【科幻故 唔係科幻幻故/幻幻故】《今次一定救到你》(2)

上回講到差唔多上堂嚟～柔柔依依不捨咁返去自己班房～
睇嚟仲係好冇安全感～不過唔怕啦～而家有咗小息一齊玩嘅目標～就有生存嘅動力～
時世上堂就唔專心㗎喇～中學學啲嘢都冇撚用嘅～
諗吓家嘉好過啦～
諗諗吓就小息～柔柔第一時間就過到嚟～
時世同安哥仔就落去搵位買嘢食先啦～
安哥仔去搵位～時世就排隊買嘢食～
家嘉落到嚟吩咐時世要買啲乜～
冇問題啦～
買齊晒就行返去一齊開餐～
大家都有講有笑～時世同家嘉又鬥晒嘴咁～
「哈哈～」柔柔笑得好開心，「你哋真係好搞笑～」
「佢搞笑啲囉～」家嘉指住時世個頭，「你睇佢個頭～你睇佢個頭～」
「嗯嗯～」柔柔帶住燦爛嘅笑容望住時世，點點頭，「幾好睇吖～」
『嗱聽唔聽到吖？』
「吓？！」家嘉、安哥仔、威姐仲有魚魚勁大反應！「認真咩？！」
「嗯嗯～」柔柔仲係笑得勁燦爛咁點點頭，望實時世，「我覺得幾好吖～」
家嘉擰晒頭：「你唔使因為怕佢唔開心而講大話㗎喎...」
「係咯係咯～」威姐點點頭，「真心嗰句得㗎喇～」
「嗯嗯～」魚魚都點點頭，「真話唔怕講㗎～」
「啱吖～」安哥仔都點晒頭，「對住佢唔使講大話㗎～」
認真...柔柔係真心話又好...唔好意思所以講大話都好...都唔重要～
最重要嘅都係...而家柔柔同佢哋一齊有講有笑，係開心就得喇～
跟住既劇情發展又會係點呢？



準備出文

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～