[長氣多圖][永不爛尾] 神奈川東海道沿線膠遊之旅

三島有d咩，兩個星期後會去，book左住三島
車站附近有無野食

三島吊橋既推介

法國靜岡係勁多鰻魚飯食
幾乎度度都係出名鰻魚咁

三島我去左樂壽園 三鳩大社 三島吊橋同山中城呢幾個地方

鰻魚飯 真係好食到痴撚線

係熱海用IC卡
要好小心
因為佢下一個站叫做函南
而函南9
係JR東日本既尾站
過左函南
就係屬於JR東海既範圍
雖然話IC卡係全國共通
但跨區使用就唔得(好似係)
好似我今日會由熱海去三島咁
就已經算係跨區
我唔肯定係咪真係唔用得張西瓜卡
不過我都選擇左去買飛

函南係Suica Toica嘅分界
JR東日本嘅尾站係熱海
真係唔用得Suica

原來熱海已經係尾站
等我仲奇怪點解函南咁細個站會係尾站
比人坤9左

8月中由橫濱去富士站,落車pasmo唔出得嚇死我,好彩去側邊同職員講返,佢幫我嘟卡搞掂

三島有d咩，兩個星期後會去，book左住三島
車站附近有無野食

三島吊橋既推介

法國靜岡係勁多鰻魚飯食
幾乎度度都係出名鰻魚咁

三島我去左樂壽園 三鳩大社 三島吊橋同山中城呢幾個地方

鰻魚飯 真係好食到痴撚線

鰻魚飯真係日本最好食既食物

係熱海用IC卡
要好小心
因為佢下一個站叫做函南
而函南9
係JR東日本既尾站
過左函南
就係屬於JR東海既範圍
雖然話IC卡係全國共通
但跨區使用就唔得(好似係)
好似我今日會由熱海去三島咁
就已經算係跨區
我唔肯定係咪真係唔用得張西瓜卡
不過我都選擇左去買飛

函南係Suica Toica嘅分界
JR東日本嘅尾站係熱海
真係唔用得Suica

原來熱海已經係尾站
等我仲奇怪點解函南咁細個站會係尾站
比人坤9左

8月中由橫濱去富士站,落車pasmo唔出得嚇死我,好彩去側邊同職員講返,佢幫我嘟卡搞掂

我覺得d卡好煩
張張都要買
但其實每程淨係平幾yen
都唔知幾時先回到本
不過係方便少少

三島有d咩，兩個星期後會去，book左住三島
車站附近有無野食

三島吊橋既推介

法國靜岡係勁多鰻魚飯食
幾乎度度都係出名鰻魚咁

三島我去左樂壽園 三鳩大社 三島吊橋同山中城呢幾個地方

鰻魚飯 真係好食到痴撚線

鰻魚飯真係日本最好食既食物

其一喇
仲有其他

路過一推 + 支持樓主

DAY3 續

一番到熱海
第一件事就係買湯遊巴士卡


700YEN
就可以任坐湯遊巴士
同埋三架路線巴士既區間路線可以免費搭

張飛去東海巴士案內所就買到
門口係商場外面可以搵到
唔洗好似我咁ON9入左商場入面周圍搵
個阿姐會好熱心同你介紹仲問埋你去邊
係入面仲可以買埋張MOA美術館門票
好似會平100YEN
不過個阿姐真係幾長氣
差D比佢搞到走車

熱海第一站就去MOA美術館
我以為個名係用日文讀もあ
點知原來佢係直接讀三個英文字 M O A

件廢老係咁得住我搞到我睇唔到個巴士時間

就咁影張相一邊行一邊睇算

門口

左面賣飛
右面有loker可以放唿
不過無人會咁on9帶埋個唿黎掛

入到去
問個reception姐姐可唔可以影相
佢唔答我
直接用例子黎答我
畫左個禁止拍攝既公仔
見到先唔比影

要搭幾條長電梯

個燈飾幾靚仔

仲識變色


成個美術館得三層唔大
而且三樓係停車場同reception乜都唔係
所以其實得兩層
不過因為起係山上面所以要搭好耐電梯

一上到去左手邊就係黃金茶室

好似係豐臣秀吉D奢侈野
佢話係完全復原
唔知係咪真係金啦

能樂堂

個館好靚
不過暫時無活動
得個睇字

個館有好多塊落地玻璃

可以望到成個熱海市
不過離開好遠

其他展品

呢件好似係國寶黎



我就唔好藝術野
連欣賞都唔係
純粹真係睇完就算
但日本D廢老就真係特登著到靚一靚黎睇
唔知呢D係咪就叫做品味啦

入面我覺得最有意思就呢幾幅熱海


佢令我思考我到底係身處係一個點樣既地方

唔單只係大英博物館有支那野
呢個MOA美術館都有一間房係擺支那野


呢件豎琴明明係唔比影相既

但班廢老問完工作人員又話可以影wor

小學果時
我都算幾鐘意書法

出自館主岡田茂吉既手筆
佢簡介就話MOA美術館係箱根美術館既姐妹館
咁箱根我就一定唔夠時間去果D美術館玻璃館架啦
所以係度睇左就當去埋啦

兒童作品都幾得意

然後外面有個茶之庭
有花草樹木咁啦


同埋d和式建築
仲有和式餐廳
不過好多人

呢個係行樓梯上黎既正門


最後落番去
件燈飾又變左色

坐巴士落番熱海站
又即刻上過第二架既士
去伊豆山神社

相傳伊豆呢個名就係由呢度黎命名
有二千幾年歷史

黎呢度都係乜願都許啦

不過係呢度情侶比較見得多

話明伊豆山
都要爬幾級樓梯先上到去



見呢個繪馬幾特別

就買左呢隻黎寫
雖然好毒

呢座就係本殿

不過係佢之上
其實仲有係好遙遠天邊既本宮

張案內圖好正

其實本宮係可以去得到既

只要經過呢條陰森既道路

行差唔多一個鐘就可以到達
不過我無呢種恆心
唔夠時間
而且呢度仲有好好多巨型蜘蛛

拜完神求完佛
落番山番去熱海

續

DAY3 續續

番左去熱海站個商場睇下食咩好
點知間間都爆晒
應該好多其他縣既人都入黎睇夜晚場煙花

咁無計啦
買左個便當番酒店食


又幾好食
係凍LOR

食完出番去等巴士
係零號巴士站等湯遊巴士

我覺得呢架巴士好痴線
人地路線巴士站個個都有得遮頭
偏偏係呢個站頭頂乜都無
都算
但係我兩點半企左係度等
兩點九班車從來無黎過
直到三點先有車出現
足足企係度曬左半粒鐘
而且仲好多人搭
到銀座係已經上到連企位都爆晒
但係直到熱海城門口好似真係得呢班車可以去得到
成個設計係有D崎型

因為熱海城係山上面
會經過一大段斜路
真係辛苦晒企位D人

熱海城係一個全假既天守
根本無存在過
無歷史可然
淨係個門口都已經輸晒


而咁樣既城堡要收900YEN
係痴撚線
因為最頂級果座姬路城都係收一千YEN
都唔知佢憑咩收呢個價

一入去
第一層已經係展覽廳





原來把刀淨重1KG都無

我日日拎住部相機都重過佢

展望台個海景係唔錯既



應該係熱海城唯一自豪既地方

落番去下幾層D展覽都幾無聊
係呢層浮世繪有野睇下

我係唔明點解熱海咁多十八禁既展覽


其實真係唔識欣賞
https://2.bp.blogspot.com/-jeFVBxC9miU/WfiCbOY7z9I/AAAAAAAAB_Q/KyOWb09zgLk56-eL6gX4hZklF9h5rgVbQCLcBGAs/s1600/DSC05540.JPG
入面全部都係呢D巨鳩

唯一吸引我既係呢層

好多模型睇













每次見到呢D已經唔存在既天守都好興奮


叫做令我覺得熱海城無咁伏啦

出番去架巴士又誤點

呢度可以望到成個熱海市
亦係睇煙花既絕佳地方

煙火，應該從下看上去？還是從側面看過去？

已經好多人SET好晒架步係度等煙花


但我無咁好耐性係度由四點等到八點
所以影張相就繼續等巴士去熱海既最後一站
來宮神社

續

DAY3 終

迫迫下就迫到去間歇泉落車
呢個站已經係最近來宮神社既站
順便睇下個間歇泉


企左一陣都無水噴出黎既

走人
行上去
有條隧道仔

來宮神社就係前面


門口成班囡囡係度玩自拍

咁因為事務所五點收工
所以都係急急腳入去買番隻繪馬

但係我搵番D相搵黎搵去都無繪馬張相
應該係果時趕到相都唔記得影

畫完符念完咒終於就可以出番黎輕鬆玩



來宮神宮其實好細
但而家搵番D資料
先知道原來來宮神社最出名係果棵二千年既大楠
而我係完全無去到

呢個神社有好多自拍點
可惜人唔少
我都廢事拎黎柒

係來宮站坐JR番熱海

來宮站係屬於伊東線
而伊東線既班次一個鐘得兩班
唯有慢慢等

番到熱海已經人山人海
又係搵唔到食
係便利店買左個冷麵番房食

結果我一日就食左兩餐便當
其實如果我早知煙花祭既日子熱海市會咁多人
直接就係來宮站附近食飯算
來宮站雖然係細站
但其實附近都有一兩間餐廳睇落都OK既

係酒店坐多陣沖個涼就坐車出去睇煙花
市中心格離就係沙灘
我諗呢個都係熱海市一個特別既地方

海岸周圍都係人
大部份都有備而黎
帶晒野食舖晒凳仔

我選擇左同其他一齊坐係樓梯睇
前面個景就係咁既樣


我無帶腳架
以前亦未影過煙花
香港每年放煙花
我都無興趣出去同人迫
其實我完全唔知部相機要點SET
係等待放煙火既時間
就不斷問相機大師朋友
上網睇攻略
不過各有說法
搞到我好亂

終於都要開始
可惜第一段我係完全失敗既
對唔到焦
又唔夠光
係後尾終於影得好少少
不過始終都係影得幾差下
無咩邊張滿意
所以臨場發揮真係好重要
我始終都算係個新手
都練多幾次

當日影左既垃圾









煙花係分幾PART放既
去到尾段
果PART個名叫做最終最大煙花
真係乜鳩都飛晒上天
成個天都比佢照光晒
現場睇真係幾震撼下

但佢個個月都會放煙花
我本來都以為應該唔會係幾大型既煙花
點都估唔到會係呢種級數
不過個個月咁樣燒銀紙
熱海呢個地方應該都有錢下

番番酒店有結衣BB陪我過夜


DAY3 完

熱海煙花總係特別正

煙花都算唔錯呀，有幾張幾靚

熱海煙花總係特別正

係好正
如果唔係一個人仲正

煙花都算唔錯呀，有幾張幾靚

唔好笑我啦

DAY4

呢一日係屬於箱根既
而點樣可以係一日之內去晒箱根想去既景點
就係呢一日既煩惱

原本
想由小田原進入
但遊完小田原城再入去就會趕唔切最尾由三島吊橋出
基本係我份人太貪心
好多地方無論如何都想去
最後將小田原城推至去伊東果日先去
今日就選擇由三島一方進入箱根

第一站
三島吊橋
時間有D趕
而巴士就一小時一班
所以我決定係三島吊橋未開門時到達

誓估唔到
八點三既巴士
都要企到落車
入箱根既廢老真係非同小可


0841到達
選擇下一班車0941繼續上山
所以都要睇時間做人

九點先開門
所以窗口仲未開始賣飛

不過已經有人仲早過我排隊

大把時間
周圍影下相
個停車場好大
不過無乜車

吊橋既介紹

入場費1000YEN

三島周圍都係鰻魚飯
不過我已經決定左去到掛川先食

仲有攝影比賽

不過我呢D唔入流既就算九數啦

九點準時開門
入到去先上個觀景台睇下風景先

遠處就係三島市

好多廢老搶頭位行橋

其實條橋都真係幾長

望多幾望我都決定上橋


條橋好定
我係上面跳黎跳去佢都唔會震

橋下面係樹林

為左起呢條橋

都唔知斬左幾多樹

呢個唔知係咪雨天娃娃D FD子

去到另一邊
上多次觀景台

今次旅程
每次去到制高點
佢地都話會望到富士山
但次次都望唔到

唯一望得到富士山既
要去到富士宮士果邊

另一個展望台

成個廣場係得咁大
無咩好行

如果唔想回頭行多次條橋
其實仲有第二條行山徑可以離開

由樹林出發

我就無咁好毅力啦
所以番原路離開

坐四分鐘巴士到達山中城

再預一小時行山

山中城係屬於百大名城
但無任何天守
只係淨番一座山
佢最出名既景點就係障子堀
一個個抗其實幾靚
不過地方都算偏所以好少人黎觀光

山中城範根都幾大
一個鐘係行唔晒既
左手面果PART我放棄左

沿路就係草同樹

不過佢都開左條路比你順住行

算係幾好行

不過天氣好真係好熱

D草仲修剪得好好睇

工人好有心機將呢度整得靚靚仔仔

終於到左障子堀


一個個抗好整齊咁抵抗敵人

又到展望台



一樣係唔會見到富山士


沿路係好多蜘蛛絲
證明真係無乜人行



北之丸

一大片草地
如果落雨黎行應該會成腳泥

本丸


有個遮陰亭咁既野

天守台

我想像唔到咁細既地方點樣曾經有個天守係度

曝曬完時間都差唔多
落番去等巴士

選擇日就見到
阿三號仔成個黃浩然咁


續

選擇日就見到
阿三號仔成個黃浩然咁


續

左上果個幾似王祖藍

選擇日就見到
阿三號仔成個黃浩然咁


續

左上果個幾似王祖藍

有d似東尼大木