[毒撚出城]快運苦主南九州十日鐵道遊記

今次九州旅行未出發就先做苦主
原定玩6日飛鹿兒島, 超早出發超夜機返
點知快運改到我下晝出發下晝返, 最後我由6日延長到10日

今次行程會坐9架不同既觀光列車, 由宮崎坐到去由布院, 再去熊本玩到落鹿兒島
今個遊記會比較多相, 希望大家見諒

同之前一樣, 希望大家quote文時盡量唔好quote晒全部圖, 想回覆邊一張就quote邊一張

都有半年冇搭過快運, 終於再次係T2既P行check in
今次check in好順利, 同地勤講想坐前d窗口位都成功安排


check in完就搵個機場朋友食飯, 飯飽就經T1南面離境大堂出境


係T1過關, 都係為左呢張相
唔知點解我覺得香港機場呢個位係好靚

今次係208號閘口, 2點10分UO3216飛往鹿兒島


第4次坐B-LPH, 就算佢換左U-Fly Alliance塗裝我都坐過3次, 可唔可以唔好再係佢


可能下晝2點冇咩機起飛, 由push back到taxi到最後起飛都前所未有咁快
起飛後就見到呢條咁核突既港珠澳, 都唔知邊個設計

穿過左雲層就係好靚既藍天
希望去到九州之後天氣都咁好


飛鹿兒島機場最好既地方就係好快到
起飛, 睇一陣風景, 填入境咭同海關申報表, 恰一恰再起身已經望到陸地
btw 冇計錯角度, 下面應該係枕崎市, ip都唔洗check


我地架機沿住錦江灣邊飛, 剛剛過左櫻島就轉彎準備降落


架機一落地就見到好靚既夕陽
不過都代表飛到日本已經入黑

今次入境順利好多, 雖然佢都會問有冇帶金, 又會摸下大髀小腿, 但唔超過3分鐘就放你走
鹿兒島機場有分國際線同國內線大樓, 國際線係接近乜都冇
所以入境後第一時間就行返去國內線先


由於我行程係落機後直接搭巴士去宮崎, 所以要係機場食飽晚飯先
冇咩選擇下揀左呢間大空食堂


叫左個吉烈豬扒定食, 不過不失咁啦


食飽後見未夠鐘搭車, 就去左展望台hea下
一踏出展望台就見到B-LPH起飛返香港啦

跟住返落去巴士站, 原本諗住買定車飛先, 點知宮崎線係要車上俾錢


去宮崎既巴士係0號泊位, 呢度重會有其他車去枕崎/福岡等等, 千祈唔好上錯車


原本呢架巴士應該係7點33分到鹿兒島機場, 不過佢遲左10分鐘先到
係呢10分鐘係我人生最驚慌既時刻, 因為呢班係尾班車
我一路等一路諗會唔會係我掛住撳電話佢走左我都唔知

呢架巴士由鹿兒島機場去宮崎都要2個鐘車程, 所以會係道之駅停10分鐘俾大家放下水


雖然架巴士遲左少少, 但最終10點前都去到宮崎
一落巴士第一時間就係去宮崎站綠色窗口換pass同埋mark指定席
不過換pass時出現好多麻煩, 最終個職員搞左個半鐘先完成

首先係我經klook買而呢個職員係第一次幫klook既客換pass
跟住就係我買南九州pass時佢出錯日期搞到要退款再買過
第三就係中間有其他乘客有麻煩case出現, 佢幫其他乘客都處理左好耐
最後就係佢mark指定席唔太熟悉, 反而要我講返要mark咩位俾佢睇


就係呢個職員好努力咁幫我, 真係好多謝佢

搞掂晒所有指定席券就行5分鐘返去位於橘通既酒店
頭兩晚都會係住呢間APA
不過今次住APA竟然冇社長水供應, 要連續入住加上唔換床單先有


房入面就同其他APA差不多大細


頭先所mark既全部指定席
當中有d係事先係JR九州網上俾錢mark (SL人吉/海幸山幸/指宿玉手箱)

第一日要處理既野唔係好多, 但遇到好多問題, 最終完成晒所有野已經係12點幾, 但我第二日重要一早起身

我都係用網上爬

好野 巴打終於有文出 留名

我都係用網上爬

真係好慢, 不過用慣左唔想轉

好野 巴打終於有文出 留名

多謝巴打, 我諗住呢幾日假期所以就開定post

第二日7點左右就出門口


由橘通行返宮崎站途中都有幾多呢d藝術品


行左5分鐘返到去宮崎站就會見到呢個歡迎牌
宮崎縣係一個充滿神話故事既地方, 所以係呢度咩都會同神話拉上關係

不過今次我唔係去搭JR, 而係去隔離既巴士中心買pass


呢張visit miyazaki bus pass係外國人專用, 只係需要1000yen就可以搭足1日
除左去延岡既高速巴士唔搭得之外, 全線都可以搭
基本上你單程由宮崎站搭到去鵜戶神宮, 你已經回左本架啦


買完pass就搵地方食早餐, 不過朝早既宮崎站選擇唔多, 我最後揀左KFC


叫左個餐, 有個炸雞包同可樂, 好食過香港果d乾爭爭既炸雞好多

我都係用網上爬

真係好慢, 不過用慣左唔想轉

我用緊網上爬3mb

食飽就出去「西3」巴士站等車
望清楚寫住去飫肥、日南方向就冇錯架啦


大約8點15分就見到巴士埋站, 上晒客後8點19分就準時開出


不過呢條線有個唔好地方, 就係佢會先係宮崎市兜一輪先去宮崎機場, 再係機場出發去日南市
所以大家有JR pass既話可以自己係宮崎搭JR去青島, 行完青島先係青島上巴士繼續行程(又或者掉返轉)

過癮

呢條巴士線過左青島後會去到一個叫堀切峠既地點, 係呢度望出既風景好靚
包括一望無際既太平洋同埋鬼之洗衫板(不過坐巴士影唔到)
如果大家有時間可以停留呢度半個鐘至1個鐘hea下


過左堀切峠之後就會全程沿海邊行, 再轉多幾個彎終於影到鬼之洗衫板

坐左1個半鐘頭巴士後終於去到日南市既鵜戶神宮


係入口有一個超高超霸氣既石碑


係巴士站去鵜戶神宮有3條路可以揀, 分別係
1.海邊既車路(兜大圈唔建議)
2.傳統既八丁坂
3.新起既隧道
呢個就係八丁坂入口, 不過佢而家係封左唔俾遊客行


最後就只可以跟大隊行隧道
呢條隧道好涼爽, 企係隧道口好似3號風球咁有風得黎又剛剛好
同埋我覺得呢條隧道好似千與千尋入面果條, 所以我過左隧道我一d野都冇食過

推

留名
下年諗住去南九州＋種子島

強佔留明，來緊諗住去日本，味諗好去邊
暫時對九州都有興趣
巴打可以share埋個行程出來

推