帶住後記嚟留名(1)
話說佢哋出星期五簽售個時全部人都係度諗究竟星期日會唔會仲有一埸，所以真係有影響買幾多隻碟。咁因為我frd話唔好諗咁多，去得一場得一場，所以我就陪佢爆咗碟入。(之後發現好易入)
之前睇韓飯嘈過呢次個場唔靚，因為我哋同佢哋距離隔比較遠。
咁抽number座位個時我哋四條友唔知中咗咩運全部坐埋好近，我同其中一個frd坐第一排中間隔兩個位，另外兩個frd坐正我哋後面。咁第一排影相固然正，但要較勁高iso因為台上面比較暗。
之後上台啦，因為呢次Photobook係3個成員一本，所以我哋帶哂3本去，但佢都係只比簽一本。
今次簽個次序個人幾鐘意 志娜Mi彩多MoSa子定，同埋今次同成員對話可能40秒都冇，所以有D限制
志效 - 韓文
(太緊張乜都唔記得所以玩即興)
我: 你好
志: 你好
我: 第一次嚟fansign，所以我好鬼緊張，唔記得咗想講咩
志: (碌大隻眼望住我)唔駛緊張!!!
志: 你邊到嚟㗎? (屌太耐冇講過韓文緊張到仆街連自己邊到嚟都冇講)
我: 香港~ 有好多Once等你哋嚟㗎
志: 我地都知道!
(排隊個時我frd特登調後D排我前面，咁當佢同佢最鍾意嘅娜璉講野個時，我就拖耐D志效比佢哋傾多陣，但我完全拖唔到)
娜璉 - 韓文
(諗住問條百搭問題定下神)
我: 你好
娜: 你好
我: 娜璉仲想去邊個國家開演唱會? Twiceland 巡迴冇去過個D國家!
娜: 全世界!
(我呆_咗
Mina - 英文
(少少柒咗前面，諗住用番比較熟悉嘅英文冷靜吓先)
我: 睇完你地條Billboard片我聽得出你D英文accent好好聽
Mi: (笑到傻咗)係咩，過獎啦!
我: 係呀，個個都係咁講!
Mi: (仲笑緊)咁我用英文同你講野啦~
我: Mina D英文accent點解keep得咁好?
Mi: (仲未笑完)從小到大培養咗就係咁㗎喇! (用大姆指比咗個good我)
彩瑛 - 韓文 (韓文冇啦啦回復正常)
我: 你好
彩: 你好 (小弟英文名有兩個音所以彩見到就係咁玩個讀音，讀到佢自己都笑，勁可愛
我: 彩彩，我有個frd係twice裏面最鍾意你，但佢宜家食煙食得好勁，唔知你可唔可以寫一句話叫佢戒煙leh?
彩: 喔~(佢好似小朋友明咗樣新野之後咁喔個天真反應)好呀，然後寫咗句: 食煙對身體唔好ㅠㅠ 比我個frd
我: 好多謝你呀~
彩: (笑得好甜咁話)冇問題，希望你frd會戒到啦，下次見~
多賢 - 韓文
我: 你好多賢~
多: (睜大隻眼望住我)你好~
我: 多賢記唔記得我之前event同你影過自拍? (預咗佢話唔記得因為隔咗都一段時間)
多: 真架? (睜大隻眼，個口O咗咁望住我，十足十表情公主)
我: 係啊~我帶咗嚟~ (Show咗張自拍比佢睇)
多: (笑到見牙唔見眼) 好好呀影得~
我: 仲有呀，關於個專輯裏面張同多賢自拍卡仔…
多: (超激動cut斷咗我)你有啊?我哋再影自拍!
我: 唔係啊，冇啊，但我識有人有~
多: (整咗個TT表情)原來如此~好可惜你冇
我: 唔緊要哦
多: 你係香港嚟㗎呵?你D韓文好好~
我: 唔係啦~
多: 真係好啊!
我: 真係唔係!
(比人讚完通常就出事，咁然後我開始又甩韓文，講唔完我想講咩。就係呢個時候，manager想趕我走，但賢賢堅持望實我雙眼，鼓勵我講埋落去
我: 有得同多賢自拍，同埋感受到…
(韓文又甩轆… manager第二次趕我走，但賢賢呢次唔單止望實我雙眼，更加少少靠後用手叫manager唔好趕我住，暖到
我: 感受到經歷過多賢嘅fan service，真係好感激同感動!
多: (好真誠望住我)Awww!我都好感激和感動有咁樣嘅Once咁樣支持住我地! 下次見，ByeBye!
(夾夾埋埋同賢賢講咗成分半鐘野，完全感受到之前D巴打講賢賢嘅暖，同埋去完fs就算本身已經好鍾意賢賢都會鍾意佢多好多
留名
感謝分享
見到紅字即刻斬手指戒煙
