【科幻故 唔係科幻幻故/幻幻故】《今次一定救到你》(2)

上回講到時世同安哥仔食飽就行陣街先～
冇嘢做吖嘛～啱啱先開學咋嘛～
度度都好多人～好熱鬧～大家都帶住笑面～
搞到一面哀愁嘅時世格格不入～好似第二個時空嚟咁～
睇吓模型～時世都係唔想買～
或者心態唔同咗啦～始終都係廿五歲嘅心境～
DIY睇唔買～然後行出商場～
時世見到撞死家嘉嗰架Uber！
時世想追上去叫個司機當日唔好揸過去！
架白色Teslun就嚟到燈位！
機會...係機會！呢次把握唔到...就追唔上...
好唔好彩之下...呢個並唔係機會...
交通燈由紅燈...轉眼變成綠燈...
架白色Teslun連收慢都唔使！直接衝過燈位！轉個彎就消失得無影無蹤！
『嗄...嗄...』時世都無辦法...只好停落嚟...
可惡！明明就喺眼前！但就係追唔上！
「嗄嗄...」安哥仔都跑到嚟時世身邊，抖晒大氣咁，「你做乜鳩吖嗄嗄...無啦啦跑咗去嗄！嗄！！！」
『冇...嗄...』時世抹抹額頭嘅汗，『想做吓運動姐...一唔一齊？』
「吓？」安哥仔一面驚訝！「嗄...嗄仲跑唔夠呀？！」
『啱啱跑咗一百米都唔夠啦...』時世回頭望一望，『咁就夠㗎喇？』
「痴撚線嗄嗄！無啦啦跑成百米都唔夠呀嗄嗄？！」安哥仔仲係上氣唔接下氣咁！
『做多啲運動啦～唔係真係好快變肥毒㗎咋...』
「我咁Fit嗄嗄...唔做都唔會變肥毒啦嗄嗄！」
『你咁都叫Fit？跑幾步就死就死咁...好快就變Fat添喇...』
跟住既劇情發展又會係點呢？



準備出文