【科幻故 唔係科幻幻故/幻幻故】《今次一定救到你》(2)

「Hi...」柔柔都怕怕羞羞咁點點頭，「郭芷柔...叫我柔柔得㗎喇...」

柔柔就唔同呢～女仔怕羞就好正常㗎嘛～

就喺呢個時候，家嘉帶住威姐同魚魚八八卦卦咁行過嚟...

家嘉好好奇咁行到去柔柔身邊：「咦咦？隔籬班嘅？」

「係吖係吖...」柔柔嚇咗嚇咁鞠個躬，「我係郭芷柔...叫我柔柔得㗎喇...」

「你好吖～」家嘉一面親切，「蔡家嘉～叫我家嘉得㗎喇～呢個係馮芷慧～孔佩瑜～」

「Hi～叫我威姐得㗎喇～」

「大家都叫我魚魚㗎...」

有幾多個女仔好似家嘉咁熱情到唔知羞咁先得㗎～

不過呢樣都係佢嘅優點嚟嘅～

「係呢係呢～」家嘉八八卦卦咁，「你同時世傑好熟㗎？之前都唔見你哋有來往咁嘅？」

睇嚟唔係熱情...係八卦先真...

「呃...呃...」柔柔唔知點答好...一面老尷咁望住我...

『我哋都係啱啱識咋嘛～』都係唔好要柔柔難堪～

就喺呢個時候...柔柔好似感覺到有殺氣！就回頭望出門口！

就見到有三四個女仔望咗入嚟！而且眼神極唔友善！

呢三四個女仔...

柔柔有啲驚...唔敢正視佢哋...

就喺呢個時候，威姐攬住柔柔：「而家有我哋做Friend～多啲過嚟一齊都唔怕～」

柔柔怕怕羞羞咁點點頭：「嗯嗯...」

嗰三四個女仔就好唔順氣咁藐嘴藐舌行咗去！

或者...呢方面威姐係比較敏感...

好容易就察覺到柔柔喺自己班俾人欺凌...

「嗯嗯～」家嘉都捉住柔柔對手，「多啲一齊玩～」

而家咁樣就最好...

「嗯嗯...」魚魚都帶住微笑點點頭，「多啲人玩開心啲～」

唔單止對柔柔...

對我嚟講都係好事...

只要柔柔同家嘉佢哋熟，然後我又可以借住柔柔同佢哋一齊玩...跟住自然就會熟...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

“叮叮叮噹 叮叮叮噹”上堂嘅鐘聲響起...

「咁我...」柔柔依依不捨咁，「返過去先喇...」

「嗯嗯～」家嘉好熱情咁向柔柔揮揮手，「小息過嚟搵我哋喎～」

晚

揸𨋢晚

晚

柔柔慘成時仔食女嘅condam

走冰晚

未係各取所需姐