【科幻故唔係科幻幻故/幻幻故】《今次一定救到你》(2)

飛揚

978 回覆

6 Like 0 Dislike

飛揚 2025-06-19 18:02:12

邊個係沉船仔

飛揚 2025-06-19 18:03:11

揸𨋢人2.0 2025-06-19 18:05:07

揸𨋢人2.0 2025-06-19 18:05:45

唔知呢唔知呢

飛揚 2025-06-19 18:43:24

飛揚 2025-06-19 18:43:46

我都唔知呢唔知呢

飛揚 2025-06-19 19:00:22

上回講到時世𥄫班女仔嘅三點式泳衣～
唔係𥄫～係欣賞佢哋嘅青春～
不過就俾家嘉誤會喇～
搞到成班女仔都當正時世係變態～
除咗柔柔～
柔柔體會到時世係好人～唔會做啲變態嘢～
係柔柔太易信人！家嘉要好好保護佢！
時世返學嘅時候，咁啱又遇到柔柔喎～
同柔柔邊傾邊行返學～
冇錯～佢哋日日都一齊返學～
不過呢...佢哋係冇約定㗎喎...
只係每朝當時世行到去柔柔屋企樓下，佢都總會啱啱行出大閘門～
又會咁啱嘅？
係囉～就係咁啱囉～
同柔柔一齊行返學都唔錯㗎～有人陪吖嘛～
都好耐都冇試過有人陪住...
應該話一直都冇...
以前返學，總係時世自己一個行...
最Friend嘅安哥仔唔係住呢頭吖嘛～又唔會約埋一齊食早餐先返學...
到出到嚟做嘢就更加唔使講啦～
一個人原來係唔可以盡興...
有得揀都想多了人可以更加高興...
所以...而家同柔柔一齊行返學...都幾開心嘅～冇咁毒吖嘛～
跟住既劇情發展又會係點呢？

準備出文

飛揚 2025-06-19 19:01:14

[Day 04－一人之力] PART 02

同柔柔一齊行到返嚟學校，佢放低個背囊喺班房之後，都會走過嚟搵我哋傾計。

「柔柔早吖～」家嘉、威姐同魚魚都同柔柔揮揮手～

「早吖大家～」

四個女仔圍埋一齊～

「我上網睇到話呢隻護膚品幾好用㗎～」

講吓女仔嘢～

『咁我哋放咗學一齊去買啦～』

我同安哥仔都會搭吓訕～

飛揚 2025-06-19 19:02:15

「好吖～」柔柔點點頭，「今日放學我都得閒吖～」

「我都得吖～」安哥仔又點晒頭，「我都得閒吖～」

威姐搭住魚魚：「咁就放學一齊去～」

決定好今日放學一齊行街街～

然後...又差唔多上堂...

「我返過去先喇～」柔柔同我哋揮揮手，「小息再傾啦～」

「嗯～小息見～」

大家都同柔柔揮揮手，目送住佢離開我哋班房...

飛揚 2025-06-19 19:03:22

“叮叮叮噹叮叮叮噹”上堂嘅鐘聲都響起...

又要上堂～

講到上堂，都仲係唔多習慣...

呢樣都算係我返咗嚟咁耐，一直都習慣唔到嘅嘢...

總係好似...唔多聽得入耳...

即係好似話我咁大個人...對中學嘅知識同授課模式有啲抗拒咁囉...

話晒我嘅靈魂都係廿五歲㗎喇嘛...唔怪得我㗎喎...

我就只好勉強咁坐定定...望吓家嘉...又望吓本書...扮有聽書咁捱到去小息...

飛揚 2025-06-19 19:04:30

“叮叮叮噹叮叮叮噹”幾經辛苦...終於俾我捱到小息...

真係攞命...呢幾堂好似入咗精神時光屋咁...難捱到...

不過總算叫做平平穩穩咁...係唔知幾時會有突如其來嘅衝擊姐...

柔柔已經過咗嚟～企喺我哋班房門口～同我哋揮揮手～

我哋一行到柔柔面前，家嘉就翹住柔柔隻手臂，再指指我：「仲唔快啲落去買嘢食？」

『去喇去喇～而家去喇～』我同安哥仔都好識做嘅～

「知要買咩喇嘛？」

『魚蛋～燒賣～牛丸～大大包薯片～人頭可樂可樂～』

「仲有呢？」

『咖哩角吖嘛～』

飛揚 2025-06-19 19:05:42

當我同安哥仔行到落地下，正想行去排隊買嘢食之時...有幾個身影就企定定咁望實我哋...

幾個神高神大...其中一個特別矮...

係小強...

我同安哥仔本來就冇打算理佢哋咁多...由得佢哋睥住我哋咁直行直過...

之但係...小強望住我...行到嚟我面前擋住我：「過去嗰邊傾兩句...」

『過去嗰邊？』我冷眼望住小強指住嘅轉角，『第一日出嚟行吖？』

「係咪咁撚串呀？！喺度我就唔夠膽郁...」正當小強想起手打我之時...

『收皮啦！』我一個左直拳！直轟落小強塊面！

「嗚呀！」小強俾我一拳打到退後咗幾步！

飛揚 2025-06-19 19:06:47

我立即衝上前追擊！右勾拳！

「嗚！」小強俾我打到失晒重心！

再駁左直拳！

「呀！」小強直頭俾我打到跌咗喺地上！

『傾？傾呀喇？』我左踢一腳！右踩一腳！『傾乜柒呀吓？同你有乜咁撚好傾呀？！』

大大力又大大力！起勢咁又踢又踩！

「呀！嗚！嗚呀！」小強就俾我踢踩到雙手撳住個頭！瞓喺地上！

圍喺身邊嘅小強啲𡃁又唔敢郁...只係乖乖咁企定定咁睇住佢哋大佬俾我郁！

飛揚 2025-06-19 19:08:00

『屌你老母！好撚威呀？！』我充滿住怒火！腳腳都大大力！出盡全力！『咁多人圍鳩我呀？！』

好撚嬲呀我！睇到呢啲咁嘅濕鳩！

人多大撚晒呀？好鳩巴閪閉呀？

隻揪呀撚樣！同我隻揪，我撳柒住你嚟砌啦！

就喺我怒火中燒！撳都撳唔住自己之時...

「喂你哋做咩呀？！」我聽到...曾Sir把聲...

我停咗腳...望到曾Sir喺遠處指住我...

我就行後兩步...曾Sir都行到過嚟...望望小強嘅情況...

飛揚 2025-06-19 19:08:56

幾個𡃁仔就立即扶起小強！

「冇嘢！」小強擰擰頭，「我仆親姐！我哋走！」

幾個𡃁仔就扶住小強行咗去...

「時世傑...」曾Sir就望住我，「跟我嚟...」

我就同安哥仔講聲：『你去買嘢先...』

一時之間，安哥仔好似驚魂未定：「哦哦...」

跟住曾Sir行到入訓導室...

「時世傑...」曾Sir一坐低，就單刀直入，「你幾時變到咁壞㗎？」

『吓？我有幾壞吖？係佢哋搞我先㗎喎...』佢哋唔喺現場出現咪冇事囉...

飛揚 2025-06-19 19:09:54

「佢哋點會無啦啦搞你吖？」曾Sir皺晒眉...

『我點知吖？睇我唔順眼掛...佢哋啲人係咁㗎啦...』睇人唔順就要郁人...

「咁你都知佢哋係咩人啦...」曾Sir擰擰頭，「你係一個好學生...唔好同啲黑社會有咁多關係...」

我就真係唔多想講嘢...

「如果唔係會沒完沒了...」

企定定咁由得曾Sir佢自己講...

「佢哋搵你麻煩...就同我講...」

其實我就真係唔多聽得入耳...

「再唔係搵其他老師都得㗎...」

都係嗰啲廢話...

飛揚 2025-06-19 19:11:19

「總之就唔好自己私自解決...」

呢啲廢話同中學生講就得...

「學校有學校嘅校規...出到嚟社會都有法律㗎嘛...」

中學生聽到都覺得戇鳩啦...

「記得喇...唔好再生事喇...知道嘛？」

『知道...』

「咁出返去啦...」

聽完一大輪廢話，終於可以出返去...

講真嗰句...曾Sir係好老師...好為學生著想...做訓導嚟講又好講道理...唔係只會治亂世用重典嗰啲...

不過可惜吖...唔知因咩事俾人斬開幾碌...連碌J都搵唔返...

講返轉頭...人哋唔搞我...我咪唔搞人囉...

飛揚 2025-06-19 19:11:52

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～