價值，將人類定性為未人：冇個性冇創造力同盲目追隨主流點嘅人，之後就認為自己係超越左人類嘅「超人」，弱者(末人)同傳統價值理應被消滅，由自己創造新嘅世界超越神。
而以上所講嘅野就係一般西方有基督教信仰嘅人初次接觸尼采一系列論說後嘅第一感覺。亦啫係Ulton所代表角色定位。認為超人論係一種敵基督同要打到上帝成為新神嘅理論。
而Vision就係另一種，初期基本思維其實同Ultron一樣，但最終佢同Ultron分別就係，其實尼采並冇對「超人」定下任何定義同結論，唯一就係不繼超越世俗規範，啫係上面題過嘅宗教同傳統價值觀去完善自己達至進化。
所以Ultron佢會仇恨創造主Tony，會仇恨人類，而決定去消滅佢地。但Vision相反，比Ultron話佢天真時，佢話：可能係，其實我都係岩岩出世。見到Thor呢個「神」時，佢又會模仿Thor外形整件披肩出黎。因為對佢黎講，無論人類同自己都係同樣有能力進化去超越現在自己。
其實打咁大段野出黎，用你信性本惡定善都勉強解釋到
呢d就係JW收埋左係AOU入面有關尼采超人論，存在主義同上帝已死等信息
而係表面個層Ultron嘅好多對白都用左聖經同尼采嘅金句
例如ultron攞到Vibranium做自己新肉體時講個句：Upon this rock, I will build my church. 就係用馬太褔音度耶穌對約翰：And I tell you that you are Peter, and on this rock I will build my church, and the gates of Hades will not overcome it.
Ultron對住bw揸爆自己舊body時講個句：What does not Kill me just makes me Stronger. 就係尼采個句 That which does not kill us, makes us stronger.
而Vision啱啱出身時講個句就仲有玩味：I'm not Ultron. I'm not Jarvis. I am... I am. 呢句真頭係黎自出埃及記神同摩西講：I AM THAT I AM。
腦入面記得嘅都打左出黎，而aou入面jw收埋同玩出黎既信息其實仲要多更加多，所以有d人話mcu冇深度我就得淡笑，都唔會認真嘈玩下膠就算，留翻d時間睇多幾本書好過
p.s. thor3其實都收收埋埋好多野，消化晒有機會先鳩up下
巴打
真係第一次見有人睇aou都打到千字文
有興趣可以入我個marvel post一齊吹下水
