【科幻故 唔係科幻幻故/幻幻故】《今次一定救到你》(2)

飛揚

144 回覆
3 Like 0 Dislike
飛揚 2025-06-03 13:25:30
縱使俾你改變到過去，又可以拯救到未來嘛？

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/181998/今次一定救到你

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我光合作用嘅陽光～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream


第一個Post 第3, 5, 7, 9, 14, 19, 21, 24, 26, 28, 34, 36, 39頁有文
https://lih.kg/3930758
飛揚 2025-06-03 13:33:27
Sorry上面貼錯咗 呢個先啱第一個Post 第1, 5, 7, 11, 13, 24, 26, 29, 31, 33, 38頁有文
https://lih.kg/3930758
小新之助 2025-06-03 13:35:30
LM
早
寶馬弟兄 2025-06-03 13:50:43
熱檸茶走冰 2025-06-03 13:53:14
Lm
揸𨋢人2.0 2025-06-03 14:03:09
Lm
飛揚 2025-06-03 14:21:26
小新
早吖
飛揚 2025-06-03 14:21:44
飛揚 2025-06-03 14:21:56
走冰
飛揚 2025-06-03 14:22:08
揸𨋢
41樓大王 2025-06-03 14:23:53
寶馬弟兄 2025-06-03 14:25:37
飛揚 2025-06-03 14:42:54
大王
飛揚 2025-06-03 14:43:58
寶馬弟兄 2025-06-03 14:52:42
飛揚 2025-06-03 15:02:32
飛揚 2025-06-03 19:00:48

上回講到安哥仔打嚟搵時世出嚟食嘢～
得吖～啱啱剪完頭髮仲喺街～
咁就市中心等啦～
安哥仔都冇咁快到～時世就行陣先～
點知俾時世撞到IT哥哥～
IT哥哥好似搵獵物咁喎～
原來係偷拍女仔～
時世就離遠跟住IT哥哥～睇佢偷拍咩類型女仔～
都係啲初中啦～
唔通係幻幻控？
不過就咁睇...IT哥哥都偷拍唔到啲乜㗎啦～雖然都係著短裙...但都唔會咁夠膽伸部電話落去裙底影掛～
然後IT哥哥又好似發現新獵物！一個轉身就上咗扶手電梯！
時世就慢慢咁跟過去...就發現IT哥哥已經企到去個小妹妹後一級！
今次呢個小妹妹睇起上嚟仲要細個啲！話唔定最多都係小六...
只見IT哥哥趁住個小妹妹唔為意...伸部電話落去佢短裙底！
影咗一陣...就縮返開！
等到上到去上一層，IT哥哥就同個小妹妹各散東西。
原來IT哥哥係對啲小妹妹有性趣？
唔出奇吖～肥毒嘅性癖都係變態啲㗎喇～
不過講真偷拍又冇乜嘢嘅～起碼又冇話對個女仔做成巨大傷害...應該係掛...希望係啦...
跟住既劇情發展又會係點呢？



準備出文

飛揚 2025-06-03 19:01:40
[Day 02－適應過去] PART 02

知道IT哥哥嘅性癖之後，我都冇必要再跟落去...

同時我諗...安哥仔都差唔多啦～

話口未完...

“我快樂有時 我叫悶有時 也算上天的恩賜”

電話響～

“回頭是憤慨 看不到未來 於年月裡比賽”

我拎部電話出嚟一睇，果然係安哥仔～

“時光機永未及發明 哪裡覓證明”

我就滑動解鎖：『喂？到喇？』

「到撚咗啦！」安哥仔扮晒叻叻豬，「唔見你嘅？」

『落緊嘅啦...』叻唔切...

「都話咗我好快㗎啦！快啲啦！」

『得喇得喇！等等好快到！』
飛揚 2025-06-03 19:03:19
收咗線之後，我都係不慌不忙咁慢慢行落去。

行去平時約開嘅七仔門口，離遠就已經見到安哥仔翹埋對手喺度等緊。

我就行到埋安哥仔面前：『喂～』

「嘩！」安哥仔嚇咗一嚇！「搞乜鳩吖？剪到個頭咁嘅？」

『吓？有咩問題吖？』我照照玻璃鏡，『幾型吖～』

「你係唔係型同柒調轉咗呢？」安哥仔皺晒眉。

『你就柒～』我指住安哥仔，『俾你呢啲毒撚話柒，真係人生最大侮辱！』

「我毒？我邊忽毒吖？」

『你由外到內，再由內去返外，上上下下左左右右前前後後都散發住毒嘅氣息囉好唔好？』

「唉唔講呢啲...」安哥仔冇我咁好聲，「好肚餓諗咗食咩先～」

『好～』食乜好？
飛揚 2025-06-03 19:04:37
「食元氣囉～」安哥仔隨口就噏咗出嚟。

『好耐冇食唔想食。』都唔記得有幾耐冇食過...

「吓？有幾耐吖？」安哥仔一頭問號咁，「明明上個禮拜先食完，好耐咩？」

唉屌...唔覺意表露咗未來啲嘢添...

『上個禮拜都耐啦...總之唔想食就唔想食啦...』都係唔好講咁多...

「但係我想食壽司喎...」安哥仔摸住個肚...

『食埋啲生勾勾...戇鳩鳩嘅嘢...你女嚟㗎？』

「唔係女都可以戇鳩鳩㗎姐～」

『唉咁食明將啦屌...』
飛揚 2025-06-03 19:05:17
「吓你好窮咩？月頭咋喎...明將咁難食...」

『咪同元氣差唔多...』

「Cheap好多...」

『你估貴就好嘅？咪一樣咁垃圾...』

「點同吖...」

『有得食好食喇...好快連想食都冇得食...』

「正常吖...咁垃圾應該一早就執啦...」

『咁食唔食吖？』

「食囉食囉...」
飛揚 2025-06-03 19:06:48
同安哥仔行去明將，果然飛都唔使攞就可以直入去坐。

人唔多～嘢食就好多～想食嘅款都有～其實係唔錯～

明將...都有唔少回憶...

月中月尾冇乜零用錢伙食費食唔起元氣，但又想食壽司...就會走嚟食明將...

細個真係覺得Cheap嘢就真係Cheap嘢～係難食啲～

大個先發現原來貴嘢只係個價錢貴咗...其實都係嗰啲Cheap嘢嚟...

最慘嘅係好多嘢都返唔到轉頭...明將要執笠...你再想去挑戰都冇機會...

明將～我帶個friend去明將～

明將～佢上網兼四圍唱～

明將～據說已經影埋相～
飛揚 2025-06-03 19:08:02
「喂屌你點解可以食到咁感性嘅樣㗎？」安哥仔一面疑惑咁打量住我...

『我份人係咁感性㗎啦～』食件蟹子軍艦先～

「你收皮啦...」安哥仔夾件蟹子軍艦皺皺眉...

『唉你話俾自己聽“我食緊壽司郎！我食緊壽司郎！”咁就變壽司郎嘅蟹子軍艦㗎喇～』其實真係差唔多～壽司郎仲要細件啲...

「咩壽司郎吖？」安哥仔食件蟹子軍艦...

『哦～日本嘅迴轉壽司咋嘛～之前上網睇到嘅～』又唔覺意爆咗啲未來嘢出嚟添...

「哦～～～」安哥仔又好似OK咁點點頭喎～

『係呢～其實呢...你覺得我哋班嘅關係會點呢？』都係搵啲而家嘅嘢講吓...
飛揚 2025-06-03 19:09:57
「吓？」安哥仔一頭問號咁，「咩關係咩會點吖？啱啱先開學...」

『係咯！就係啱啱先開學所以先想問咋嘛！』我繼續邊食邊講！

「唔...我哋呢一科......」安哥仔都邊食邊諗諗，「淨係得馮芷慧...郭芷柔同蔡家嘉之前同班咋嘛...」

『係咯係咯！』啱喇啱喇！『你覺得我哋幾個嚟緊嘅關係會點吖喇？』

「吓？問啲咁假設性嘅問題嘅？」安哥仔繼續邊食邊講，「點知姐都未發生...不過你同蔡家嘉之前都貼錯門神咁㗎啦...」

『有冇咁誇張吖？』有咁嚴重咩？

「咩冇咁誇吖？你哋兩個世仇咁㗎啦...喂你唔係唔記得吖化？失憶吖？過咗一個暑假咋喎...」安哥仔冷眼打量住我...

『唔係...又冇話去到失憶咁嚴重嘅...』我都記得中三嗰年係同家嘉有唔少磨擦...

不過講到世仇喎...有咁嚴重咩？

睇嚟又係時間將事實調整咗...
飛揚 2025-06-03 19:12:11
『咁究竟點先可以熟返呢...』由世仇...轉變到單獨約出嚟...中間缺少咗啲乜呢？

「世仇喎...」安哥仔冷眼打量住我，「仲唔熟吖？」

『唔係吖！即係...即係你都講啦～我哋同過班嘅，就只係得佢哋三個女仔喎！咁其他唔識㗎嘛！咁我哋係唔係應該打好咗個關係先呢？』打好關係真係好重要！

唔係嘅話...以而家嘅情況...係跟唔到之前個劇咁本行落去...

咁個關鍵又係喺邊度呢？

「你又好似有啲道理...」安哥仔都點點頭...

『我都唔想你毒撚毒足一世㗎嘛～』

「我邊係毒姐？又話我毒！」

『你唔單止毒吖～好快變肥毒添㗎喇～』

「我邊肥吖？呢啲叫大隻！」

『肥油嚟㗎！唔係肌肉吖！仲要食咁多！』

「好食吖嘛！」

『嗱嗱嗱你都話好食呢～』

「係喎...點解我會覺得好食嘅？」
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞