2025 西藏(正篇)-天上阿里，北環線

正常應該有牌寫住遊客禁止。
當然就係只禁止文明人。
走上去其實都無乜野，望到對面有另一堆洞堀，仲有兩個佛塔，最後唔記得咗行過去睇下



其實，置身其中係幾有感覺嘅。有種似馬丘比丘？肯定唔係敦煌…
一個亡國嘅遺跡，仲可以行黎行去，想像下d人點生活喺度

最後去睇紀錄片，睇下專家點講

有d窿塞咗d奇怪野入去。
後尾據廣州佬講，有d喺遊客禁止後面嘅洞堀仲塞埋d油罐/雜物


上咗一個平台


對面d山好有特色。


密集恐懼症勿點
再上樓梯，唔知做乜咁多窿，d人又放粒石仔上報…原來呢邊d泥已經風化到可以捽甩佢

越上越開闊，我地喺紅箭落車。


中間有一排排石砌嘅唔知乜…

後尾search到，原來個時拉達克攻佔咗下面之後，逼d俘虜起石牆再攻擊上層。

之後淨返最後少少，但呢度個門口咁奇怪

有串佛珠。


再上去就要捐山窿

估唔到仲有窗台。

望住頭先下面見到嗰個瞭望塔

呢邊都有條河，不過依家係乾嘅…定永久改道？,


再上上上，有女就可以喺度打卡。
上面…無導遊真係得個睇字都係遲d睇紀錄片算。


下晝向太陽個邊係一個窿都無。


呢度d屋全部鎖咗
仲有個寺廟



跟住呢度真係唔知點形容…最上層究竟有乜用。

仲有一個好大嘅房(?)，以前有無頂，有無擺野？喺度吸收日月精華？

仲有d經幡…其實有d諷刺，本身就係滅佛反被滅先走佬過黎呢度。


個山頂就唔係太大，不過鍾意打卡都可以影幾耐下。

諗起我都有塊經幡，咁綁喺度啦。


落山gogogo


落到一個太威德殿，鎖咗。


隔離紅殿有開

入面有壁畫&一個佛頭，其他俾人偷咗/打碎咗


再下面就白殿，正常就應該下面睇上黎嘅

佢每個殿門口都有人𥄫住你唔準影相拍片。


正常就應該睇完度母殿繼續上嘅


返去…結果無睇到另外個邊

由買飛到返到遊客中心…咁都玩咗3個鐘

不過老實講，呢度地方幾值得去。
之後又等重慶auntie，唔知佢又去咗邊度打卡。

睇字都覺得辛苦

等咗廿幾分鐘，之後返扎達縣=托林鎮，即係食lunch嘅地方。本黎仲去個托林寺，結果遲咗半個鐘，關咗門。咁去酒店。

呢間酒店真係好一般，第一間房廁所漏水，第二間房有藏香味，第三間房以為正常，沖涼水唔夠熱。廣州佬間房個加濕機壞嘅。


而且你睇條門罅可以攝野入黎。痴L線酒店。

重慶姨check in拎房卡，一見係1樓=地下嘅房，即刻同櫃台講唔要1樓，要淨d，要換3樓。
櫃台話無電梯，但可以幫你拿行李上去。
重慶姨話就3樓。之後有個職員幫佢拎咗行李上去。

跟住去食飯，司機話佢都未搞掂d野，重慶姨已經出咗去。之後問食飯，深圳湖南淨係想食菜，唔食肉。變咗我+廣州佬+司機去返今日lunch個間食。
路過超市，d野唔貴



又去返今日lunch個間。



呢個酸豆肘子(?)，川菜，真係食唔慣。

食飯講返，本黎20號開山，係無導遊無揹夫。但重慶姨透過佢d行山group，搵到個人幫佢揹行李。重慶姨個group最後都係第二日夜晚10點左右轉完出黎。
重慶姨仲搵司機話車埋佢嗰兩個fd返佢地酒店，司機到咗發現有其他人，唔肯，佢就唔上車，自己行返酒店。
最後原來得廣州佬係無轉完座山

其實最辛苦就轉山，轉完山去古格王朝，就好似爆咗機，返去清d卒咁，輕鬆到爆。
當然轉山唔好chur到個乾咗，overload咗個人，之後反而會高反。個湖南妹今日全日高反，講少咗野，仲無胃口，一啖肉都無食。佢平時食3碗飯個d人黎。

又話廣州佬成日認叻，但無行完

巴打寫完可以睇返篇文 你轉山個幾日好似有高反
睇落個人好hyper 之餘 思緒都唔係好清晰

留名 依加目標係踩單車去西藏同轉山

好荒蕪咁，冇咩人去咁

有一種沒落同荒涼感

個人覺得參觀呢類景點
正過拉薩嗰啲「打卡」景點

去一轉西藏要預幾多日假期？

有好多路線嘅，
林芝線7日
阿里南線7日，轉完山就回程。
阿里北線~12日
阿里中線~12日

wow，估你唔到，原來呢個團最有運嘅就係嗰個重慶auntie。一陣開車再講。

噚晚團結廣場，有一堆人喺度跳舞交友
差d想落去溝女，可惜唔識講藏話。話說司機話有兩個廿幾歲嘅香港女仔包車黎玩，噚兩條友都高反到入咗院 司機你早d講，我即刻脫團去照顧佢地。


今朝，重慶姨諗住坐前面，話佢噚日問咗湖南妹唔坐前座。
跟住湖南妹話今日到佢，讓畀佢深圳姐坐。跟住就嘈交。因為湖南妹日日坐喺後排角落瞓覺，重慶姨覺得唔輪換位，即係踢得個loop啦。
原來重慶姨都暈車，覺得我地淨係讓畀深圳姨又唔讓佢，有d唔開心 大姐你唔講你暈無人知。
最後無得固定位，因為湖南妹想讓個前座畀深圳姨。

今朝去托林寺，50蚊門票。

老實講，個寺本身歷史悠久，最舊個棟紅殿過千年歷史。

但佢好多都鎖咗門


跟住轉經道行咗一圈。大部份都鎖唔門，完全唔知有乜好睇






轉返黎門口，發現一入黎左邊個間開咗門。

入去一睇，有個大師帶緊佢地睇多咗個講解。大師拎住鎖匙開門開燈，介紹，出返黎，熄燈鎖門。入面都係d壁畫，佛像，舍利，etc。

大師問我地邊度人，原來深圳姨係東北黎嘅，咁叫佢東北姨了。

跟住大師帶我地去白殿。大師話頭先嗰度係紅殿。

跟住又係開門開燈介紹。


大師又帶我地去白殿後面，有間金殿。

金殿後面仲有一間舊金殿，原本有三層，文革破壞淨一層。


跟住大師話無了，我地就出返去。

東北姨又跟咗大師入白殿，買咗d藏香。

寺隔離有一白塔，大師話呢堆係老化咗收返黎嘅。


出黎之後，重慶姨話佢轉山個時遇到個大師，帶咗拉薩一個寺入面一個金球過黎轉山。話見重慶姨有緣，就送咗個金球畀佢。又話頭先入去托林寺，個大師話帶佢地轉一圈。
原來有運嘅人係重慶姨，沾到佢福氣

見啲相冇咩遊人
係呢啲景點本身少人去 定係因為淡季

少人先正

有嘈交樓主會做和事佬定食花生

淡季 d景點係團必去 人多重煩 影相都要排隊

之後再出發



又上山，又有土林。靚過噚日，密集d。

呢度兜山路又兜到嘔…

藏羚羊。


皮央東嘎。要50門票，司機話舊年先15。


算數，唔上去。

廣州佬頭先同個自駕嘅傾偈，話達巴縣有個穹隆銀城 不收費仲靚d。但睇一睇地圖，喺岡仁波齊同札達縣中間。

入咗間茶館，同老板吹水。

佢話以前呢度上面住咗100戶，冬暖夏涼。依家政府起咗屋補貼佢地，4萬5，200平。

佢話藏民接受咗補貼嘅必須種青稞，唔種罰800，用黎做預備軍糧。佢話佢地嘅羊肉30，牛肉45，於是叫佢煮飯食。

每年淨係做下遊客生意，賺7,8萬。

有時同d local吹下水都幾唔錯。

淡季，啱啱藏民老板話，舊年好多鬼佬黎轉神山。今年應該未到時間。

我果團有鬼佬嚟轉山

你個團幾個人？有幾個鬼？邊度報嘅團？

14個人
4個鬼
4個越南人（初時以為尼泊爾）
5個香港人
1 個唔清楚

報奧德賽老外轉山團

14個人，你架咩車黎？影黎睇下。

仲有 想confirm 下岡仁轉山開始果到會唔會有行山杖借
唔想係香港拎去

於是喺度食飯。

重慶姨拎咗包香騷鴨出黎，再加咗碗餃子。

重慶姨話呢度上面好睇過古格王朝，上面間寺有一個僧人守住。

1430再出發。