[長氣多圖][永不爛尾] 神奈川東海道沿線膠遊之旅

輕輕一推

樓主係唔係十月去
因為呢條JL26近呢個月全部都係772執飛
冇1-2-1坐，得2-3-2

樓主係唔係十月去
因為呢條JL26近呢個月全部都係772執飛
冇1-2-1坐，得2-3-2

係
我10月7號機

可能佢十二月去成田果d轉晒新機
而家搞鳩去羽田d機

又唔係full
我成排232仲要得兩條友坐

選擇日就見到
阿三號仔成個黃浩然咁


續

左上果個幾似王祖藍

有d似東尼大木

煙花都算唔錯呀，有幾張幾靚

唔好笑我啦

真心覺得靚，唔係笑你

煙花都算唔錯呀，有幾張幾靚

唔好笑我啦

真心覺得靚，唔係笑你

多謝你

DAY4 續

進入箱根既第一站
係箱根關所


呢度真係一個大伏

你入到去
睇唔到任何歷史遺跡
只有一堆咁撚樣既道具



真係喊出黎
浪費金錢我覺得無所謂
浪費時間先係重點
要係一日內玩完整個箱根係一件好苦惱既事
就為左咁樣一個關所
我都PLAN左好久先預到時間入黎

由觀景台望番落去個關所就係咁既樣



另外有個史料館
入面都無咩特別野

係影影下相有個工作人員話唔影得
但佢係無禁止拍攝既圖既

望番出去個碼頭

好彩無上架賊船
多人到顛

坐巴士過兩個站落車
大大個鳥居係面前

呢個就係箱根神社入口

箱根神社案內圖

係呢度望番出去個湖觀景唔錯


入口

個鬼佬帶住個公仔影相好毒

一路行就會入到去

係箱根頭半段會不斷行過呢種樹林

雖然三連假已經過左
但係箱根仲係有滿滿既人流
始終係旅遊熱點
呢一日係我成個旅程聽得最多廣東話既


終於記得影番個繪馬

真係有隻馬

呢棵樹好似係安胎用既

而箱根神社其中一個幾出名既拍攝熱點
就係湖入面既平和鳥居

同宮島比當然係無得比
而且太多人排隊影相
不了

無再上番去
決定行下路直進
一路條路就係咁既樣

本來見到個碼頭仔想行出去影

但見到佢又話私人重地
算數

行多陣就會到達山之酒店

係呢個酒店會有架巴士直到新宿
佢唔係普通路線巴士
係真係一架大型旅遊巴黎

每日得五班車黎呢個站開出
無左呢班巴士
由箱根神社去箱根園就只可以用腳行
熱辣辣諗起都辛苦

我就係坐1235呢班車
成架車得我一個乘客
我唔知D人去完箱根神社係點樣去下一站

坐左一陣間就到箱根園
亦即係箱根駒岳既山腳
坐空中纜車上山


呢架纜車
係唯一箱根周遊券唔包既交通工具
不過SHOW PASS都會有番少少折扣



每二十分一班車
來回時間一樣
同時上落

係日本坐呢種空中纜車
通常都會有個後生仔女做旁述
咁大約就聽到個女仔話自己係台灣人
黎打工學習之類既野
大概係條女講日文講到好似鬼佬講廣東話咁既樣
成架纜車D日本細路係咁笑佢個です既尾音

而之後落番去果時
我直頭聽日條仔話自己係香港人
睇黎呢架纜車好鍾意搵外國人黎背書念經
都係一件好事黎既

十零分鐘上到頂
個纜車站既外型好廢墟FEEL


仲有一大片廣場


原本我係想係上面待一陣就落番去趕巴士
不過黎到呢度
風景真係好靚
我既心境亦都起左變化
因為趕左一個朝頭早
身心都真係好累
我
已經唔想再趕落去了
我想係度行完一整個圈先走

就係咁
係呢個山頂
我再無理會任何時間

天氣好好
可以望到好遠



不過
一樣係見唔到富士山
箱根同富山士明明好近
都唔明點解會仲係見唔到

路邊小花

而係山頂既中心
有一座神社

佢就係箱根元宮
整個箱根既本體



座落係海拔一千三百幾米既山頂

比香港任何一座山都要高
不過神社鎖住左無得入去
只可以係門口拜一拜


附近有個石仔陣

我估係靈場之類
係日本成日見到D人將D石仔堆高佢

好似有特別既意義

呢度真係一個非常唔錯既一個地方
心滿意足
無乜紀念品好買
唯有整番條雪條先走


續

留名陣間睇

DAY4 終

箱根係真係無咩好食
搭纜車番落去
下一班巴士又有排都未到
就去左間食麵包既

半日無野落過肚
肚餓起上黎真係麵包都好食
不過都幾貴下

又搭番新宿果架巴士
今次去仙石芒原

唔講都唔記得
原來箱根係屬於神奈川既


呢個地方係之前無無聊聊唔知點樣搵到既
十月頭未有紅葉
但睇芒草就岩晒
第一次見到咁大片芒原
真係好靚


不過都一樣好多人
仲好多台妹

其實就只係係芒原上面開左一條路比人行

夜晚會有豬出沒
好似係

芒草成個人咁高
天氣又好
影起相上黎都靚d




條路去到後面會開始收窄

一邊既路會越黎多石仔行唔到

變左單線雙程行駛

係度可以感受到原野既氣氛

雖然人流係多左d

又坐巴士上桃原台

坐空中纜車

其實根本應該叫吊車先岩

其實箱根交通工具d名真係好難記
頭先上山頂果個叫箱根駒岳空中纜車

桃原台呢架叫箱根空中纜車

後面接住空中纜車果架叫箱根登山纜車

由強羅落番去果架叫箱根登山電車
第一次黎聽到d名真係煩到嘔

而呢幾架
一陣全部都會搭到

火車氣體濃度高得濟會停駛

見到無人排隊我仲以為真係無得搭
嚇撚死

成架吊車咁大咁多位

毒撚無人理

中間有個姥子站可以上落客

一樣都係無人

其實我後面架吊車都無人坐

風景就同海洋公園無咩分別

其實毒撚一個更開心
成功係五點前黎到大涌谷
又見到呢個牌

唔好嚇我啦

一出纜車站
個畫面都幾驚艷


係真係不枉我plan左箱根咁耐
箱根既風景真係幾正

大涌谷

高1044米
火山口就係面前
真係有火山果浸硫磺味
呢種味道
係我升中去阿蘇火山之後就無再聞過
真係好懷念呢種氣味

吊車就係火山口上面駛過

唔怪得佢話成日會停駛

佢仲有個登山口
可以更近距離去感受呢個火山

不過無開放

周圍見到d人拎住杯黑色雪糕
好特別
咁我都唔執輸

其實只係雲妮拿味黎

仲買埋黑雞蛋
又其實只係熟雞蛋

放低左部相機
無意思影左咁既畫面

又幾特別

差唔多五點
大會廣播都話就收工
拿拿起上番起搭吊車走

今次派左隻濕手巾比你

不過我好鐘意聞所以無用到

同埋佢會係張飛上面吸印仔

今次我唔再係walk along了

仲有幾個港女同我一齊坐

火山口

竟然仲有急救箱

去到早雲山
就轉呢架箱根登山纜車

類似太平山果款
呢條登山纜車線d名好似小學雞改名
上強羅
中強羅
公園上
公園下
總站叫做強羅
係呢度再轉箱根登山電車

d位係特急位黎

我以為全部車都係咁
點知對面有第二架行過
d位係咁既


原本想係小田原食飯
有間叫做天史朗既壽司
點知佢話有要事無開門

結果又要番去熱海呢個美食沙漠搵野食
但都仲係好想食壽司
就黎左呢間連鎖店

最後都係叫左個魚生飯

不過不失
但係師父同小二妹妹真係好好態度
全部都好好笑容

DAY4 完

然後就係我好期待既伊東啦
後尾果幾日我全部都好滿意
靜岡真係一個好地方

d位係特急位黎

我以為全部車都係咁
點知對面有第二架行過
d位係咁既

果架新車黎......

想追樓主個歐冠po 點知死晒圖

過癮

想追樓主個歐冠po 點知死晒圖

咁快死晒圖
我搞完呢個遊記再upload過晒以前d圖佢

d位係特急位黎

我以為全部車都係咁
點知對面有第二架行過
d位係咁既

果架新車黎......

都似幾新下

第一次見咁多人, 我次次去都無人

留名
睇到三島嗰part
我都好想去
朝對不起青春聖
嗰到啲可樂餅好似幾出名做咩唔試下

第一次見咁多人, 我次次去都無人

我好似成日去d地方都好多人