有冇ching識藏文？有啲文獻嘢想問

咁學術台都好多臥虎藏龍

古代嘅法官兼司法，立法，行政於一身，好似大理寺個 D 咁。個 D 官階應該好高。協爾幫係咪低級 D 嘅裁判官，睇個官階可能有 D 線索。

關於 昌本 khrims dpon，再有多一條線索。
《五體清文鑒》軍令一條，藏文係 dmag khrims。但佢有滿文嘅轉寫同發音。發音係 magchima。chi 係滿文嘅一個特殊字母，專用來拼寫漢語嘅聲母 吃（ ㄔ）。所以 khrims 發音同 昌 ，係同一聲母。

求link/圖：《五體清文鑒》軍令一條，藏文係 dmag khrims。但佢有滿文嘅轉寫同發音。發音係 magchima。

http://hkuri.cneas.tohoku.ac.jp/project1/imageviewer/detail?dicId=23&imageFileName=874
《五體清文鑒》軍令一條
sorry，應該係 magchim ，頭先打多咗個 a。

magchim *

孜本 rtsis dpon ，財務官 —— rtsis 計算

最後兩個搵唔到出處，安本（財務官），岱本（人事官）
發音相近嘅分别有 ang ki （數字）， sde（部門，類），唔知係咪。

罕見高質文留名

照樓主提供嘅資料睇，因為藏語發音演變，而導至譯文唔同嘅情况好少。暫時得 dbus（中央）一個字，係由 烏斯 變為 衛。
七本官名經過成千年，用字肯定有變化。就好似大理寺，變成我地 依家嘅律政司咁。
同樣瑪本（武官）應該相當於清朝嘅司馬，但司馬嘅藏文係 dmag blon，而唔用 瑪本 dmag dpon，呢個只係修辭上嘅差異。但 代本 dma‘ dpon 係四品官，統 500 人，肯定唔係 瑪本 個個級數，呢個係辭意嘅差别（弓箭長，團長）。
戚本 chibs dpon 同 達本 rta dpon，我就覺得差唔多，都係管 D 馬。chibs 係敬語，rta 就通俗好多。
昌本 khrims dpon 同 協爾幫 bsher dpang 可能有 D 唔同。昌本係主要官員，而協爾幫係正五品，好低級，可能只係裁判官。當時清朝控制西藏，協爾幫可能只係西藏用。昌本一直用到依家，意思都冇變，都係法官。

昌本依家都用？係咪西藏自治區嘅法官？

如果協爾幫唔係正式官職（可能係駐藏大臣為地方豪雄酋長加銜）就可能類似太平紳士？

查咗下，係五品官，員額兩位

昌本 khrims dpon 係依家嘅字典都係解 法官，就冇話邊度嘅法官。姐呢個詞嘅意思好穩定，咁耐都冇變。

其實《迪烏宗派源流》係有藏文版，大陸都出版過。依家咁估估下，都幾辛苦。如果搵到原來嘅藏文版，就可以還原晒所有嘅中譯名詞。

《迪烏宗派源流》=我搵到嗰本《德烏佛教史》？

係，唔同嘅譯名，應該係同一本書。
你所講講嘅 域本（地方官，但唔知係茹定係下面嘅地方），我係有 D 疑問。
域 - 應該係 dbus （中央）嘅意思，即係 衛。茹 - 應該係 ru （分部，翼）嘅意思。但 5 茹又有 衛茹，即係拉薩，所以茹唔一定係指周邊嘅地方，而係行政區嘅劃分。五茹姐好似一花四葉咁。地方官呢個 term 好似唔係咁貼切。同埋七本係主要官員，好似部長咁，應該唔會下放到下面嘅地方卦。

我都唔清楚域本點嚟當初我以為係茹下面嘅政區官嚟
另外吐蕃嘅本同論（政務九大臣）之間係咪從屬關係亦唔知

本 dpon —— 首領，主宰，官，官吏

Tibetan Terminology Project: Glossary of Standardised Terms
(adm) boss

Rangjung Yeshe
the chief; master; leader; chief, lord, master,

James Valby
best, chieftain, lord, chief, master, overseer of working men, foreman, leader, chief, lord, ruler

Ives Waldo
chief, lord, master

Indo-Tibetan Lexical Resource [ITLR] (Tibetan-Sanskrit-English)
a deity, object of reverence, man of rank, chief
----------------------------------------------------------------------------------------
論 blon —— 商議，大臣，文臣

Hopkins 2015
minister

Rangjung Yeshe
to give advice, to counsel

James Valby
advice, counsel

Ives Waldo
advice, counsel; give advice, counsel, minister
------------------------------------------------------------------
照字典講，本 dpon 似係執行，論 blon 似係顧問。一個做嘢，一個吹水，應該冇從屬關係，唔係仲得掂嘅？我估係國王考慮咗顧問講嘅嘢，然後下令官吏執行，亦都可以駁回顧問嘅建議。

《五體清文鑒》有 D 資料可以佐證。
司馬 dmag blon
鎮國將軍，奉國將軍，輔國將軍，奉恩將軍，全部藏文都係 XX - dmag dpon。、
司馬係唔會帶兵嘅，似國防部長個 D 文職

注意：dmag dpon 即係 瑪本。元朝時係主要官員七本之一，到咗清朝個時嘅用法，地位好似低咗少少，因為《五體清文鑒》入面 將軍 同 大將軍，都有其他嘅藏文名。

lm 學野

本 dpon —— 首領，主宰，官，官吏

論 blon —— 商議，大臣，文臣

照字典講，本 dpon 似係執行，論 blon 似係顧問。一個做嘢，一個吹水，應該冇從屬關係，唔係仲得掂嘅？我估係國王考慮咗顧問講嘅嘢，然後下令官吏執行，亦都可以駁回顧問嘅建議。

司馬 dmag blon
注意：dmag dpon 即係 瑪本。

咁有冇elon?
dmag blon, dmag dpon 同 musk elon 會唔會有關係?

淨係靠維基嘅資料，唔覺得元朝同清朝仲有瑪本（武官）
就算係吐蕃都只有伍如嘅阿頭係瑪本，其他就係如本，之後再查返藏軍同埋噶廈嘅條目都唔覺有瑪本，反而藏軍有如本（對應近現代軍事編制規模就係營長），元朝嘅宣政院官制我唔識，但可能可以由明朝治藏嘅官制追溯返

不過睇‘如’呢個條目，
域本(ཡུལ་དཔོན)係域岱嘅長官，而之後西藏嘅宗可能同域岱有某程度嘅連繫？
另外仲有比域本更傾向軍政嘅係東本（སྟོང་དཔོན，東岱長官），東岱可能類似秦代嘅郡（當時唔管縣只管鄉）或宋代嘅‘軍’（同州平級）？
另外‘岱’嘅詳細我就搵唔到鳥

《五體清文鑒》入面嘅藏文翻譯，都係漢地嘅官名（司馬，鎮國將軍，奉國將軍，輔國將軍，奉恩將軍），呢 D 係西藏冇，一 D 都唔出奇。姐好似 liberation army（解放軍），雖然係英文，但英美冇呢樣嘢。瑪本 dmag dpon 個 term，只係清朝翻譯個時借用一下，現實入面，未必仲有呢樣嘢。

我前面一直以為 域 嘅藏文係 dbus，但依家你搵到 域 原來個藏文係 ཡུལ yul。yul 係地方，區域，家鄉嘅意思。域本 yul dpon 字面意思係地方，區域官。照咁睇，又唔係好大嘅官。

東本 སྟོང་དཔོན stong dpon —— stong 係一千咁解。東本係千夫長或千戶長嘅意思。如果用軍官做行政長官，咁應該比較似宋朝嘅軍。中國依家都有一個叫做新疆生產建設兵團嘅行政單位。

可惜我搵唔到‘岱’個藏文
同埋東岱又稱‘桂’
可能巴打會研究到？