【科幻故唔係科幻幻故/幻幻故】《今次一定救到你》(2)

飛揚

1001 回覆

6 Like 0 Dislike

駐連燈首席美軍 2025-06-13 12:47:37

係強奸未遂被人拉去差館

飛揚 2025-06-13 14:27:13

飛揚 2025-06-13 14:28:32

不配合性交導致他人重要部位受嚴重傷害

揸𨋢人2.0 2025-06-13 18:56:42

晚

揸𨋢人2.0 2025-06-13 18:57:22

飛揚 2025-06-13 19:00:26

上回講到時世同安哥仔就去買嘢食～
幫安哥仔買埋都得啦～
都係幫安哥仔咋～佢咁毒，同咁多女仔一齊實尷死～
又話安哥仔毒！
唔毒囉～當幫時世手得未？
買晒嘢返去，家嘉又要話時世慢～
佢哋就算係開餐都要互相傷害～
柔柔就覺得佢哋感情好好喇～
原來大家都係咁覺得囉～吵吵鬧鬧咁感情勁好～
「哈哈～」柔柔又忍唔住笑，「你哋真係感情好好呢～」
時世同家嘉立即指住對方！異口同聲一齊講：『鬼同佢好感情呀！」
係咯...點解呢？點解佢哋成日都會吵吵鬧鬧㗎呢？
又係幾時會有所改變呢？
總係唔記得...醒唔起...
就算話吵吵鬧鬧都係感情好嘅一種...之但係...喺家嘉約時世單獨出街嘅時候...係多咗啲嘢...
喺佢哋兩個之前嘅感覺上...感情上...
多咗一點點...好感？
或者就係呢一點點好感...而家喺家嘉身上好似缺少咗咁...
究竟點先可以搵得返呢？又會唔會錯過呢？
時世唔想錯過...難得可以返翻嚟...
拯救家嘉當然係首要！但同時...時世都好想知道...當時家嘉係想同時世講啲乜...
跟住既劇情發展又會係點呢？

準備出文

飛揚 2025-06-13 19:01:19

[Day 03－校園生活] PART 03

我哋幾個又嘻嘻哈哈...

「哈哈哈～時世傑食到成個嘴都係～成個麥當勞叔叔咁～」

有傾有講...

『而家仲邊有麥當勞叔叔㗎？』

有講有笑...

「冇咩？好似仲有一間有㗎嘛？」

食完個Lunch...

都差唔多，要行返學校。

飛揚 2025-06-13 19:02:35

威姐同魚魚就行最前～家嘉又同柔柔一齊行～我就同安哥仔跟住喺佢哋後面～

望住家嘉同柔柔嘅背影...一路行...一路行...

呢個距離好似好近...又好似好遠...

近在咫尺...遠在天邊...點解會有呢種距離感㗎呢？

係十年嘅距離感...點解返咗嚟都拉唔近㗎呢？

「喂...」身邊嘅安哥仔叫一叫我，「做乜咁靜咁吖？」

『吓？冇...可能食得太飽啦...』人一諗嘢就會靜㗎啦...

「係吖係吖～」安哥仔摸摸自己個肚腩，「真係食得好飽吖～啲女仔都食唔到咁多薯條嘅～要我幫佢哋食埋～」

『唔怪得你會變肥毒啦...』食到咁飽又唔做返啲運動...

飛揚 2025-06-13 19:03:33

「喂好喇喎！」安哥仔又嬲嬲豬！「又話我肥毒！我邊度肥吖而家？」

『而家冇...將來必定有...』只要你唔作出巨大改變...

「將來都必定冇！」安哥仔收晒肚咁挺直個人！「仲有吖！我一啲都唔毒㗎！」

『你毒到發臭喇好唔好...』

「你就臭吖！尤其係把口！頭先家嘉都咁話你㗎啦！」

『佢個鼻壞咗吖...你又係唔係同佢一樣吖？』

「你睇你把口...」

講吓講吓...行吓行吓...不知不覺就返咗嚟學校，行入校門口。

飛揚 2025-06-13 19:05:33

就喺我哋路經有蓋操場，向住樓梯方向行之時...行喺我哋前面嘅家嘉同柔柔突然停低！

我同安哥仔都望一望前...就見到再前啲嘅威姐同魚魚都停低咗！

而喺威姐同魚魚前面...仲有班人...有班男仔！

呢班男仔有幾個神高神大咁...其中一個就明顯比較矮嘅...但就大大隻隻咁嘅...

呢個大隻矮仔係...

威姐同魚魚想繞過佢哋...但個大隻矮仔又擋住喺前面！

左右左右咁行咗兩步...大隻矮仔就色迷迷咁望住魚魚！

魚魚驚驚地咁縮後...威姐立即擋喺魚魚前面：「想點吖？」

「冇～～～」大隻矮仔又笑淫淫咁，走去打量住柔柔，「乜原來我哋學校有啲咁正嘅師妹㗎？」

只見柔柔都好驚咁...唔敢正視大隻矮仔...任由大隻矮仔視姦...

飛揚 2025-06-13 19:07:14

我就行上前...擋喺柔柔前面：「借歪啦你...」

大隻矮仔怒睥住我：「你邊瓣㗎？知唔知你同緊邊個講嘢呀？」

『我識你米奇...』我冷眼望住大隻矮仔，『咪阻住晒啦...』

「咁撚串...」大隻矮仔行近兩步，貼埋嚟，「我鐘國強你都唔撚識...喺度鳩鳩屎屎...」

『我話知你鐘國強定早國強吖...』我冷眼望實鐘國強，『咪撚阻鳩住晒...』

「𡃁仔玩嘢吖嘛？！」正當鐘國強想郁手之際！佢望一望我身後...

鐘國強望咗一眼...然後就拍拍我胸口：「我認得你！」

講完之後，鐘國強就撞一撞我膊頭！帶住班𡃁行咗去！

飛揚 2025-06-13 19:08:10

我回頭望住佢哋嘅背影越行越遠...原來曾Sir企咗喺遠處望緊過嚟...

原來係怕咗訓導主任...

『行喇...』我都繼續行上樓梯。

帶住佢哋幾個一直上到班房...

「咁我...」柔柔指指前面，「返過去先喇...」

「嗯嗯～小心喇～」我哋幾個都同柔柔揮揮手～

「嗯～」柔柔帶住微笑點點頭，揮揮手，然後就行返去自己班房。

我哋幾個都入返自己班房，坐返埋自己位。

飛揚 2025-06-13 19:09:18

我一坐低，安哥仔就拍拍我：「喂你都幾勇㗎喎！黑社會都夠膽得罪！」

『黑社會咁又點吖？』冇錯！其實我係知嗰個叫鐘國強...人稱小強係黑社會嚟嘅...

「黑社會喎！黑社會喎！」安哥仔驚驚青青！「佢哋好惡㗎！又打人又等人放學咁！」

的確...以前就已經成日喺學校蝦蝦霸霸㗎喇...

『咁又有乜咁可怕？』俾成班白衫追打都未驚過啦！

「日日搵你尋仇都唔驚吖？！」安哥仔皺晒眉！

『黑社會唔係最可怕囉～有比黑社會更可怕嘅嘢...仲要攞正牌...』我冷眼打量住安哥仔，『知唔知咩叫和尚擔遮吖？』

「無法無天吖嘛...」安哥仔點點頭...

飛揚 2025-06-13 19:10:18

『咪係囉...』我無奈咁點點頭，『無法無天吖...』

「而家佢哋咪無法無天囉！」安哥仔點晒頭！

『咁係因為你悲觀～唉～』我都係帶住無奈嘅微笑擰擰頭，『到你習慣咗就唔覺得有咩咁可怕㗎喇～』

「點可能習慣到吖？」安哥仔仲係難以置信...

『習習吓就慣㗎啦～』唔係平～

「你真係...」安哥仔冷眼打量住我，「變咗好多...」

『有咩變姐...』

「變到好似另一個人咁...」

『邊有姐...我咪又係我...你就真係冇變喇...都係肥毒...』

「我都話我唔係肥毒咯！」

『係係係～準備上堂喇仲講～』

飛揚 2025-06-13 19:11:58

都係好唔專心咁上堂...

十年可以有幾大改變？

唔單止一個人...成個社會...甚至世界都改變晒...

而我哋又可以做啲乜？或者就只有習慣囉...

習慣不公不義...習慣扭曲嘅世界...為咗嘅就係苟且偷生...

所以話...習慣比起任何嘢都可怕...

“叮叮叮噹叮叮叮噹”話咁快就上晒今日嘅堂～又到咗放學時間～

就喺我同安哥仔都執緊嘢之時...我感覺到有人行近我個位...

當個身影行到去我身邊之時，我抬頭一望：『柔柔？』

飛揚 2025-06-13 19:12:53

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～