[毒撚出城]快運苦主南九州十日鐵道遊記

我嗰陣5月底去九州
宮崎嗰part我同你住同一間酒店
不過行程就唔同，
第一日因為我遲起身 所以直接去鵜戶，等車走嗰陣仲係返上山入口嗰間鋪到同老闆吹陣水，佢兩公婆仲請我飲日向夏茶，食日向夏，仲請神話故仔我聽同合照
好想去探返佢地
第二日就去咗動物園

咁你淨係去左鵜戶神宮?
點解回程/第二日唔去埋青島, 青島交通都方便, 可以半日內搞掂

有啊.第1日去咗打漏咗.

同埋我買咗完熟芒果食

d芒果真係好
我已經係食普通果d, 如果係太陽之蛋真係不得了

人吉我淨係站內行，睇埋小火車，行埋隔壁球磨川鐵路影下人地d火車.
係呀，坐新幹線真係無乜嘢睇，大部分都係隧道
櫻島船上面個烏冬都係唔錯，行完肚餓食乜都好食 ，可惜我果時落大雨，唔係影相一定好靚

我上次係人吉就去左青井阿蘇神社, 今次就去左鐵道館, 下一次就去食鰻魚飯

冇記錯你好似同我同期去, 其實我可能見過你

唔係，我9月19至26日去
人吉我下次會玩全日，今次為咗SL所以邊到都無行到，當係了解下環境

樓主真係好有精力，時間觀念一定好好.
比我咁玩法，一早散咗啦

其實我個行程好多時坐車都係訓
不過執行力要好高同時間要揸緊d係真既, 一走左班車就好大鑊, 要成個行程改

哩個我知道，好彩未試過

朋友C終於登場
鐵膠強帖
我明明只係比你去小兩日
但你好似比我去多左十日咁

第八日係最遲出門口既一日, 不過都8點半就出發
行去鹿兒島中央站之後就先係站入面買早餐


買完早餐就入閘, 去6號月台搭9點26分既特急隼人之風


日頭版本既鹿兒島中央站站牌


等左一陣隼人之風就入站啦
隼人之風係由1卡Kiha47系柴油車同1卡Kiha147系柴油車組成, 其實Kiha47同Kiha147都係同一款車, 只係翻新過就改稱Kiha147系

我嗰陣5月底去九州
宮崎嗰part我同你住同一間酒店
不過行程就唔同，
第一日因為我遲起身 所以直接去鵜戶，等車走嗰陣仲係返上山入口嗰間鋪到同老闆吹陣水，佢兩公婆仲請我飲日向夏茶，食日向夏，仲請神話故仔我聽同合照
好想去探返佢地
第二日就去咗動物園

咁你淨係去左鵜戶神宮?
點解回程/第二日唔去埋青島, 青島交通都方便, 可以半日內搞掂

有啊.第1日去咗打漏咗.

同埋我買咗完熟芒果食

d芒果真係好
我已經係食普通果d, 如果係太陽之蛋真係不得了

個芒果真係勁香勁甜仲要無渣

隼人之風既標誌, 可以睇到2006年已經有呢架觀光列車行駛


我既座位係第1卡, 所以就係第1卡上車


第1卡既內裝係比較淺色


係車身中間有4排展望席, 不過左手邊既其實冇咩用
因為最靚既風景係晒右手邊


係第1卡同第2卡連接處既記念乘車證吸印區

樓主真係好有精力，時間觀念一定好好.
比我咁玩法，一早散咗啦

其實我個行程好多時坐車都係訓
不過執行力要好高同時間要揸緊d係真既, 一走左班車就好大鑊, 要成個行程改

哩個我知道，好彩未試過

仲有幾日就出發，而家有d驚自已坐車訓過龍或者行錯路錯過咗班車

順利返到人吉站入閘, 今次坐特急翡翠．山翡翠2號

我plan 咗坐一個站特急翡翠．山翡翠，新八代返熊本，希望mark到位

其實我有影第2卡, 不過因為裝修都係一樣就唔post啦
之後我就坐底食我既早餐, 係中央站買既便當
但老老實實, 呢個便當係唔好食, 我為左唔想一陣捱餓唯有食晒


一開車既路段係會沿錦江灣邊行走, 如果天氣好係可以欣賞到好靚既櫻島


特急隼人之風會停兩個百年老站, 第一個係嘉例川


嘉例川仍然保留開站時用木建成既站房


站入邊既設施每一樣都係古董, 年紀比我地父母甚至祖父母咁大

跟住停既唔係百年老站, 只係普通既霧島溫泉站


不過呢度會有居民賣一d當地特產品


我對其他帶得走既野就冇咩興趣, 唯獨係想試下佢個布甸


最後買左個綠茶味上車食, 真係幾好味, 好似200yen一個

再下一個站就係大隅橫川站


呢個站比起嘉例川更加古老, 而且係國之有形文化財產


大隅橫川站最特別係佢個站房係有太平洋戰爭美軍掃射過既痕跡


呢個角度睇得清楚d, 冇花冇假真係射穿左架

大約1個半鐘車程就去到總站吉松站
呢度係日豐本線都城至隼人段未開通前係鹿兒島來往宮崎既必經之地


係吉松站再影多次隼人之風


之後再係月台留多陣, 等埋伊三郎新平入站就影埋佢


特登係月台等齊兩架車就係想影兩架車合照
點知伊三郎新平今日係3卡車, 而隼人之風就係2卡


最後唯有係呢個角度影

係隼人之風到站同伊三郎新平開車之間有大約40分鐘時間
於是就離開吉松站去外邊既鐵道資料館行下


呢張圖可以睇到九州都幾多保存左既蒸汽火車頭


呢度重會介紹肥薩線人吉至吉松段既路線
肥薩線人吉至吉松段被稱為山線, 中間會穿過多座隧道、兩個折返式爬坡路段、一個迴旋爬坡路段
最特別就係真幸站同矢岳站中間被稱為日本三大車窗之一既風景

睇完資料就睇埋蒸汽火車既英姿


係吉松站外保留左一架C55 52供大家參觀


重可以行上去運轉台度影相


睇完晒就夠鐘返去吉松站搭車

返到月台就搭頭先影左果架伊三郎新平, 呢架觀光列車2004年已經開始運行
伊三郎新平係同一架列車, 不過唔同既運行方向就用唔同既名, 往吉松就叫做伊三郎, 往人吉/熊本就叫做新平, 所以今日搭既其實係新平2號
伊三郎新平係由2卡Kiha47系柴油車組成, 但今日加多1卡後備車輛Kiha140系柴油車


同樣地我坐第1卡, 所以就係第1卡開始參觀


車箱內係好古典風味既設計
同樣係用木同樣係水戶岡銳治先生, 但完全係兩種唔同風味


第1卡除左有對向座位外, 重有一排梳化座席
2015年果次好多遊客就連梳化都坐滿, 今日就好寧靜可以慢慢享受


係第1卡既車廂中間就係展望位置同埋記念乘車證吸印處

第2卡同第1卡設計差不多, 所以我直接去第3卡既Kiha140系參觀
呢1卡係後備車輛, 所以個設計同另外2卡係大同小異


另外2卡係全木座椅, 坐落其實唔係咁舒服
但第3卡就係有軟墊既座位
而且第3卡既窗口係可以開到最高, 但另外2卡就唔得


影完架車就返位坐低
一開車會先經過幾條隧道, 係山神第一同第二隧道之間就會見到呢個碑
呢個碑係記念肥薩線既列車倒退事故, 詳情可以參考以下網址

https://ja.wikipedia.org/wiki/%E8%82%A5%E8%96%A9%E7%B7%9A%E5%88%97%E8%BB%8A%E9%80%80%E8%A1%8C%E4%BA%8B%E6%95%85

經過左一連串既隧道就會去到宮崎縣既真幸站


真幸站雖然個名好幸運, 但呢個站曾經發生兩次嚴重意外
除左剛才提到既列車倒行事故, 重有一次山泥傾瀉, 跌左入站既大石至今都冇移走


真幸站站房


係呢個角度可以影到3卡既超長伊三郎新平

係真幸站開車後, 會先倒後去到盡停低


之後再向前轉入另一條路軌


最後經過剛才既路軌同真幸站向上爬升, 呢個就係折返式爬坡
係鐵道入面係克服斜坡既常見方法之一
單單係肥薩線已經有兩個

離開真幸站後會再經過一連串隧道
係矢岳第二隧道同第一隧道之間就係日本三大車窗之一


呢度會有個牌講解前面既景色係咩地方


不過睇風景既野都係要天氣好先正


post多張天氣好既
呢張唔係我p圖p出黎, 係我2015年時睇既
天氣好真係風景都特別靚

睇完三大車窗再經過矢岳第一隧道後, 就會去到矢岳站

btw 矢岳第一隧道兩邊出口有提字, 分別係山縣伊三郎所提的「天險若夷」同埋藤新平所提的「引重致遠」, 呢兩個人既名就組成左呢架觀光列車伊三郎新平


矢岳站係九州最高既車站, 標高536米


但係矢岳竟然會有個SL展示館


入面收藏左部D51 170
之前就重有另一部8620蒸汽火車, 不過而家部8620已經修復左重做埋觀光列車行走SL人吉

過左矢岳站直到大畑站之前, 都會經過好多風景好靚既位置
有時候列車重會慢駛等大家慢慢欣賞


最後就經過埋迴旋式爬坡就落到去大畑站


我地頭先就係呢條路軌慢慢轉落黎

終於去到大畑站


當d人個個都去影架車同車站, 我就行去月台盡頭影路軌
呢張圖可以睇到日本唯一折返式加迴旋式爬坡既路軌配置
最左手邊就係來往人吉既路軌, 中間就係折返式路軌, 最右手邊就係來往矢岳既迴旋式爬坡


影完路軌我都返去車站行下

大畑站站房


相傳係呢個站房留低咭卡就可以出人頭地
所以成個站房都貼滿晒來自不同地方既咭片


至於有d人冇帶咭卡又想貼點算呢
可以學呢個人咁將記念乘車證貼上去
但係冇名好難知道邊個打邊個, 咁咪唔可以出人頭地


於是就有香港人會將登機證貼上去

1個鐘頭15分鐘後就抵達終點人吉站


係重有九州橫斷特急既年代, 呢個時間會係兩架紅色既列車合照
不過而家特急翡翠．山翡翠取代左九州橫斷特急, 就變成一藍一紅


兩架都係Kiha47系加上一藍一紅, 其實係好睇過Kiha183系加Kiha47系兩架紅色


最後就同人吉好出名既便當伯伯影相
不過可能佢老啦, 由以往既掛住便當周圍行變成企定定lu