2025 西藏(正篇)-天上阿里，北環線

估唔到樓主d團友都想轉 當初以為得樓主自己一個

五月中book 左架越野車 兩條友去轉山
睇睇下又好似有團友會多啲歡樂

前提要岩key

廣州男 湖南女 深圳女有冇行山經驗㗎

都理解嘅
有爭拗嘅話叫有記錄 聽返就知咩問題

服務業都好難做

去咗附近一間重慶欽餐廳食。

叫咗個清湯雞煲但唔好話，好香雞味，飲咗幾碗雞湯，成個人暖哂，整體都唔錯。除司機，76蚊位。


老板娘話佢地d菜係成都寄去拉薩，再車過黎。叫我地唔好浪費。送咗碟小騷肉又送兩碟類似白糖糕嘅野，但佢實心d。又話生意難做，叫我地點評畀個好評…但唔好彩嘅係點評/美團都search唔到佢。

等食晚飯個時，講起可以轉山，司機又喺度話大家係幸運嘅，今日到聽日有得賣飛。跟住手寫咗份協議，主要就係改轉山做3日，後面由司機話事縮減返一日行程。

廣州佬話黎到拼團，搵唔到大環線團，本黎得9日南環線嘅。之後再搵搵下最後拼到呢團。
深圳姨又話本黎網上報唔到，去咗個林芝嘅先，完咗返到酒店又話有團。
重慶姨話本身係報豪華四驅車團，最後話出唔到團，幫佢轉咗呢個。

我唔敢出聲…我3月中已經exactly報呢個plan…唔怪得之前客服幫唔到我轉日子，原來真係無乜阿里大環線嘅團…

司機又話我地係有運氣嘅，可以第一波入去轉山，最好買門票，舊年係有check飛嘅。

不過好大風&沙…一時時，唔知轉唔轉到。食飯個時睇唔到座山，依家又出返黎一陣。

日照金山應該又睇唔到

樓主司機尼頭講cut行程 轉頭公司打比佢屌
自動上傳

越野車會好d，有d位真係越野車先去到遠d入d。但越野車最多4人，後排3個夾住都唔好坐。由其是每日坐咁耐車，實有d零食啊，衫褲啊，袋啊要放。

cut咗後面某啲景點 影響嗰啲景點收入
公司少咗分成

尼樣當然 酒店 餐廳 都有

其實唔出奇，之前去西藏同藏民火鍋店老細傾偈，佢地話即使出生係高原地方嘅人適應咗環境，之後去平原地方過左一年半載，返到嚟高原幾日都係會有反應，不過佢哋有方法應對同埋易啲適應。
不過依單嘢好柒，冰川又大風又危險，高估左自己啦佢

瞓醒走出去望下，好似都幾好天


酒店早餐要9點先有，去返尋晚嗰間食，廿蚊位，仲可以帶2個包走。


食完出嚟已經日出，如果喺入面睇，就靚囉


去門口買飛，原來個意思係港澳台都可以跟上面優惠。



0832出發

對面有座雪山，司機話係岡仁波齊老婆


觀光車，車你去5定6km。

好多藏民。


有d返到西班牙徒步嘅感覺
不過呢度好鬼凍一路行一路打字凍到手指痛

孭咗三支500ml水，食早餐嘅時候老闆話入面應該有得賣。

live

戲肉來了

終於都開波

暫時仲係得我同朋友兩個人
每日要share 埋師傅個300蚊
同埋問返1/5 開始珠峰會住返大本營啲帳篷

師兄加油

無帶手套？

BTW, 無補給難好多

巴打加油！

想問下你去到轉山個陣有無請背伕？同埋佢有無得比你租帳篷？
因為我上網見到有得露營，但導遊話唔建議
黎緊預計五月中去轉。

同埋巴打你覺得黎阿里 /轉山要留意啲咩同一定要帶啲咩

一切順利

除咗水 仲帶咗咩補給
咁凍食乾糧 又凍又硬

啊屌，呢度有2格信號，但upload唔到圖，可能屋入面嘅問題

帶咗蛋糕仔，同snicker+能量飲品x2。屌，中間d補給點全部無開。
但呢度，開始咗行，完全無胃口食野，但唔食又唔得。