我由細到大都每晚發好多夢
全部都係超現實又奇怪既夢
乜年代地方都有
古代，農村，七八十年代，太空，海，重有一啲呢個世界唔存在既地方
以前成日發清醒夢，不過而家太攰所以少左
清醒夢可以去跳樓跳海，殺人，又可以飛
曾經發夢去過好靚好靚既地方，又或者見到啲好鍾意既野，而我係會知道呢個只係夢，醒左就冇，個下會好sad
又試過喺夢入面參加左個會議
其他人同我講，佢地會定期發夢入黎呢個地方聚會，不過佢地未講我知下次用咩方法入去聚會，我就醒左
重有一樣好奇怪，
有時我訓上床冇幾耐，一合埋眼，
就會有夢，有畫面
但我係好肯定自己未訓著，
更加唔係夢中夢，
因為我係可以隨時起身
想知有冇其他人會咁？
不過我上網check過真係有呢樣野
我同巴打你一樣發夢都去過一啲唔存在係世界嘅地方
其實幾好,至少你發清醒夢嘅地點係好靚嘅地方
我發清醒夢嘅地點通常一係好正常
一係就天馬行空
一係就恐怖丶靈異丶災難電影咁
又試過喺夢入面參加左個會議呢個係咪真架??!
因為我都試過係夢中搵到有自我意識嘅"人"(細個個陣)
我都有同佢地抄低手機號碼 不過試過醒尼打下結果打唔通
正當我想問佢地做咩入我個夢入面,
佢反過尼問我:「你係道做緊咩?做咩係我個夢入面?」
之後個啲唔記得
不過我估係自我意識想人認同我創建左呢個角色出尼
令我有一段時間相信人係可是共享同一個夢...
至於你講一合眼就有畫面
我岩先訓左一陣都係約十幾分鐘就醒
見到自己拎住部遊戲手掣中間有畫面
好似係玩緊賽車GAME
不過夢中拿去眼鏡我手上咩都無
戴番眼鏡又見得返個手掣
不過如果發夢可以發尼啲零傷害性嘅都唔係唔可以接受
災難夢細個就多 大個好似冇乜
最多係跌落海/跌落樓
不過唔驚 因為知係發夢
我間中喺夢入面都會同人講自己發緊夢
但係啲人係冇反應架
個會議去左一次炸 十個人內
啲人個個講野都有文有路
重向我介紹佢地組織
前幾年我有個好朋友走左
然後我成日夢到佢 重可以同佢傾計同佢玩
去過佢住既空間 而且唔可以俾其他“人”知道我唔係屬於佢地世界
幾個月前又夢到佢 佢同我講佢要投胎
重俾左啲號碼同字我
我醒左即刻search但搵唔到啲乜
然後好快就忘記左個號碼/字
不過之後真係冇再夢到佢…
我啲fd都好羨慕我啲夢咁天馬行空
佢地啲夢都係好正常，例如食早餐，返學，返工
我就由細到大都係發好多好多怪夢
從來冇正常過
但其實太多夢 第二朝醒個下有時都幾攰
I'm sorry to hear that.你朋友應該係第二個世界會過得幸福
個號碼應該係未來發生特別事件嘅日期?
唔洗太強迫自己記得
因為通常清醒夢裡面啲野會慢慢記得番
講起組織,令我諗起以前發夢俾外星人灌輸一堆不知名語言
有個外星人識講廣東話
另一個就強制係我腦裡面不知名語言
之後我見到除左我之外
有其他唔同國藉同埋唔同時代嘅人係個草地道
佢要我將岩先識嘅字講俾佢地聽(應該話佢直接係我腦海中講,然後照住講俾佢地聽)
草地上啲人都望著我
我都唔知自己講咩
嘰嘰喳喳咁就講完醒埋
你會記得返咁好
我就唔得 而且最近好攰 都好難有清醒夢
我都試過發夢俾外星人捉左
前幾年有段時間放左學就日日訓晏教
然後就日日夢到俾外星人捉做實驗
幾個鐘後先醒返
搞到之後有一排唔敢訓晏教
日日?
我覺得佢地似係鍾意左你多啲喎
持續左起碼一個星期
以前聽電台又係講外星人捉人類做實驗
人類會以為係自己發夢
嚇到仆街
吓...你唔好嚇我
我真係當係夢就算架啦
反正好多時都係潛意識作怪
(你=Y)
