已經見到有新航線去鳥取
當時我連鳥取係咩地方黎都唔知
但見到個沙丘幾吸引
一直都有個印像係心
直到年尾
發生左D事唔開心
想要黎一個散心之旅
一係沙丘一直係我心入面
加上方根書簡眉影響
就決定三月順便可以賞埋櫻去山陰山陽旅行
因為有點朝聖FEEL
加上希望散心
我決定唔搵任何人自己一個人上路
算係對自己既挑戰都好
也因為遊戲說島根係結緣之地
我都希望可以係美術館遇到我既副館長
今次行程用山陰山陽7DAY PASS
米子山入
途經岡山廣島鳥取同島根
因為去八日
唯有最後一日唔搭咁多車
行程
DAY1 香港->米子->岡山
DAY2 岡山->吉備津神社->吉備津彥神社->津山鐵道館->津山城->眾樂園
DAY3 岡山->倉敷美觀地區->姬路城->岡山城->岡山後樂園
DAY4 岡山->廣島->縮景園->廣島城->圓頂屋->平和紀念公園->宮島->彌山->嚴島神社->大鳥居
DAY5 廣島->錦帶橋->岩國城->三瀧寺->吳史料館->吳市海事博物館->本通
DAY6 廣島->鳥取砂丘->松江
DAY7 松江->出雲大社->日御崎->出雲歷史博物館->宍道湖夕陽
DAY8 松江->神魂神社->八重垣神社->松江城->米子->香港
因為部相機新買
我都仲未識舞佢
加上買相機唔送技術
好多相又光又暗
希望巴打高抬貴手
坐既係A320
真係窄到死
但去呢D二三線城市真係無得揀
一星期先得兩班機
唯一比UO好既係
佢有野食同野飲
落機
機場
出左去轉JR出米子
空港站好白痴
係無人車站
無得換PASS
要花錢買飛
但個問題係
架機無得入一萬YEN
細佬唱左九萬YEN FOR今次旅行
完全係無散紙
最後唯有死死氣搵番同機D港人換散紙
後尾諗番
其實應該可以出閘果時補錢
不過算啦
就算係機場站
但班次依然好疏
求其放低個行李係個站附近周圍影相
大山真係靚到爆炸
成幅畫咁痴係遠方
可惜我無PLAN過去
排隊上車
車上面既畫
其實我對鬼太郎係無興趣既
所以我係完全SKIP左境港呢個地方
到左米子站就即刻換番我張PASS
立即就要用佢換指定席去岡山
係日本轉車既時間真係好短
好彩其實佢地幾種車都係同一個月台
所以都趕得切
沿途大山依然痴住我黎行
一開始已經好唔捨得
去到岡山已經係七點幾既事
今次係岡山住東橫INN三晚
呢度比起想像中好睇好多
又近車站
間房仲要唔細
我個29吋大GIP係可以完全打開
我都做左會然
放低野就周圍走
唔平
法國係岡山晚晚都係行AEON
因為有個超市
仲要好多香港人
係減價區勁聽廣東話
其實我唔想食超市野
雖然真係幾平
就算係AEON
九點D舖頭都收工
係淨番超市同戲院
上影緊既戲
D戲真係好遲上
行左陣就真係肚餓要去醫肚啦
曾經我都以為周街行都係好野食
但發覺選擇困難既我係揀唔到既
所以基本上我都會係出發前搵左好多唔同既食店
今晚決定左去位於本町既小豆島拉麵
呢度應該係岡山車站以外最旺既地方
好多居酒屋
不過我一個人真係唔岩食
傳說中冰水KOL既神物
乜都唔識
都係叫番最普通既算
結果真係普普通通無咩特別
不過不失咁
但走果個門口就開始要排隊啦
食完就番酒店PLAN下聽日既行程
其實我係個有強迫症既痴線佬
一開波已經PLAN左十頁紙比自己
咁當然唔係全部都跟足晒
諗左幾個鐘打埋個飛機終於訓得
DAY1 完
