【科幻故 唔係科幻幻故/幻幻故】《今次一定救到你》(2)

『喂～』行到返嚟安哥仔身邊，俾罐可樂佢同時又坐喺佢身邊，『可樂吖～』

「唔該你吖真係！」安哥仔接過罐可樂，同時又望望我，「屌你咪又係飲可樂！」

『快快樂樂飲可樂吖嘛～』都好耐冇飲過可樂...

「你好唔快樂咩？」安哥仔飲啖可樂～半帶恥笑咁打量住我～

『都幾啦...』都...好耐冇快樂過...

「你呢兩日做乜鬼吖？」安哥仔皺住眉咁打量住我，「總係好似怪怪地咁嘅？」

『係咩？』我都飲啖可樂，『冇吖...冇咩怪吖...』

「仲話冇？」安哥仔仲係皺住眉咁打量住我，「好似變咗第二個人咁嘅？」

『係咩？冇吖...冇變咗第二個人吖...我咪又係我...』唔通我係由十年後返翻嚟又話你知咩...

「唔係喎...」就喺安哥仔仲未講晒成句嘢之前...

「咦喂？」有把女仔聲喺我哋身後傳嚟！

我同安哥仔回頭一望...

就望到威姐行到過嚟：「真係你哋吖？」

『喂…Hi...又會咁啱吖？』唔單止威姐...仲有魚魚...仲有家嘉...

佢哋三個都著晒運動裝束咁行過嚟。

仲要係背心短褲嗰隻...

家嘉忍住笑咁打量住我：「做咩吖你時世傑？嘿嘿...剪個咁嘅頭嘅？」

『吓？我個頭？有咩問題吖？』咪就係All Back囉...

家嘉仲係忍住忍住：「有咩問題？剪到咁鬼核突想點吖哈哈哈～」

吓？核突？

安哥仔都拍晒手～點晒頭：「嗱都話㗎啦！而家唔止我一個咁講吖～你個頭真係唔掂囉～」

吓？嗱即係咁！安哥仔話我個頭唔掂核突乜乜柒柒都算...

喂明明係家嘉話想我剪All Back㗎嘛！

好喇而家我剪咗喇，就話我剪得核突...咩意思呀？！

「哈哈哈你都話係呢？哈哈哈～威姐魚魚你哋覺得呢？」

「唔...都真係幾...哈哈哈～」

「你哋唔好咁笑佢啦...雖然係唔襯佢...」

「咁魚魚你覺唔覺得好笑先？」

「都覺嘅...哈哈哈...」

「你都覺得好笑呢哈哈哈哈～」

佢哋三個女仔之中...家嘉就笑得最大聲...最開心...

好吖好吖～笑吖笑吖～我就係想你笑得開心咋嘛～～～

「哈哈哈～笑死人～」家嘉笑到眼水都出埋，「喂係吖...咁你哋兩個嚟做咩吖？」

『嚟跑步囉...』嚟運動場唔係跑步唔通嚟游水吖？

「跑步？」家嘉帶住恥笑咁打量住我同安哥仔，「著成咁跑步？！哈哈哈哈～～～」

「我唔想㗎...」安哥仔指住我，「係佢行行吓街無啦啦話想跑咋...」

『著到咁跑又有咩問題呢？』我企起身，『都好輕便咋嘛～唔使好似你咁著到露晒肉先跑到嘅～』

「吓？！」家嘉雙手叉晒自己條小蠻腰咁講，「跑步就緊係要著得越輕便越好㗎啦！」

『淨係著內衣褲跑吖笨！』

「你淨係著底褲跑都跑唔贏我囉奀挑鬼命平時都唔做開運動咁！」

『我呢啲叫Fit呀！而家咁嘅裝束都跑贏你幾個圈啦！』

「好吖好吖！嚟吖嚟吖！睇吓點！」

『好吖好吖！怕你呀？！』

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

我同家嘉就走過去跑道！

「喂喂！等埋等埋！」

我哋四個就一齊跑！

追過唔少阿嬸阿婆...追過唔少大叔阿伯...

我依家去跑步都比好多學生哥過左我
可能爭幾年就係爭幾年
依家係慢慢跑就算

『唉難明嘅嘢就唔好明喇～明就明～唔明就黎明啦～』我起身拍拍雙手，『等我買啲嘢飲俾你喇～』

勁啦食埋上一個故名添

用意志同勵力
超西都係咁咋嘛

係上一個故咩

毅呀嘛
上上個故

晚

毅進男不潮
啱喇

揸𨋢晚

南京大菩薩

天大嘅陰謀

睇嚟就係咁樣fd咗

嘩你真係唔驚㗎喎

唔通又關國安事

有冇咁簡單吖

全部野都係腦中盤算緊

就係咁簡單

時世會唔會入晒局 中晒伏

簡單嘅背後都係好複雜

複雜嘅嘢其實又好簡單

冇錯喇 呢個就係世界嘅真諦

就好似飛揚鐘意細路女咁，成件事好簡單

早