[毒撚出城]快運苦主南九州十日鐵道遊記

架Doctor West都幾忙下，由北陸殺到落四國九州都有佢份

係, 佢重要係行肥薩線去鹿兒島, 唔知係咪唔想俾肥薩橙鐵道過路費

架Doctor West都幾忙下，由北陸殺到落四國九州都有佢份

係, 佢重要係行肥薩線去鹿兒島, 唔知係咪唔想俾肥薩橙鐵道過路費

但佢架443系會去肥薩橙鐵道

船上有冷氣房, d座位睇落都幾舒服
重有一間立食烏冬, 聽聞幾好味不過我就冇試到


不過我就選擇左去船頭吹海風睇風景


一開船就可以望到櫻島, 不過打風前所以天氣麻麻


10分鐘船程就可去到櫻島

非自駕人士遊覽櫻島可以坐佢架觀光循環巴士
不過因為佢一個鐘先一班而且只係3個展望台先會停耐少少
所以我會建議大家先以步行方式去左碼頭附近既幾個景點參觀, 之後先搭巴士去3個展望台(或者調返轉)


我就選擇先行去櫻島旬彩館, 冇咩特別野睇都係買手信既多所以好快就走左


之後就行去櫻島熔岩海濱公園


海濱公園有得浸足浴, 不過一來我著長褲波鞋二來唔夠時間所以冇浸到


行到去海邊個風景就更正(如果好天)


呢度可以望晒成個錦江灣同埋鹿兒島市
影返張全景先

係海濱公園隔離會有個遊步道


呢度海岸既石頭都黑媽媽, 呢d就係櫻島大正爆發流出既熔岩



我冇行晒成條遊步道, 但行左頭100米已經見到好多好特別既熔岩

係遊步道行返轉頭後我就去旁邊既櫻島旅客中心參觀
係準備過馬路行入去既時候就見到有架東瀛遊既巴士係我面前停低


櫻島旅客中心
不過撞到香港團又唔係冇好事, 我跟住佢地入去睇關於櫻島歷史既影片, 除左有正體中文字幕外重有導遊講解


但睇完影片我就快佢地一步出去參觀其他地方
首先睇下櫻島既地圖同觀光地點


原來今年櫻島已經爆左69次, 頭9個月已經多過上年全年
出post前睇新聞又爆多一次


呢個係大正爆發流出既熔岩示意圖, 可以睇到大正爆發將櫻島同大隅半島連埋一齊

其實櫻島旅客中心重有好多關於火山既資訊, 不過都係唔貼晒全部, 等大家可以自己去睇下

睇完展覽就係旅客中心買埋一日乘車券
不過我買完之後先發現原來坐船來回都有優惠
所以大家一定要係鹿兒島就買呢張pass


買完pass就出去巴士站等車
巴士座位有限, 唔想企足1個鐘甚至上唔到車就要早d排隊


廢青既我甚至提早5分鐘就排, 順利頭位上車(但已經冇咩位淨)

第一個停站既地方係鳥島展望台, 巴士會停5分鐘
大家就可以係度落車睇下櫻島同埋幾次爆發後既生態變化



第二個停站係赤水展望廣場, 巴士會係度停8分鐘
呢度同鳥島/湯之坪展望台唔一樣, 呢度係望鹿兒島方向既風景
歌手長淵剛係04年曾經係櫻島赤水開左一場通宵演唱會, 呢度就係為左記念呢場演唱會而建成既


係赤水展望廣場重有一個由熔岩鑄成的吶喊肖像

剛才兩個展望台/廣場都係步行可以到達既, 如果大家唔想坐觀光巴士可以步行去參觀
不過今次呢個湯之平展望所就位於373米高, 所以一定要坐巴士
巴士會係度停15分鐘, 大家竟可以係度慢慢欣賞風景


湯之平係距離火山口最近既展望所, 如果天氣好係可以直接望到火山口


不過今日多雲所以成個火山口(包括北岳南岳)都係晒雲層入邊


至於展望所另一邊, 就可以居高臨下咁望晒整個錦江灣同鹿兒島市

湯之平停成15分鐘, 當然唔會得咁少野睇
係展望所有入邊有個小型既展覽, 講解櫻島火山歷史(其實同旅客中心既係一樣)
睇完展覽就返上車, 之後巴士就會返去櫻島港渡輪碼頭


巴士一到總站, 半車人都急急腳咁行入碼頭
就係為左趕呢班船


最終大家都成功上到呢班第十五櫻島丸

呢架船同去程既唔一樣, 冇左船頭既室外空間
取而代之就係已經一早被人坐晒既冷氣位


於是我就上一層去天台, 搵下有冇位可以睇風景


係船頭搵到個位可以企下睇風景


除左睇風景外重可以睇船長開船, 呢個船長重同d學生妹揮手

架Doctor West都幾忙下，由北陸殺到落四國九州都有佢份

係, 佢重要係行肥薩線去鹿兒島, 唔知係咪唔想俾肥薩橙鐵道過路費

但佢架443系會去肥薩橙鐵道

咁可能佢今次係check肥薩線

返到鹿兒島後就行去鹿兒島站, 途中會經過呢個公園


公園唔係好大但中間有條好正既滑梯
我係度玩左兩三次先走人


之後就繼續行, 由碼頭出發大約10分鐘就可以行到去到鹿兒島站
鹿兒島站係鹿兒島本線同日豐本線既交匯點, 係60年代所有列車都以呢度為終點站
不過70年代開始隨住鹿兒島市發展, 所有列車就改以西鹿兒島站(現時鹿兒島中央站)做總站


我去鹿兒島站就係要搭4點22分既特急霧島去宮崎

影完鹿兒島站站牌就係月台影下車


首先係EF81系電力車頭


當佢開走左後就有相反方向既特急霧島, 783系電車


最後就係我要坐既787系電車, 特急霧島

人吉我淨係站內行，睇埋小火車，行埋隔壁球磨川鐵路影下人地d火車.
係呀，坐新幹線真係無乜嘢睇，大部分都係隧道
櫻島船上面個烏冬都係唔錯，行完肚餓食乜都好食 ，可惜我果時落大雨，唔係影相一定好靚

坐左兩個鐘頭車就去到宮崎站
再提提大家, 787系電車指定席係有插頭可以叉電


特登係鹿兒島坐車去宮崎唔係為左行Daiso
只係去Daiso搵兩個lihkg group友食飯


會合左佢地就一齊行去橘通, 搵左呢間ここちや食飯

由group友發辦, 叫左兩個4000yen既宮崎特產set再加少量單點
個set有10樣野會慢慢逐樣上, 而且我覺得呢間鋪有d唔老實, 唔建議大家幫襯


我地等左10分鐘先有第一樣野, 豆腐同沙律


之後好快就有三點刺身, 幾新鮮不過鰹魚就唔係好啱我地口味


單點既馬肉刺身, 感覺好似食牛肉咁, 唔講係馬肉其實唔會知


like佢fb page送既火炙宮崎牛壽司


鐵板宮崎牛肉, 呢個雖然都好好味, 但唔及我係延岡食既咁正
最後我地食到8點半先食完, 重要佢呃左我地一個地雞冇上到話上左
不過我地趕時間就算數, 拿拿聲埋單走人

樓主真係好有精力，時間觀念一定好好.
比我咁玩法，一早散咗啦

食飽後, 懶過閪既我提議搭巴士返宮崎站
有bus pass既兩位group友當然冇問題


最後順利係9點前返到宮崎站, 我地就係搭9點06分呢班尾班車返鹿兒島啦
如果趕唔到呢班車我地就要係宮崎搵住宿架啦


尾班車只係一班普通列車, 幸好佢係由近郊型既817系電車擔任

係車上面訓下醒下, 呆下hea下, 兩個半鐘車程後終於返到鹿兒島中央站
一落車果下3條友好似飲醉未醒咁腳步浮浮


大家都係櫻島口出站, 我就好快返到酒店而兩位group友就行返去天文館通


我check in埋就返房, 呢間酒店d房係幾大幾新淨
但浴室就幾殘舊下, 可能翻新時冇將成個浴室換過所以咁
(日本酒店浴室好多時都係一體化既膠箱)
不過300蚊晚, 撞正日本三連休又係車站隔離算係咁
同埋呢間酒店係包地庫大浴場同埋宵夜烏冬, 只係我咁多日都冇用過

人吉我淨係站內行，睇埋小火車，行埋隔壁球磨川鐵路影下人地d火車.
係呀，坐新幹線真係無乜嘢睇，大部分都係隧道
櫻島船上面個烏冬都係唔錯，行完肚餓食乜都好食 ，可惜我果時落大雨，唔係影相一定好靚

我上次係人吉就去左青井阿蘇神社, 今次就去左鐵道館, 下一次就去食鰻魚飯

冇記錯你好似同我同期去, 其實我可能見過你

樓主真係好有精力，時間觀念一定好好.
比我咁玩法，一早散咗啦

其實我個行程好多時坐車都係訓
不過執行力要好高同時間要揸緊d係真既, 一走左班車就好大鑊, 要成個行程改

樓主真係好有精力，時間觀念一定好好.
比我咁玩法，一早散咗啦

其實我個行程好多時坐車都係訓
不過執行力要好高同時間要揸緊d係真既, 一走左班車就好大鑊, 要成個行程改

我嗰陣5月底去九州
宮崎嗰part我同你住同一間酒店
不過行程就唔同，
第一日因為我遲起身 所以直接去鵜戶，等車走嗰陣仲係返上山入口嗰間鋪到同老闆吹陣水，佢兩公婆仲請我飲日向夏茶，食日向夏，仲請神話故仔我聽同合照
好想去探返佢地
第二日就去咗動物園

咁你淨係去左鵜戶神宮?
點解回程/第二日唔去埋青島, 青島交通都方便, 可以半日內搞掂

有啊.第1日去咗打漏咗.

我嗰陣5月底去九州
宮崎嗰part我同你住同一間酒店
不過行程就唔同，
第一日因為我遲起身 所以直接去鵜戶，等車走嗰陣仲係返上山入口嗰間鋪到同老闆吹陣水，佢兩公婆仲請我飲日向夏茶，食日向夏，仲請神話故仔我聽同合照
好想去探返佢地
第二日就去咗動物園

咁你淨係去左鵜戶神宮?
點解回程/第二日唔去埋青島, 青島交通都方便, 可以半日內搞掂

有啊.第1日去咗打漏咗.

同埋我買咗完熟芒果食